tgoop.com/abw_gssas/15982
Create:
Last Update:
Last Update:
ياأمة الأسلام مالش
صمتش على الأجرام ليشه
الذل حمى كيف صابش
صرتي خراب اليوم هشٌه
غزه تنادي خلف بابش
وادهشتي الأسلام دهشه
يوم ان دفعتي كل مالش
في بنك لـ اسرائيل كشٌه
لكن جريمه من نناقش
يلعن ابوها شر عيشه
لاجيش مسلم ذي يكاوش
او اي مسلم شد جاشه
مثل اليمن في الارض مابش
ياذي تخاف الغرب قشٌه
لاقوة امريكا وداعش
أثٌر علينا طرف رمشه
جاهد مع الباري وحمٌش
واربش عدو الله ربشه
خليك على الناموس عايش
مادام ربك فوق عرشه
احنا جناح القدس فارش
واحنا عذاب الله وجيشه
واحنا لغزه سيف طاهش
واحنا على اسرائيل بطشه
#نهم_الجرادي
BY الشاعر/ابو نهم الجرادي
Share with your friend now:
tgoop.com/abw_gssas/15982