tgoop.com/africaus/1488
Last Update:
ناااس صيييدلة وييين ياا
انت كزول/ه او طالب/ه صيدل
و م عارف قصة الإمتياز
حزينه مننننك 🚶🏽♂💔
طيب انا أديكم إستوري حزين عن الإمتياز 🤦🏼♂
لمن نتخرج الامتياز دا بقيف لينا ف الحلق زي العتبه مشيت منه كدا يادوب بقيت صيدلي مسجل في المجلس الطبي قعدته فيها لسه *ما حتمارس مهنتك قانونيا ...*
*يلا هو عبارة عن شنو الإمتياز ده؟* هو عباره عن فترة تدريبية عشان انت تطلع صيدلي مؤهل للشغل ...من قبل الإمتياز اااي شغل تشتغله كصيدلي *مااا محسوب كخبرة* (بيتحسب لك تدريب فقط)حتى لو شغال بمرتب وانتو كلكم عارفين شهادات الخبرة مهمة في التوظيف قدر شنو بالذات للعايز يمشي يشتغل برة...
الامتياز دا حاليا مدتو سنه كامله .. ونحن كم وعشرين كليه بتاعت صيدله وكلها بتخرج عدد بين 1500 لي 2500. طالب سنويا + عليهم الطلاب الأجانب .. طيب كلام جميل *والمشكله وين؟؟* .. تعال اوريك المشكله .. ي فرده كل الدفع الاتخرجت دي لازم تعمل إمتياز ووزارة الصحة مطلعة ليهم كلهم 500 مقعد في السنة قادر تصدق؟؟ يعني ماافي وظائف متوفره لي كل الدفع دي فكدا حيحصل تكدس يعني بالواضح كدا بتنتظر حاجه بتاعت سنتين لتلاته سنين لي أربعه سنين عشان انت تقدر تلقى فرصه وورقك يخش مع ناس الإمتياز وتتوزع وكدا
طيب كدي نرجع رجعه كدا بسيطه للسنه بتاعت الامتياز
الحاجه دي إتعملت من غير أي مراعاة للصيادله و العملوها م عارفين الحاجه دي نحن كصيادلة بنعاني
منها قدر شنو وكمية الزمن الضائع قدر شنو
*طيب نحن قلنا المشكله يلا حلها شنو؟؟؟*
_ الحل انو الإمتياز دا تبقى فترتو تلاته شهور وأقصاها سته شهور
عشان اي صيدلي لمن يتخرج م يكون شايل هم للإمتياز و م يكون ف تكدس حاصل والناس تتشايلها سريع سريع
وتشوف شغلها وحياتها
طيب ف حاجه كدا م قلناها
نحن منوو ؟؟
*نحن لجنة صيادله الإمتياز*
لجنة تطوعيه إتعملت عشان تحل مشاكل الإمتياز ومنها تبقى منبر إحتياجات للصياادله الطلبه والخريجين
طيب انت كطالب او خريج مطلووب منك توصل الكلام ده لأي زول بتعرفه زملائك ناس البيت جيرانك وتوعي الناس بالحاصل عشان نكون كلنا واقفين مع بعض ومشكلتنا تتحل...
خش في صفحاتنا التحت دي عشان تعرف اي جديد بحصل ( ندوه او ورشة او وقفه إحتجايجيه او حاجات كتيره ) وعشان تعرف لجنة صيادلة الإمتياز عملت شنو للان.
ساعدنا بالشير ووقفتك معانا💙 دي قضيتك ولازم تقيف فيها عشان تاخد حقك بيدك!!
للاستفسار اتواصلوا معانا خلال صفحاتنا:
صفحتنا في الفيسبوك
https://www.facebook.com/sudanpharmacistscrisis/
قناتنا في التلجرام https://www.tgoop.com/joinchat-AAAAAEZXryHRapfCbHLv4Q
صفحتنا في تويتر https://twitter.com/saydlt3lemtiaz?s=08
#أزمة_صيادلة_إمتياز_السودان
#Sudanese_pharmacists_internship_crisis
BY عواليــ🔝🎶ـق
Share with your friend now:
tgoop.com/africaus/1488