tgoop.com/adela313/5616
Last Update:
على الكاظم.. دمع فاطم ..يهل ادموم
وسط غربه..گضه نحبه..وسف مسموم
---
لبن جعفر تنوح الزاچيه الزهره
إيد اعله ضلعها اوإيد عالسطره
اومن ارض المدينه حضرت الگبره
تشارك بالعزا وي شيعته هاليوم
---
تشارك بالعزا اوتلطم على الضلعين
اومن عدها الگلب صادي اوغدى نصين
وابدال الدمع تهمل دما امن العين
تنادي اوليدي من شم الهوا محروم
---
تنادي الكاظم اوليدي لگه شدات
اوكل يوم اليمر بي نكبه بي حسرات
جرع لسموم وابسجنه اويلي مات
اولجله كل محب لمصيبته ملچوم
---
حين اللي انرفع نعشه ابجسر بغداد
تلگنّه التحبه اوشافته بگياد
لا يمه العشيره اوينصبون احداد
غريب الدار واعليْه الگلب مالوم
---
نعه الناعي ابمصابه هيّج الاحساس
ينادي يل توالونه اشكثر يا ناس
اشمن ريحته چن ريحة العباس
اوشكل وجهه يشابه جده المظلوم
---
هذا الكاظم اوصرحه يظل معروف
أمان الحايرين اومگصد الملهوف
واللي يعتني يم مرقده ويطوف
يگضي حاجته عنه يشيل اهموم
---
25/1/2025
الفاتحة لروح من علموني الخدمة الوالدة *آمنه العبدالله*
والشاعر *حسين العبدالله*
https://www.tgoop.com/adela313
BY الشاعر عادل العبد الله
Share with your friend now:
tgoop.com/adela313/5616