tgoop.com/ahgeel/112103
Last Update:
▇ـ▄▄▄💜 ▄▄▄ـ▇
{ رواية انا شاعرك العام والقصيد عيونك💞}
{ الفصل الثاني عشر💜 }
▇ـ▄▄ @ahgeel ▄▄ـ▇
-/
تفاعل قبل لاتقراء ♥
'
ﺳﻠﻄﺎﻥ : ﺍﻫﺎ ﻭﻛﻴﻒ ﺗﺠﻲ ؟
ﻣﺎﺭﻟﻴﻦ ﺑﺘﻔﻜﻴﺮ ﻭﻧﺎﻇﺮﺕ ﻓﻴﻪ : ﺍﻧﺘﺎ ﻓﻲ ﺯﻭﺍﺝ ﻣﻊ ﺑﻨﺖ ﺍﻧﺎ؟
ﺳﻠﻄﺎﻥ ﺍﻧﺼﺪﻡ ﻭﺿﺤﻚ : ﺍﻧﺎ؟؟ ﻭﺍﺗﺰﻭﺝ ﻣﻦ ﺑﻨﺘﻚ ﺍﻟﻲ ﻋﻤﺮﻩ ﺛﻤﻨﻴﻪ ﺳﻨﻮﺍﺕ؟؟
ﻣﺎﺭﻟﻴﻦ : ﺳﻮﻱ ﺯﻭﺍﺝ ﻣﻊ ﺑﻨﺖ ﺍﻧﺎ ﺭﻭﺡ ﻓﻠﺒﻦ ﻭﺳﻮﻱ ﺯﻭﺍﺝ ،
ﺳﻠﻄﺎﻥ ﺑﻀﺤﻜﻪ : ﺍﻱ ﺍﺑﺸﺮﻱ ﺍﻗﻮﻝ ﻗﻮﻣﻲ ﻧﺎﻣﻲ ﺑﺲ ،
ﻣﺎﺭﻟﻴﻦ : ﺳﻮﻟﺘﺎﻥ ﺍﻧﺘﺎ ﺍﺩﺭﻱ ﺍﻧﺎ ﺯﻭﺍﺝ ﻛﻴﻒ ﺻﺎﺭ؟
ﺳﻠﻄﺎﻥ ﻧﺎﻇﺮ ﻟﺴﺎﻋﺘﻪ : ﻭﺍﻟﻠﻪ ﺍﻟﺴﺎﻋﻪ ١٢ ﻣﺎﻟﻮﻣﻚ ﺍﺫﺍ ﻓﻀﻔﻀﺘﻲ،
ﻣﺎﺭﻟﻴﻦ : ﺍﻧﺎ ﺯﻣﺎﻥ ﻓﻲ ﺣﺐ ﻭﺍﺣﺪ ﺛﺎﻧﻲ ﺑﺲ ﺑﺎﺑﺎ ﻣﺎﻝ ﺍﻧﺎ ﻛﻠﻢ ﻣﺎﻓﻲ ﺯﻭﺍﺝ ﻣﻊ ﺍﻟﻲ ﺍﺣﺒﻮ ﻻﺯﻡ ﺯﻭﺍﺝ ﻣﻊ ﻭﻟﺪ ﻋﻤﻲ ﺍﻧﺎ ،
ﺳﻠﻄﺎﻥ : ﻳﻌﻨﻲ ﻛﻨﺘﻲ ﺗﺤﺒﻴﻦ ﻭﺍﺣﺪ ﻭﺍﺑﻮﻙ ﺍﺟﺒﺮﻙ ﻣﻦ ﻭﺍﺣﺪ ﺛﺎﻧﻲ؟
ﻣﺎﺭﻟﻴﻦ : ﺍﻳﻮﺍﺍﺍ ﺑﺲ ﺍﻧﺎ ﻣﺎﻓﻲ ﺣﺐ ﺯﻭﺝ ﺍﻧﺎ ،
ﺳﻠﻄﺎﻥ : ﺍﻱ ﻭﺍﺿﺢ ﻭﺍﻧﺘﻲ ﺟﺎﻳﺒﻪ ﻣﻨﻪ ﻋﺸﺮﻩ ﻃﻔﻞ ، ﺿﺤﻚ ﻭﻗﺎﻡ ﻭﺍﻟﺘﻔﺖ ﻟﻬﺎ : ﺍﻧﺎ ﺭﺍﻳﺢ ﻓﻮﻕ ﺳﻮﻱ ﻟﻲ ﻗﻬﻮﺓ ،
ﻣﺎﺭﻟﻴﻦ ﻫﺰﺕ ﺭﺍﺳﻬﺎ ﺑـ ﺍﻱ ﻭﻣﺸﺖ ﺗﺴﻮﻱ ﻟﻪ ،
'
" ﻧﺮﻭﺡ ﻟﺤﻴﺎﺓ ﺇﻳﻼﻥ ﻭﺍﺧﺘﻬﺎ ﺍﻟﺼﻐﻴﺮﻩ "
