tgoop.com/advocatekulbayev/147
Last Update:
Ишдан бўшамоқчи бўлиб юрган ҳарбийлар ва ҳуқуқни мухофаза қилувчи органлар ходимларига маслахат 🫡
Ҳозирда кўплаб ташкилотлардаги ҳарбий хизматчилар ўз хохишига кўра ишдан бўшаб кетишмоқда. Ишдан бўшаш сабаблари ва шу даражага олиб келган вазият ҳақида кейинроқ муҳокамали пост қўяман.
Мен тўхталмоқчи бўлган ҳолат шуки, ҳарбий хизматчилар ишдан бўшаш тўғрисидаги аризани ёзиб бўлишганидан сўнг бирданига ишга чиқишмаяпди. Бу эса ўз навбатида уларга нисбатан хизмат текшируви ўтказилишига ва баъзи ҳолатларда жиноий жавобгарликка тортилишларига олиб келмоқда.
Ўзбекистон Республикаси ЖКнинг 287-моддаси диспозициясида ҳарбий хизматчининг узрли сабабларсиз ўн кеча-кундуздан ортиқ муддат давомида хизмат жойига етиб келмаслиги жиноий жавобгарликка сабаб бўлиши кўрсатилган. Ишга чиқмаслик муддати узаяверган сари модданинг қисми ва жазо ҳам ошиб бораверади.
4447-сонли Президент қарори билан тасдиқланган “Ўзбекистон Республикаси фуқароларининг ҳарбий хизматни ўташ тартиби тўғрисида”ги Низомга кўра ишдан бўшаш вақтида ҳарбий хизматчи аттестациядан ўтказилиши белгиланган.
Ўзи аслида ишдан бўшаш тўғрисида билдирги ёзганидан сўнг ишга чиқмаган ҳарбий хизматчини жиноий жавобгарлик масаласини кўриб чиқиш ҳам қонун томондан, ҳам мантиқ томондан нотўғри бўлиб хисобланади. (Бу бўйича ҳам келгусида қонуний асослантирилган постлар жойлаймиз) Бироқ, ҳарбийлар устидан назорат қилувчилар бу бўйича аниқ амалиётни йўлга қўймасдан келмоқда.
Шу сабабли, ҳозирги кунда ишдан бўшамоқчи бўлиб юрган ҳарбийларга бирдан-бир маслахатим шуки, агарда тинчгина ишдан кетишни хохласангиз, ишдан бўшаш тўғрисида билдирги бергандан сўнг аттестациядан ўтинг ва ишдан бўшаш тўғрисида буйруғингиз чиққунигача ишлаб туринг. ☝️
Каналга уланиш:
@advocatekulbayev
BY Advokat Xondamir Kulbayev
Share with your friend now:
tgoop.com/advocatekulbayev/147