شنهنيك يالطاريك تارسنه ألذ لـچمات

شنسميـك يــاموطـن نــده الدمعــات

ياشهـﮕــة غزل تشفـي عشـﮓ مذبوح

النسمات الغــرام أنصــوغ يا چلمــات

الأمبـارك يتيمــه أبسـد صـور مــوعود

عــود أتـفـك حــزنهـه أبجيـة الــرايـات

بعدنه أعله العطش يَم بيتك المنهوب

وبعدهه أبيوت شام الذبحك أمعيدات

كل عـام وجرحنه أبـﮕــد وَهـب ينشاف

كـل عـــام وندم حُـر بالظميــر أيـبـات

كــل عــام وبلا مـوعد دمعنـه ايطيـح

كــل عـــام الشمع يلچم محاچر ذات

كــل عـــام الجوارح يم خيام أتعيـش

عشگ مذبوح سَد عينه ابهيام ومات

حي بني هاشم
ـــــــــــــــــــــــــ
ريحة مرجله وغيــره وعطـرنومــاس

مــن حـي الهــواشم عــابــر وشميت

أحب حيهم مشيت أتقصدت بهــداي

ساكـن بـي علي موبيدي مــن حنيت

رفعت الراس لن گمره سمه المعبود

تزهي أبلا ﮔمـرشنهـــي الجره ناديت

عطــــر چفيـن أشمن ناطرات الجـود

لا والله الرجـوله أتفــوح من هالبيت

آهنا چلمة بخت معـﮕوده للحـــوراء

وبروحي حـچيت آنه وخذت وإنطيت

والمجبــل عليــــه أيصيـــح ياحيـاك

الســـلام الهاشمي أبميـة هله رديـت

وي روحك نشدني أتسولف ومذهول

وﭼـنك باإلي صار أبحينه ماسمعيت

ﮔـلت مدري تراني أوداعت الزهــراء

تعلمنـي أعله جاهك بالخبـرياريـت

ﮔــــالالي أنولد عدنه ظهـر للحسيـن

خجـــلان الـﮕمر ماشفتــه مـن طبيت

أعنيلك علــــي أبيتـــه أنولد عبـاس

ثلث مـــرات  آنه أعله النبــي صليّت
ثلث مـــرات  آنه أعله النبــي صليّت

أسعد الله قلوبكم وأيامكم بولادة حامل لواء الحسين قمر بني هاشم وكافل بنات الزهراء أبالفضل العباس عليه السلام

