tgoop.com/aboZainabaldalime/6319
Last Update:
ميمر / للامام الحسين عليه السلام
يا من مَحَبْتك أسمى وأعظم طاعه
يا من مصابك يبقى حي للساعه
——-
نهجك يضامي اويه النجوم إتعله
يِبرِج اواضح والنقي يندله
رغم إرتفاعه الراد إله يوصله
نوره يشع غطه الشمس بشعاعه
—-
ويه النجم هذا الوصف مو شانك
بس ربنا يحسين اليِقَدر إمچانك
الله يصونه يا غريب الصانك
والخالفك حسره وندامه إمتاعه
——
واحد شبيهك حاشاه ابد يتكرر
كلك معاجز من صرت للمنحر
گبلك منو لمهده الملائك تحضر
وببهام سيد الكائنات إرضاعه
——
لكل نبي وقصْته اتفوِقه عاشورك
الطوفان دمك مرسى نوح لطورك
الدين ميت لولا لاذ بسورك
وتنهش بجسمه أهل البغي الوضّاعه
——
ما شفت مثلك بالكرم يا مولاي
ضامي ولخصمك بيدك اتشربه الماي
مو مهم عندك لو لقتلك عناي
ما ظَلَم من شابه علي بَطْباعه
——
ضَيِعَت حظها وعافتك هالامه
للحگ تفارگ عالجهل ملتمه
مغبون من باع الضوه بالعتمه
عَثره تضل صبح ومسيه گاعه
الشاعر : أبو زينب علي الظالمي
BY الشاعر أبو زينب علي الظالمي
Share with your friend now:
tgoop.com/aboZainabaldalime/6319