tgoop.com/afanasiy_noev/5129
Last Update:
Саха сириттэн бастакы олимпийскай чөмпүйүөн, саха норуотун чулуу уола Роман Дмитриев төрөөбүт Бэстээҕэр Бырабыыталыстыба ааспыт сыллааҕы үлэтин отчуоттаатыбыт.
Былырыын, Роман Михайлович төрөөбүтэ 75 сылыгар аналлаах кэккэ тэрээһини өрөспүүбүлүкэ үрдүнэн ыыппыппыт. Онтон Эдьигээҥҥэ кини аатын сүгэр спорт хас да көрүҥүнэн дьарыктанарга аналлаах саала уонна туспа култуура киинэ тутуллан үлэҕэ киирбитэ. Маны сэргэ Роман Дмитриев олоҕун туһунан уус-уран киинэ уһуллар.
Бэстээх орто оскуолатыгар сылдьаммын Роман Дмитриев чаҕылхай олоҕун сырдатар истиэндэ баарын сэргии көрдүм. Манна кини оҕо сааһа, спортивнай уонна тус олоҕо ырылыччы көстөр, ону тэҥэ кини бэргэн этиилэрэ истиэндэни ситэрэн-хоторон биэрэр. Оскуолаттан саҕалаан араас тэрилтэлэргэ тиийэ эдьигээннэр биир дойдулаахтарын аатын үйэтитэллэр, ыччат дьоҥҥо холобур биэрэллэр.
https://www.tgoop.com/afanasiy_noev
BY Афанасий Ноев, министр культуры и духовного развития Республики Саха (Якутия)
Share with your friend now:
tgoop.com/afanasiy_noev/5129