tgoop.com/advocatekulbayev/113
Last Update:
Тарози рамзининг маъноси ⚖️
Олий суд логотипида тарози тасвирланган. Суд залларида судьялар ўтирадиган катта столда ҳам тарозининг тасвири бўлади. Юридик соҳа билан боғлиқ жабхаларда тарозини хамма жойда кўрасиз.
Мазкур рамзнинг расмий маъносини билмайман. Лекин ўқишда бизга тарози рамзининг маъноси қуйидагича тушунтирилган:
Тарозининг бир палласида: терговга қадар текширув органлари, терговчи, суриштирувчи, прокурор турса;
Тарозининг иккинчи палласида: судланувчи, ҳимоячи ҳамда судланувчининг оила аъзолари туришади.
Мазкур икки паллани ушлаб турган тарозининг темирли асоси эса – Одил суд.
Юқорида айтганларим назарий маълумотлар бўлиб хисобланади. Қонун китобларини ўқисангиз ўзингизни АҚШдагидек хис қиласиз, лекин амалиётдачи.....
Адвокат чалмағ* жиноят ишлари бўйича терговчининг олдидан ўтиб, бу жиноят иши судда муаммо бўлишини, манабу-манабу асосларга кўра шахс оқланиши мумкинлигини, ишни терговда тугатиш кераклигини тушунтиради. Терговчи ва унинг рахбарияти ўзининг билганидан қолмасдан делони айблов хулосаси билан судга юборади. Адвокат судда тортишиб судланувчининг айбсизлигини исботлаб беради. Судья судланувчи айбсизлигини тушуниб етади. Лекин..... кўп ўтмай судьянинг кабинетига УСО (отдел уголовно-судебного надзора) ходимлари тез-тез қатнаб қолишади. Хукм эълон қилинадиган кун адвокат катта умид билан судга борганида судья “ўзининг келажагини ўйлаб” айбсиз шахсни айбли деб топади.
Адолат қаерда қолди, тарафларнинг тенглиги қаерда қолди, суднинг мустақиллиги қаерда қолди, махалла қаерга қараяпди, хокимият қаерга қараяпди, телевидения қаерга қараяпди)))
Судлар томонидан чиқарилган оқлов ҳукмлари коэффициенти камлиги ишлар зўр тергов қилинаётгани ёки айбсиз шахс жавобгарликка тортилмаётгани учун эмас, балки судларнинг етарлича мустақил ва шижоатли эмаслиги ҳамда баъзи судьяларнинг бошқа ишлари “тоза” эмаслигидадир.
*Чалмағ сўзи соф Навоийча шевадаги сўз бўлиб “айби 50/50 бўлган дело” деган маънони англатади.
Каналга уланиш:
@advocatekulbayev
BY Advokat Xondamir Kulbayev
Share with your friend now:
tgoop.com/advocatekulbayev/113