tgoop.com/aboashik/7202
Last Update:
بين الحسين وعلي الاكبر
،،،،،،،،،،،،،،،،،،،،،
اجيت بدمعتي اتعثر
لگيتك يبني يالاكبر
صريع مگطع موذر
طحت يمك طحت
،،،،،،،،،،،،،،،،،،،،،،،،
اجيت وشوفي اظلم ما يدليني
صكهه الصوت يبني وغمضت عيني
لگيت الموت يمك ذابح سنيني
صحت ياموت اخذني ولاتخليني
العفه عالدنيا من بعدك
اجيت ودمعتي تنشدك
بين آلافهم وحدك
طحت يمك طحت
،،،،،،،،،،،،،،،،،،،،،،،،،
اجيت ومن اجيتك عثرن عيوني
شافنك جسد يالبيك فجعوني
تيهت الدرب والناس دلوني
منّ الخيمه ليك احتارت ظنوني
مديت الجسم يمك
يا عطر النبي اشتمك
وذر عالگاع شيلمك
طحت يمك طحت
،،،،،،،،،،،،،،،،،،،،،،،،،،،،،،،، شفت يبني عله خدك ضاميه ورودك
ومرسومه المنيه وخاسفه خدودك
وعودك ملوي يبني يالحلو عودك
وطحت يمك يبيتي الطاح عامودك
يمك طاحن احلامي
من شفتك جسد دامي
ضامي ويشتكي لضامي
طحت يمك طحت
،،،،،،،،،،،،،،،،،،،،
يازهرة زماني وشمعتي بليلي
طفاك الموت يالنورك يضويلي
طحت يبني وتهدم من طحت حيلي
گعدت يمك وريدك يبني تحچيلي
شحالك بالضمه شحالك
اظن مفطور دلالك
الگلب گبلي تعنالك
طحت يمك طحت
،،،،،،،،،،،،،،،،،،،،
ياطعم السوالف من طحت تدري
طحت يمك ياللاكبر ونطوه ظهري
عگبك شلي بعمري يابعد عمري
بعدما يشفه جرحي وينجبر كسري
بينك يا علي وبيني
طشن عمري وسنيني
عينك صارت بعيني
طحت يمك طحت
_____
الشاعر ابو اسحاق الفحام
BY الشاعر ابو اسحاق الفحام
Share with your friend now:
tgoop.com/aboashik/7202