ﺇﻳﻼﻥ ﻛﺎﻧﺖ ﺟﺎﻟﺴﻪ ﺑﻐﺮﻓﺘﻬﺎ ﻭﻫﻲ ﺗﻨﺎﻇﺮ ﻟـ ﺳﺪﻳﻢ ﺗﻠﻌﺐ ﺗﻨﻬﺪﺕ ﻭﺍﺧﺬﺕ ﺟﻮﺍﻟﻬﺎ ﻭﺗﺮﻛﺘﻬﺎ : ﺳﺪﻳﻢ ﻳﻼ ﻧﻨﺎﻡ؟
ﺳﺪﻳﻢ : ﻻ ﺑﺎﻗﻲ ﺍﺑﻲ ﺍﻟﻌﺐ ،
ﺇﻳﻼﻥ : ﺳﺪﻳﻢ ﺗﻌﺎﻟﻲ ﻧﺎﻣﻲ ﻗﺒﻞ ﻳﺠﻲ ﺑﺎﺑﺎ ،
ﺳﺪﻳﻢ ﻣﺸﺖ ﺑﺨﻮﻑ ﻭﺟﻠﺴﺖ ﺟﻨﺒﻬﺎ : ﺍﻧﺘﻲ ﻗﻠﺘﻲ ﺑﺎﺑﺎ ﻣﺎﺭﺍﺡ ﻳﺴﻮﻱ ﻟﻲ ﺷﻲﺀ ﻭ ﺭﺍﺡ ﺗﺎﺧﺬﻳﻨﻲ ﻣﻦ ﻫﻨﺎ ؟
ﺇﻳﻼﻥ ﺑﺤﺰﻥ : ﺻﺤﻴﺢ ﻳﺎ ﺳﺪﻳﻢ ﺑﺲ ﻻﺯﻡ ﻳﺒﻲ ﻟﻲ ﻭﻗﺖ ،
ﺳﺪﻳﻢ : ﻣﻴﻦ ﻳﺴﺎﻋﺪﻙ ﺗﺎﺧﺬﻳﻨﻲ ﻣﻦ ﻫﻨﺎ؟
ﺇﻳﻼﻥ ﺭﻓﻌﺖ ﻛﺘﻮﻓﻬﺎ : ﻣﺎ ﻛﻠﻤﺘﻪ ﺑﺎﻗﻲ ﺗﻮﻩ ﻭﺻﻞ ﺍﻟﻘﺼﻴﻢ ،
ﺳﺪﻳﻢ ﺳﻜﺘﺖ ﻭﺍﻧﺴﺪﺣﺖ ﺟﻨﺒﻬﺎ ، ﺇﻳﻼﻥ ﺍﺑﺘﺴﻤﺖ ﻭﻗﻌﺪﺕ ﺗﻤﺴﺢ ﻋﻠﻰ ﺷﻌﺮﻫﺎ ﺑﻬﺪﻭﺀ ﻟﻴﻦ ﻧﺎﻣﺖ ،
ﺇﻳﻼﻥ ﻏﻤﻀﺖ ﻋﻴﻮﻧﻬﺎ ﺑﺘﻨﺎﻡ ﻣﻌﻬﺎ ﻟﻜﻦ ﻓﺰﺕ ﻣﻦ ﺳﻤﻌﺖ ﺻﻮﺕ ﺟﻮﺍﻟﻬﺎ ﺍﺧﺬﺗﻪ ﻭﻫﻲ ﺗﻨﺎﻇﺮ ﻟﻼﺳﻢ ﻛﺎﻧﺖ ﺳُﻼﻑ ،
ﺇﻳﻼﻥ : ﻫﻼ ﺳُﻼﻑ ؟
ﺳُﻼﻑ : ﺍﻟﻴﻮﻡ ﺍﻻﺭﺑﻌﺎﺀ ﺍﻛﻴﺪ ﺍﻟﻤﺤﺎﻣﻲ ﺭﺟﻊ ﺻﺢ؟ ﺷﺼﺎﺭ ؟
ﺇﻳﻼﻥ : ﺍﻱ ﻛﻠﻤﻨﻲ ﺍﻟﻤﺤﺎﻣﻲ ﻣﺼﻌﺐ ﻭﻗﺎﻝ ﺍﻧﻪ ﺭﺟﻊ ﺧﻮﻳﻪ ﻭﻫﻮ ﻳﻤﺴﻚ ﺍﻟﻘﻀﻴﻪ ﻋﻨﻪ ﻭﻳﺘﻮﺍﺻﻞ ﻣﻌﻲ ﺑﺲ ﺍﻟﻰ ﺍﻻﻥ ﻣﺎ ﻛﻠﻤﻨﻲ،
ﺳُﻼﻑ : ﻳﺎﺭﺏ ﻳﻨﺴﺠﻦ ﻭﺗﻔﺘﻜﻮﻥ ﻣﻨﻪ ﺍﻧﺘﻲ ﻭﺳﺪﻳﻢ ،
ﺇﻳﻼﻥ : ﺍﻧﺎ ﺧﺎﻳﻔﻪ ﻋﻠﻰ ﺳﺪﻳﻢ ﻳﺎ ﺳُﻼﻑ ﺧﺎﻳﻔﻪ ﻋﻠﻴﻬﺎ ﺍﺑﻮﻱ ﻣﺎ ﻫﻤﻪ ﺷﻲﺀ ﻏﻴﺮ ﻧﻔﺴﻪ ﻋﻤﺮﻫﺎ ١٠ ﺳﻨﻮﺍﺕ ﻭﻳﺮﻓﻊ ﻳﺪﻩ ﻋﻠﻴﻬﺎ!
