tgoop.com/aboashik/7122
Last Update:
السلام على الكفيل
،،،،،،،،،،،،،،،،،،،،
يحتاجلي حزام وظهر
لو ردت اوصل للگمر
وثنينهن يم النهر
طاحن يعباس
ـــــــــــــــــــــــــ
هم سولفولك من طحت طاحت
وياك الخوه
وحسين من كثر الهضم بالممشه
ظل يطوه
بيمن يشد حيله ويجي ماعنده
ظلت گوه
شد حيله بسمك وانتچه وجاب
الظهر يتلوه
عباس والله تحيرت
بجروح گلبي تعثرت
بالحسره كلش كثرت
طاحن يعباس
ـــــــــــــــــــــــــــــ
بياحيل اجيك وعالنهر طاح وتهدم
حيلي
عباس روحي انت ورحت بياروح
اعيش احچيلي
عباس طحت بسچتك شوماتجي
اتچيلي
يا گمر چنت بدنيتي لو دلهمت
تضويلي
عباس ليك من گصدت
من گبل ما اوصل شفت
چفينك ويمهن طحت
طاحن يعباس
ـــــــــــــــــــــــ
يمك يخويه تحيرت وتحيرن
حسباتي
وسكتت ودموعي جرن وطشرن
كلماتي
وبحضني لميتك جسد وحاچيتك
بدمعاتي
عباس مو وكت الجفه شماتك
وشماتي
گامو يسمعوني حچي
من شافو بعيني بچي
وچفوفك البيهه ارتچي
طاحن يعباس
ـــــــــــــــــــــــ
عباس لخيامي رجعت بچفوفي
ساند ظهري
طيحتك يا راعي العلم طشت
سنيني وعمري
زينب شگلهه لو رحت وزينب
حنينه وتدري
تنشدني وحدك عاودت چا وين
كافل خدري
طبيت خويه لخيمتك
هدمت العمود وعرفتك
چفوف الكفاله ورايتك
طاحن يعباس
ـــــــــــــــــــــــ
عباس يمك من اجي اتمناك
تتلگاني
حتى اني اگولن مامتت عايش
واجه تلگاني
بس أنت خويه لخوتي عباس ما
ظل ثاني
ردتك تشده برايتك جرح الچبد
اذاني
لو رحت ما يسوه العمر
من زينب شلون اعتذر
كافلهه وچفوف الخدر
طاحن يعباس
ــــــــــــــــــــــــــــــ
خادم العباس ع ابو اسحاق الفحام
BY الشاعر ابو اسحاق الفحام
Share with your friend now:
tgoop.com/aboashik/7122