💐أسأل الله بحق هذا اليوم الذي جعله للمسلمين عيداً ولمحمدِِ ذخراً وشرفاً ومزيداً، ان يدخلكم في كل خير ادخل فيه محمد وال محمد ، وان يخرجكم من كل سوءٍ اخرج منه محمد وال محمد عليهم السلام ،
🌷 كل عام وانتم بألف خير،
🌹🌹🌹🌹🌹🌹🌹🌹
🌾كل الخير في باب الحسين عليه السلام 🌾.

خادم الزهراء عبدالخالق الحريشاوي, [أغسطس ⁨2⁩، ⁨2021⁩ في ⁨9:31 PM⁩]
عاتبتهم
ــــــــــــــــــــــــــــــــــــــــــــ
عاتبتهم بالأسامــي ليش عفتوني يهلنه
ناشدهم غالي غالي مـوعليلتكــم يهلنــه
أصيحن يل تضعنون00العليلتكم تردون00يهلنه

أمنمس بيدي الثياب وگاعــده أتنطـر والنوم أعله عينـي إمن الفـرح مامر
باچر نوگ أهلنـه إمن الصبح تحضر واشوفـن ناگــه اليـه والدي أتخيــــر
بيــده ركهبـــن خــواتـي ومـابقت كل هاشميــه
صحت بويه حسين وآنه وينهه الناگـــه ألأليــه
ويـن الچنهــــم أبـدور00أتبعتهم گلبي مكسور00يهلنه

عله الميمـون ابوي ودار الي ظهـره واجــراس النيــاگ أيجيبـــن العبـره
وامــراكض عليله والـــدرب عثــــره بأمل چلمة تعالي وشبگه من صدره
أدللي يابويـه چـانـت فاطمــه يانظــرعينــي
هاي أول بويه رجعي من ضعنه وسامحيني
أبعذرماتنطفــي النار00خلت مـن عدكم اديار00يهلنه

يارايـات أهلنــه إمــن السلف طلعـــن ياخضـــر العمـــايم بالضعــن يزهــن
ياذاك العفـــاف أبســـد گمــر ركبــــن يــمناغــات عبـدالله الگـلب لچمــــــن
أثنيـن مـــن الألمنــي خـذو عبدالله إمــنديــه
وچلمة أخذوهه عليله الخاطري أتگلهم رقيه
عليله وألهه حنيت00وعليهه أضلم البيت00يهلنه


يا خيــل العمـــام البالشيــــم تصهــل يـادورت ظهــرهــم بالضعـــن تـكـتـل
أتبعتهـم عالي نوحي ودَمعتـي تهمـل ردت عمــي الگمـر مـن المهــر ينزل
چلمــة اليـاعـم حنينـه وهـوه ياعــم ابو فاضل
والأبد مــا حاسبتهـــه بيده ردني إمن المحامل
رجعت أمدنگـه الراس00سباني أمـعاين الناس00يهلنه

يمـــوداع خــوات أمـبچـــي والينـــه ياملــح المحاچـــي ودمعــــة اسكينــه
عليچ ادمـوع ابونه الغالي أعذرينـه مـــامقســـوم ألچ يختـــي تـمـــاشينــه
ودعتنـي أوداعت الله ردي يا أختــي الحبيبــه
لا يموت حسين ابونه أبصدره ضل دافن نحيبه
حمَدت الله أعله كل حال00صحت ودولي مرسال00يهلنه

ياذاك الجمــال الهاشمـــي الأزهــــــر ياهـي العدهــه اخو يشبه علي الأكبر
بچـــه أبگــد غيرته وبدموعه يتعـذر أبسلامه لو وصلنـه الخاطـرچ أحضر
أبعتبـة الباب وأناطـــــر علــي يرجعلي أتانـي
من رحل شوعيني رفت أشضام للأكبر زماني
كتبـت أشگـد مـراسيل00بالإمناحب والإعـويل00يهلنه

ـــــــــــــــــــــــــــــــــــــــــــــــــــــــــــــــــــــــــــــــــــــــــ
خادم أهل البيت/عبدالخالق الحريشاوي

