tgoop.com/abw_gssas/15951
Last Update:
عليك ياربي قد الأجرام بالغ ذروته
في غزه المحتل باتلقاه في كل الجهات
يكثف النيران وامريكا تعزز قوته
ودعم لوجستي مكثف بالسفن والطايرات
ولندن ام الكفر تقبل بالقطع متعنته
احيان ضرب اطفال واحيان الضحايا امهات
ايشما لقت قدامها بالضرب قامت هدته
منازل او طرقات مستشفى مدارس جامعات
هي مصنع الارهاب فـ العالم وهي من عدته
وهي السبب في كل مايحصل علينا من شتات
ودولت الاسلام تشكي من خيانة امته
ونفاق الاعراب السبب في كل هذا الانفلات
غزه تنادي والفلسطيني قد الحرب انهته
وين العروبه ماصحت لليوم من هذا السبات
حصار هذا الشعب والتجويع شلل قدرته
والقتل والتخويف والترحيل والواقع شمات
ذيماصحي بعد الجرايم ذي بتحصل شلته
سود المنايا لاجهنم مثقله بالسيئات
لكن ابو جبريل بعد الله حصن دولته
وعزها من بعد ماكانت تثير السخريات
واليوم صرنا ابطال هذا الكون وحنا قادته
يتحدث الواقع وتشرحها لنا المتغيرات
البحر الاحمر من تقدم فيه يحرم رجعته
لاطار بالستي تعشا بالسفن والبارجات
والمندب اتغلق بوجه الكفر واحكم قبضته
من يدخله يدفع ضريبه حسب مافي اللايحات
وبحر العرب يلهب وهرمز والرجا فيه لافته
محضور والهندي والاوسط من دخلهن مات مات
تصنيعنا الحربي ذهل كل الجيوش الشامته
ودقته فاقت دفاعات العدو والتقنيات
يموت الامريكي على ايدينا وتبقا جثته
متفحمه فـ البحر عبره للجيوش الباقيات
انا اشهد ان الشعب هذا الحرب فيها فرصته
يفتح كشوف الدين يتقاضا الديون السابقات
ذقنا جرايمها بكل انواعه اللي سوته
فينا وربي مانسينا يالسنين الماضيات
ماقصدكم ننسى ونتغاضا على مافعلته
وجروحنا تنزف وكل ابداننا متشضيات
اليوم جاه الدور بايسقط وتسقط سمعته
ويحرق اسطوله وتغرق فـ المحيط الحاملات
يامجلس الامن الامم في مجلسك وش قرته
صنفتو الارهاب فينا وانتو اهل الخيَّرات
لاخير في مجلس دعا للضلم واخفى صورته
بالكذب والتزييف حسَّنها وبعض المغريات
هذا بيان الشعب كله فـ اليمن وبلهجته
قال او عسى باتتقونا يابشر خير التقات
عدونا الصهيون واهله فـ الجرايم واخوته
وصديقنا الجبار وآل البيت صناع الثبان
#نهم_الجرادي
BY الشاعر/ابو نهم الجرادي
Share with your friend now:
tgoop.com/abw_gssas/15951