أبصفنات أنتظارك چم حلم عين

يذبحه أغروب جُمعـه ويرد يلتـم

والعطشانه روحـه وغايبــه أبعيد

تظل حگهـه دمعتـه أبچفه تحلـم

بأمل شامه وسمار ومالح أرســوم

يهلبت راعي جرحـه أيشوفه سلّـم

توارد كـل فــرح صينيــة أشمــوع

وأدري أبكـل شمــع جسـام تشتـم

يمهدي اليمته شابت والفرح عوز

الفرح سكته الحچي لدموع مأتـم

يا آخــــر صــدگ يَــم مالهـــم لون

أبسبــع أوجوه ترسو مهجتـك هَـم

يشايف كل جرف بي ظهرالحسيــن

وچـــم شط الحچــالك سالفـة عــم

العرف ذنب السبي المفروض وياك

تصوم أشفايفــه إمن أيصيـر مَبسم

فـز جرحنـه الغـافي مابيـــن الظلوع

أيفطر أشفاه أبعطـش طبــع الصيام

يمكن أبظهريـه صـايـم عطـش مــاي

بــس ألـه بيـــت وتحــت فيـّــه ينـــام

أوجوهنــــه تــذبل نصومـــنلـه نهــار

العطش گلب حسين ضامي أثلث تيام

العطـش ذاك السومر أرسوم العفاف

أولا كفــالـه الزينب أولا فـــيّ خيـام

إمن المخيم مَشيه حد جسم الذبيح

كبّرت أخـت الگــمـر خمســيـن عـام

أبحيــرة أثمـــانـيــن مسبيــه ويتيـم

جــابو النـوگ الهــزل والنيــــه شــام

حـﮕـهـــه زينـب شيبت حتـه العيـون

شايفـــه أبنحــر المحنــه الرمــح نام

فـز جرحنـه وﮔـابل أرسـوم الرضيـــع

النشـــغ مذبوح ويبس حـــيل الإمام

فــز جرحنــه يـــم رقيـه أتــريد مــاي

بويــه عطشـــانه تـــرف هــذا الكـلام

أنعــاتب المـاي أعله سفرات الفطور

ونشهـﮓ أبعبره عله الضامي السلام

ونشهـﮓ أبعبره عله الضامي السلام

أمنين اليبدي بيـك وينتهي أمنيـن

يعـالي وناصيــه أحـروف العبارات

يصيت إدلال بيتك من سمه وفوگ

أو ملــح ملـﮕــاك غــزر بالمجرات

حـﭽو بـچفوف حاتم يم وكت عوز

النـده أچفوفك لـﮕو ماكومسافات

يمالح سالفه الكل خلـﮓ بي ضيـم

يـﮕـهوة عافيــه إمن إدلال سمرات

يشــايل مــاي وجـه الداﮔـلـك بـاب

أبـچلمـات الهلـه الجــــداً حـنينات

يالمفــرع ضــوه أبـتسيـار كـل ليل

لحــد دمعـة العوز أتصير شــذرات

ترافـــه الخاطــره مكســور يلـﮕـاك

الحسـن شفـاف چلمــاتك لذيـذات

يتسيورة نده أعله اشفاف عطشـان

يجبرت خــاطــــر الفاگدله نسمات

إجمعت روحك سويه وطول جسام

ونزل عريس حومـه أعيونه حلوات

سبه أعيون المشاعروالوصف چان

بالمــبارك يجاسـم أحلــه چلمات *

الحسن صار
فرّعت كل روح بيضه
ولمت أملوحة محاچي
وصاغت الچلمات دره
والعلي نثرت مشاعر طالعه إمن أگلوب فقره
والمحاچي
خضرّت ياعلي دارك
بالحسن فاطمه أمبارك

عكس الارواح المريضه
اليَم صنمهه أبليس باچي
التدري بس سود النوايه
الصارعگارك يعسكر بالجمل شيال رايه
مو محاچي
للحسن ضَموخناجر
دينهم كسر الخواطر

الحسن صار
بالسمار
يا ادلال الله أبشري
ثگلت الحيهم واسمهه
وصارملح الخير صيته
أيشوّر أبكل عوز باچر حار واچفوفه بخيته
والشواهد
تشبع ابصحنه الطوايف
الدله بسمه أتطب مضايف

الحسن صار
الجمال اليله صار
الباچر أيخضرّ القاسم
يترس الحومه مواقف
الموعد أبموت الضماير
لو ذبل ياس الشهاده وتعطش الدنيه مشاعر
والشواهد
لوتحزّم بدر زاهر
عاشگ وقربان طاهر

بالهيام أبعمر شمعه
أبمتنه رايه للهواشم
الموعد ابلا حنه رايد
يترس أعيون الفواطم غِيره بالطف وشواهد
عيد ياوحي القصايد
راعي ثار
الحسن صار

أسعد الله ايامكم وقلوبكم بولادة
معز المؤمنين الإمام السبط الأكبر
الحسن بن علي بن طالب عليه السلام

               
                     ليلة قدر لو ليلة احــزان
                     ليله العلي مابيهـه قرآن
      بالمغتسل ريحة علـي بعدهه
    راح الصبـر يافرگتــه شيسدهــه
 
كل ليالي القــدر چنــه من زغرنــه أمعلميـــن
 نگعد أبمحراب ابونه وچان صوته أشگدحنين
 اليله حته الـدار غربـه أبلا أميـــرالمؤمنيــــن
 اليله اخوتي أبلا عمايم والصده أيردعلي وين
                 ويم المـچـان البي علـي مات
                   صاح الحسن وبصوته عبرات
أعيون ابونه المرتضى شيردهه
    راح الصبـر يافرگتــه شيسدهـه

صارت الدنيه ظلام وحال اخوتي اشلون حال
مـن رحل تابوت أبونـه الفوگه شيبات الحلال
 بي علي شهگة هوانه والضوه إمن البيت شال
 والمصيبه أشگد حنينه ابصوتهم بويـه تعـال
              فرهد جــمال حسيـــن الأنيـــاح
               أيشم عطــر ابوي البعده ماراح
    وياخذالدارأبدمعته ويردهه    
راح الصبريافرگته شيسدهه
 
 
علي وَصف موت أخوتي ودمع عينه دم يسيح
الحسن بويه أبغدر جعده وماألك يبني ضريح
حسين بويه أبحومةالطف أنته عطشان وذبيح
الگمر بويه أعله الشريعه إبلايه چفينك تطيح
                 واعظم بعد من حرﮒ الإخيـام 
                 زينب غـــريبه أتمــوت بالشام 
  ودام تشيل الهه نعش ماعدهه
    راح الصبريافرﮔـتـه شيسدهـه

أبلايه حيدردرب ظلمه وانطفت شمعة ضواي
وباچرالطف گاع غربـه ونحرأخوي أيحن واري
أبگدعطش گلبي أردأشمچ خويه يازينب تعاي حيره گلب حسين ضامي والشمرماينطي ماي
                  لاچف اخو لا ناس أجـاويد
                  أندب علي أحضرني ياحيد
لارايه زينب لامحامي عدهـه
  راح الصبريافرگته شيسدهه
   
هــاي ليلــة قدربيهــه كل دعــاء المستجاب
الربي راح أرفع دعائي أبفاطمه العند الله باب
العين لا تترس عباتي أبظهر عاشـور المصـاب
 ولايظل حسين عـاري أثلث تيام أعله التراب
               ويحضرضعنه حامي الإدخيل 
               يـوﮔـف حراســـه للمــــداليل 
شام المصيبه زينب أمواعدهه
            راح الصبريافرگتــه شيسدهــه