القدر لعشق المذبوح
                         ـــــــــــــــــــــــــــــــــــــــــــــــــــ
 
           ياروحي وهيـامــي     يـضــامـي    وجرحي المايطيب
               
         لومــه الخيــــم     واهـل الخيــــــم     لاصمنــــه لاصلينـــه 
         يا مــنسحــــﮓ     ينـزف عشـــﮓ     روحـه تسـولف بينـه
         إينــام ابشمــس     بـينــــه يحــس     ابفي خيمتـه ايخلينــه
          اتـصب دمعـتــه     وابــنيـــتــــــــه     ابهيمه تضيع اسكينه
      معشوﮔـي اتظل دامي ووحيد     واللايــم كون أنسـاك أيــريد 
         شاريني أبعطش حيل    سـحِـﮓ خيل     مـذبــوح وسلـيـب
          ياروحــي وهيــامــي    يـضـــــامـــي    وجرحي المايطيب
             
         
          أﮔلوب البشــــر    مثـل الحجـــــر     وانتــــه ابــوالحنيــــه
           ذاك الظهــــــــر    بيــتـك جمـــــر     مـاعـدهــــم انسانيـــه
           اشصـار وسـده    وانـتـــه النــده     لـوشـــربـوك اميـــــه
           اشصـايـــرلـون    خـدرك بقـــــن     وماتـنسبــــي رقيــــه
           يـل جسمك ماصحله لـفيـــاي    أويه اشفافك ياذنبه هالمــاي
            الماعدهــم ﮔلب جون    يـلـومـــــون     نوحـي عالغــريب
            ياروحــي وهيــامــي     يـضــــامـــي    وجرحي المايطيب
 
 
 
             أمبـﭽـي السمه     كـلـك دمـــــــه     من جدمك الشيـباتـك
             يا شـــوغــتـــك    يا حيــــــرتــك     مــن عبـرن ابـنيـاتـك
             أتـضـم منحــرك    أتضم خنصرك     وهـنه أشكثر طعناتـك
             هــــم شــاهـدن    واشـﮕد بـﭽــن     وآه يابـﭽـي احبيباتـك
            ويا ﮔلبك تابعهن محـــروﮒ     يتعثربالهيمه أويه النــــوﮒ
             مــن بعــدك سبـيـات     اسيـــــرات     والحــادي غـريـب
              ياروحــي وهيــامــي     يـضــامــي   وجرحي المايطيب
               
             أبعشـرت جرح     وي منـــذبـــح     بيــه دفــن لـﭽماتـه
            وصـــارالقــــدر    أعشـﮓ نحـــر     ما تــنحسب وناتــه
            شابـع عطــــش   مــالـه نعــــش      بـس أشملذ ﭽلماتـه
          وامشي أبضعـن    ســـابيّ زمــن     هيمه وطفن خيماتـه
            محبوبي الشاريني وبـــروح   أيناغيلي بالحومه بجــروح
              يا ذنــب الحـوافــــــر   خـــواطــــــر   كســــرن للحبـيب
          ياروحــي وهيــامــي     يـضـــامـــي    وجرحي المايطيب
             
              ﮔــلبـك كهـــف     للحــب نـزف     وبكهفــك أمخلينـــــــي                
              أتصـب عاطفه   بيـتـك طفــــه     ابغـالي الخـدرشـاريني
              شمجـازي إلـك     شموفـي الـك     عــــود الدمـوع ابعيني
              ماعنـدي اخـت     ميتــه شــفـت    أبمجلس عزاء احسيني
              وياغــــربة رقيه بالشـــــام   النومتهـــه وي نحــــرك آلالام
              ويا طشـت الذهـب آه     أويــــــــلاه     بـي راسك خضيـب                                                                                                                                                    
              ياروحــي وهيــامـــي     يـضـامـــي     وجـرحي المايطيب
                     ــــــــــــــــــــــــــــــــــــــــــــــــــــــــــــــــــ
                                                     خادم أهل البيت/عبدالخالق الحريشاوي