O‘zbekiston yoshlari robototexnika bo‘yicha jahon chempionatida kumush 🥈 medallarni qo‘lga kiritishdi!

Gretsiyada bo‘lib o‘tgan eng yirik robototexnika musobaqasi – FIRST Global Challenge nihoyasiga yetdi va unda O‘zbekiston jamoasi ajoyib, rekord darajadagi natijalarni ko‘rsatdi! Bizning maktab o‘quvchilarimiz bir nechta yo‘nalish bo‘yicha yetakchi bo‘lishdi va 190 ta mamlakat ichidan katta g‘alabani qo‘lga kiritishdi!

Jamoa tarkibi bilan tanishing:

1. Teshaboyev Mahkambek — TATU talabasi
2. Sodiqov Shukrullo — 12-IDUM maktab o‘quvchisi, Buxoro
3. Urmanov Bahodir — 190-maktab o‘quvchisi
4. Golanda Tamila — 71-maktab o‘quvchisi
5. Qurbonova Yasmin — CST maktab o‘quvchisi

Mentorlarimiz: Teshaboyeva Safina va Qodirov Zarif.

O‘zbekiston jamoasi 12 ta o‘yin o‘tkazib, musobaqaning yetakchi uchligidan joy olishdi. Jamoamiz o‘z alyansida lider bo‘ldi (har bir alyans 4 mamlakatdan iborat bo‘lib, ular birgalikda chempionlik uchun kurashishdi). Qiyinchiliklar bo‘lishiga qaramasdan – jumladan, musobaqaga kech yetib borishlariga qaramay – yigit-qizlarimiz yuqori darajada o‘zini ko‘rsatishdi! Musobaqa tashkilotchilari, jumladan, FIRST asoschisi Dean Kamen va Yel universiteti rektori, jamoani shaxsan tabriklab, ularga kelgusi muvaffaqiyatlar tilashdi!

Bu O‘zbekistonning ushbu nufuzli muhandislik musobaqasida ketma-ket uchinchi bor ishtirok etishi! 2022-yilda jamoamiz Shveytsariyada, 2023-yilda esa Singapurda qatnashgan va har yili yanada yuqori natijalarga erishib, doim TOP-10 talikka kirib kelishmoqda. Har safar sovrinli o‘rinlar va nominasiyalarni qo‘lga kiritib, xalqaro miqyosda o‘z salohiyatini namoyish etishmoqda.

Eng quvonarlisi, jamoamiz Outstanding Mentor Award nominasiyasida ham 1-o‘rinni olishdi!

Gretsiyaga borishdan avval jamoa Qozog‘istonda bo‘lib o‘tgan saralash musobaqasida ham birinchi o‘rinni olgan edi. U yerda 50 ta jamoa ichida yetakchi bo‘lib, xalqaro musobaqaga yo‘llanma olishdi.

Yoshlarimizni ushbu ulkan muvaffaqiyatlari bilan chin dildan tabriklaymiz va ularga kelajakda yanada ko‘proq jahon miqyosidagi g‘alabalarni tilaymiz!

@adizbek_ergashev

Taxminan 1 yil oldin Bun.sh javascript runtime ning 1.0 talqini taqdim qilingan edi.
Ayni damda: 1.1.38.

Yaqinda Bun'ni real kichikroq loyihada ishlatib ko'rdim.

Bun'ning eng yoqgan tomonlari:
- Prioritet qilib typescript olingan
- Tezlik, hamma tomonlama tez, build va ishga tushish.
- Nodejsda ishlatgan barcha imkoniyatlarim hozircha ishlayapti va Bun da ularning tezroq ishlaydigan alternativlari mavjud.
- Build watch mode, dastur ishlab chiqgan paytda kod o'zgargan payt avtomatik dasturni qayta ishga tushirish, qo'shimcha paket talab qilmaydi va tez ishlaydi.
- npm installga qaraganda Bun install juda tez (30martalab)
-Build va test yozish uchun alohida paket kerak emas (webpack, esbuild, jest, chai va boshqalar)
- Va juda ko'p boshqa avzalliklar.

Javascript dasturchilarni eng og'riqli muammolari loyihani ishga tushurish va productionga tayyorlash uchun o'nlab paketlarni o'rnatish: Typescript, Webpack, babel, jest, va hokazolarni o’rnatishni endi hojati yoq.

Loyiha yangi, katta loyihalar uchun hali mos kelmasligi mumkin, lekin ishlatib ko'rishni tavsiya beraman.

Agar kimda Bun bo'yicha yaxshi/yomon tajribalar bo'lsa izohlarda bo'lishing, bilish juda qiziq.

@adizbek_ergashev

Central Asia FIRST Championship 2025 in Almaty, Kazakhstan

O’zbekiston terma jamoasi Londonga yo’llanma oldi

https://www.youtube.com/live/sMXxC3mRNWc?feature=shared