tgoop.com/abbasQulaauy/378
Last Update:
علي علي علي ياعلي مدد
___
قالعهه بيده - هوه الصميده
يشگ حلگ الثكال - محلاته صيده
لو شال اصبعه - طيح السبعه
بسبـابه ايـده - خـيـبـر يقلـعـه
يطب بيهه ابو حسين ويفر كل هلروس
العرگه الثجيلهه يحبهه لن غيره متروس
خـلـه العـده تـركـع الـه بـرجلينـه تـبـوس
صـار بحـلـك كـلمـن دنـــه مـثـل الـمـوس
علي علي علي ياعلي مدد
____
يردمهه حيدر - يحييله قمبر
ياهو الدخل هاذ - بـ الله اكبر
ترتجف كلهه - طشر شملهه
وعمامته تميل - رد وعدلهه
يهزهه ورفسهه وراسه ضل يتمايل يفور
يفـتر بسيفـه علـرگـب چـن نـاعـور
هـوه الـچبـيـر اول عـلـي مـو مـكـبـور
ليلوحه سيف الله علي ميت بالگبور
علي علي علي ياعلي مدد
____
حيد شحلاته - حلوه صفاته
محلاته حيدر - لابس عباته
كل اليلاكيه - حدبة طلعّت بيه
جا غير ابو الثام - ياهو اليحاجيه
يگلب سماه ع الارض زلمة وصدك حيد
سيـفـه اكـل كـل الزلـم يبـلعهه ويـزيد
يستنگي ياخذ بس عثگ يذبحهه ويعيد
زلمة كـلـف مـن الـزغـر مـنطيـنه تأييد
علي علي علي ياعلي مدد
___
هوه الخليفه - ياخذ بكيفه
شجابه لـ عمر هاذ - واهل السقيفه
يابختك اكبر - من حُب ابو ذر
طوله السماوات - وعيونه مرمر
يلوح السمه بطولة الشرس يتناوش الفوگ
مـاياخـذ ازغـار الرطـب لاح مـن الـعثوگ
كسر فچوچ بطگته سگتهه الحلوگ
يمشي وتخط جوه الشسع من عنده العلوگ
علي علي علي ياعلي مدد
____
#عباس_القلعاوي
BY الشاعر عباس القلعاوي
Share with your friend now:
tgoop.com/abbasQulaauy/378