tgoop.com/abohijer/1747
Last Update:
ترضاها اموتن خويه مرتين
مليت من الغربة ياحسين
شد الحزام
واعتني الشام
مليت من الغربة يا حسين
*
انا بعيده وعليه فترت العدوان
ولا يمي الوده ولا بكت خوان
احلفنك تجيني يا كمر عدنان
اخيتكم غريبه والجفن سهران
لفو عمايمكم يالسباع
وطوو عليه الكاع بالكاع
غربه وجروح
حملت الروح
ظليت أتاني وفاتن سنين
مليت من الغربة ياحسين
***
سلاماً يا بوفاظل ويه ريح الهاب
وسلاماً ياذبيحي والدمع سجاب
يذكرني الهواه كل ما يحرك الباب
بعدني أذكر خيمكم واشتم العطاب
شمات اجوني وسحكو الدار
جن حيرت الطف كلبي محتار
يخلص الليل
المدمع يسيل
خويه بدربكم راحت العين
مليت من الغربه ياحسين
********
مشتاكة على ظعن حسين وعياله
زمن يسبك زمن ودموعي هماله
اليفاركله غالي يعذب حواله
ما ينسه دقيقه ويسكن باله
ونه على ونه وعودي ذبلان
يا يوم اشمن ريحت اخوان
شمعة وتذوب
هيج الكلوب
كلبي بجفاكم صار نصين
مليت من الغربة ياحسين
********
انا بعازت اخو جا وين الاكيكم
رسمت على الكلب ياخواني اساميكم
كل هذا التعب بس ما اوفيكم
عطشتو خويه لجلي وبيش ارويكم
غيرته شكلي من الدموع
لمن شفت ياحسين الظلوع
يم النهر ذاك
اتذكر هناك
ليكم رحت باليل مرتين
مليت من الغربة ياحسين
********
يخويه الغربه صعبه اشسوت بحالي
يا يوم واشوفك توكف كبالي
يرد بيه الزمن ويغير حوالي
يلم شملي وخوتي وظعني وعيالي
مذبوح اشوفن لاكه مذبوح
وأنا الاكومن وانسه الجروح
يرجع الراح
وكلبي يرتاح
تذكرون اختكم خويه ناسين
مليت من الغربة ياحسين
********
ابو هاجر المجراوي
07807808421
BY ابوهاجر المجراوي
Share with your friend now:
tgoop.com/abohijer/1747