tgoop.com/abohijer/1734
Last Update:
قصيده الى مولاتي الزهراء ع
حال لسان السيد زينب
المستهل بسم تعالى 👇
نفسه الحرك هذا الباب يحرك عليه خيامي
لا والي اظل ولخوان ومشتتين ايتامي
**
يايمه الحرك بابج ** باجر يذبح اولادج
ويجدد مصيبه
لادين وشرف عدهم ** بليس بصدره رضعهم
وعدهم مو عجيبه
اظل بظعن ابو اليمه **وتلتم النساء يمه
ويصحين غريبه
اروحن وحدي مسبيه ** ولا واحد يرد ليه
والراح شيجيبه
وامشي بدرب بيه عثرات ومجتفات جدامي
نفسه الحرك هذا الباب يحرك عليه خيامي
**
باجر يمه اريدنج ** تحظرين على نحر ابنج
من يكثر ونينه
ظلعج هم مثل ظلعه ** لاجن خيل التشلعه
حسينج ياحزينه
ويظل بالشمس والحر ** ولاواحد عليه ينغر
بس انتي التجيه
لو طر السهم كلبه ** ويوكف يندعي لربه
ويذكرج يالحنينه
وتترادف عليه الخيل ولوحده طايح ظامي
نفسه الحرك هذا الباب يحرك عليه خيامي
*
ياورده ياحوريه** الفركه تصعب عليه
يلعشتي بدليلي
روحي من الحزن ذبلت ** واعرف فركتج كلفت
وما يخلص يليلي
يوميه اذرف دموعي ** وتكثر حسرتي ولوعي
شيبرد غليلي
شعدك يازمن كلي ** متعادي ويه بيت اهلي
من عدك ياويلي
وشلون اعيش بلا ام وشلون اخلص ايامي
نفسه الحرك هذا الباب يحرك عليه خيامي
*
يايمه شكبر صبرج ** ورده وما كمل عمرج
من شفتي المنيه
بيه من الهجر عله ** وتانيج العمر كله
شيردج عليه
بسمج روحي متعلكه ** جرحج مو جرح فركه
يايمه الزجيه
يالرحتي شكبر يومج ** يوميه اشبك اهدومج
من تمسي المسيه
صدكيني ابد مو للماي كلبي على فكدج ظامي
نفس الحرك هذا الباب يحرك عليه خيامي
*
ياذيني الهجر والهم ** واطشر كمت والتم
من اذكر كعدتج
يالرحتي وجفيتيني ** كصرن بعدج سنيني
هم ردي على بتج
يوميه ختنك وندم **وبجي دموع الج من دم
من اذكر شبكتج
مهظومه وفرغ بيتي ** راحت مني عافيتي
يايمه شمعزتج
ياطولج وياي ورح يا لغبتي من احلامي
نفسه الحرك هذا الباب يحرك عليه خيامي
**
ابو هاجر المجراوي
07807808421
BY ابوهاجر المجراوي
Share with your friend now:
tgoop.com/abohijer/1734