tgoop.com/advocatekulbayev/189
Last Update:
Instagram фойдаланувчилари – қамалиб кетишиз хеч гапмас!
Instagram тармоғидаги ҳар қандай активлик жуда хавфли бўлиб қолди, айниқса ноқонуний диний контентлар билан боғлиқ бўлган “действия”лар.
Тушунтираман ☝️
1. Агарда Сиз Instagram ижтимоий тармоғида тақиқланган диний контентга Like боссангиз ёки шундай контентга комментарий қолдирсангиз мазкур ҳолат профилингизнинг “Ваши действия” бўлимида сақланиб қолади. Бу дегани, Сиз гўёки мазкур тақиқланган диний материалларни сақлаб келган сифатида баҳоланасиз ва маъмурий жавобгарлик тўғрисидаги кодекснинг 184-2-моддаси билан жавобгарликка тортиласиз! Бу 20 окладдан 100 окладгача жарима дегани (6 млн. 800 минг сўмдан - 34 млн. сўмгача) Кейин Like босган телефонингиз Iphone 16 Pro Max бўлса ҳам мусодара қилинади.
184-2-моддаси билан жавобгарликка тортиш имконияти жуда кенг бўлиб, мазкур моддани нафақат тақиқланган диний контентларга, балки ҳар қандай диний материал юзасидан ҳам қўлласа бўлади. Яъни орган ходимлари Instagram орқали Like ёки комментарий қолдирилган ҳар қандай диний материал юзасидан, гарчи у тақиқланмаган диний материал бўлсада, Сизни жавобгар қилиши мумкин.
Сиз Like босган ёки комментарий қолдирган контент диний экстремизм, сепаратизм ва ақидапарастлик ғоялари билан йўғрилган бўлса, унда Сиз жиноий жавобгарликка тортилишингиз ҳам мумкин! (ЖК 244-1-моддаси)
2. Агарда Сиз Instagram ижтимоий тармоғида тақиқланган диний материални “История”га қўйсангиз ёки уни бировнинг “direct”ига юборсангиз, Сиз тўғридан-тўғри жиноят кодексининг 244-1-моддаси 3-қисми “г” банди билан жиноий жавобгарликка тортилиб, 5 йилдан 8 йилгача қамалиб кетишингиз мумкин!
Маслахатим - Instagram ижтимоий тармоғидаги хеч қайси диний контентга бирор “действия”ни амалга оширманг! Айниқса, Абу Салоҳ, Абдуллоҳ Зуфар, Содиқ Самарқандий каби тақиқланган шахсларнинг маърузаларини умуман кўрмасликни қатъий маслаҳат бераман. Шуларни деб қанча кишилар ҳозир қамоқда, қанчаси телефонидан айрилиб, “отни калласидек” жаримани тўлади...
Каналга уланиш:
@advocatekulbayev
BY Advokat Xondamir Kulbayev
Share with your friend now:
tgoop.com/advocatekulbayev/189