tgoop.com/abohijer/1736
Last Update:
قصيده الى مولاتي الزهراء ع
حال لسان أمير المؤمنين ع
فكدج كسرني يالرحتي مني
غسلتج شلون بجفوفي ذني
بيتج عليه رديت فارغ لكيته
******
من دم تهل العين من غبتي لليوم
و روحي بجنح مكسور ما تكدر تكوم
تدريني اموت وياج ما اصبر اليوم
ومن صابج البسمار غطتني الهموم
يا نجمت الليل ** بجفوف ديه
شفتيني دفنيت ** روحي الزجيه
طولج يابعد الروح من ودعيته
بيتج عليه رديت فارغ لكيته
******
يالزهراء روحي تكول ما منها جيه
ما تنحمل بجفاج هاي الرزيه
وزينب تون بالدار بعدج خطيه
تذكر الكعدات وي كل مسيه
بس اسمج وياي ** طولج فكته
شحجي على الفراك ** يازهراء ظكته
كون العمر دمعات لجلج بجيت
بيتج عليه رديت فارغ لكيته
******
طش الظعن يا ناس وتفاركينه
ديره وخلت بجفاج وتادعينه
ما ملت من النوح روحي الحزينه
تجري دموع واهات حته المديته
ما ينوصف ظيم **شوك اليرحلون
متوسط الدار ** وتسيل العيون
ظيم اليمر بجفاج ما حسبيته
بيتج عليه رديت فارغ لكيته
*****
يالجنتي شمعة وياي وحشة اليالي
نتفارك انا وياج موش على بالي
يا وردت البستان عذبتي حالي
هذا الحزن بجفاج ما عندي تالي
ينشدني كل يوم ** يريد الحسن ليج
ما يقبل ينام ** بدموعه ينعيج
يا ظلعج المكسور من غسليته
بيتج عليه رديت فارغ لكيته
******
بس ثواب الج بالبيت ظل ذكره عدي
ولمرن امجفاج بس الله يدري
ودعتج ورديت ودموعي تجري
وفراكج ام حسين كاسرلي ظهري
كل عمري اتانيج * *مو بس سنه ويوم
من يوم الوداع **عاشرت الهموم
يحلالي كام الموت لوصح شريته
بيتج عليه رديت فارغ لكيته
******
شالت اعز مخلوق مني المنيه
وتذكر بكل يوم نكعد سويه
زينب تصيح عليج يمه الزجيه
نتسامر انا وياج يام الحميه
ظلت غريبة *** وتحن على امها
يوم المشيتي *** يومج هظمها
ماكو دمع بالعين بعدج كظيته
بيتج عليه رديت فارغ لكيته
******
ابو هاجر المجراوي
BY ابوهاجر المجراوي
Share with your friend now:
tgoop.com/abohijer/1736