ﺳُﻼﻑ ﺑﺤﺰﻥ : ﻋﺎﺭﻓﻪ ﻳﺎ ﺇﻳﻼﻥ ﻭﺣﺎﺳﻪ ﻓﻴﻚِ ﻭﺍﻟﻠﻪ ،
'
ﺻﻘﺮ ﺑﻀﺤﻜﻪ : ﺍﻗﻮﻝ ﺧﻠﻨﺎ ﻧﻨﺎﻡ ﻧﻜﻤﻞ ﻟﻌﺐ ﻓﻴﻪ ﺑﻜﺮﻩ ،
ﻋﺒﺪﺍﻟﺮﺣﻤﻦ : ﺳﻠﻄﺎﻥ ﻗﺎﻋﺪ ﻳﺘﺼﻞ ﻛﺎﻡ ؟
ﺻﻘﺮ : ﻓﺎﺿﻲ ﺫﺍ ﺍﺳﺤﺐ ﻋﻠﻴﻪ ،
ﻋﺒﺪﺍﻟﺮﺣﻤﻦ : ﻭﺍﻟﻠﻪ ﺷﻜﻠﻪ ﻓﻲ ﻣﻮﺿﻮﻉ ﻣﻬُﻢ ﺧﻠﻨﻲ ﺍﻧﺰﻝ ﺍﻛﻠﻤﻪ ﻭﺍﺭﺟﻊ ﻟﻚ ، ﺻﻘﺮ ﻫﺰ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﻘﻮﻡ ﻣﻌﻪ : ﺑﻤﺸﻲ
ﻣﻌﻚ، ﻭﻃﻠﻌﻮﺍ ﻟﺒﺮﺍ ﻭﻋُﻤﺮ ﺍﻟﻲ ﻧﺎﻡ ﻭﻫﻮ ﻳﻨﺘﻈﺮ ﺭﺩ ﺳﺎﺭﻩ ،
ﻋﺒﺪﺍﻟﺮﺣﻤﻦ ﺩﺧﻞ ﺍﻟﻤﺼﻌﺪ ﻭ ﺻﻘﺮ ﻣﻌﻪ ﻭﻧﺰﻟﻮﺍ ﺗﺤﺖ ﻭﻃﻠﻌﻮﺍ ﻣﻦ ﺍﻟﻔﻨﺪﻕ ﻭ ﺭﺩ ﻭﻓﺘﺢ ﺍﻟﻜﺎﻡ : ﻳﺎ ﺫﺍ ﺍﻟﻮﺟﻪ ﺍﻟﻲ ﻣﺎ ﺻﺪﻗﺖ
ﺍﻓﺘﻚ ﻣﻨﻪ .
ﺳﻠﻄﺎﻥ : ﺍﻗﻮﻝ ﺷﺎﻳﻒ ﻭﺟﻬﻚ ﺍﻧﺖ ﻭﺍﻳﺶ ﻋﻨﺪﻙ ﺻﺎﺣﻲ؟
ﻋﺒﺪﺍﻟﺮﺣﻤﻦ : ﺍﺯﻋﺠﺘﻨﻲ ﻭ ﺻﺤﻴﺖ ﻣﻦ ﻋﺰ ﻧﻮﻣﻲ ﻭﺗﻘﻮﻝ ﺷﻌﻨﺪﻙ ﺻﺎﺣﻲ؟ ﺻﻘﺮ ﻛﺘﻢ ﺿﺤﻜﺘﻪ ،
ﺳﻠﻄﺎﻥ : ﻭﺍﻟﻠﻪ ﻣﻦ ﻭﺟﻬﻚ ﻣﻮ ﻭﺍﺿﺢ ﺍﻧﻚ ﻛﻨﺖ ﻧﺎﻳﻢ ،
ﺻﻘﺮ ﻟﻒ ﺍﻟﻜﺎﻡ ﻉ ﻧﻔﺴﻪ : ﻫﺎﻩ ﻛﻴﻒ ﺍﻟﻘﺼﻴﻢ ﺑﺪﻭﻧﻨﺎ؟
ﺳﻠﻄﺎﻥ : ﻭﺍﻟﻠﻪ ﺣﻠﻮ ﻭ ﺭﻭﻗﺎﻥ ﺧﻠﻜﻢ ﻓﻲ ﺍﻟﻤﺪﻳﻨﺔ ﻻ ﺗﺮﺟﻌﻮﻥ ،
ﻋﺒﺪﺍﻟﺮﺣﻤﻦ : ﻱ ﺭﺟﺎﻝ ﻣﻦ ﻳﻮﻡ ﻣﺎ ﺟﻴﻨﺎ ﺍﻟﻤﺪﻳﻨﻪ ﻭﺣﻨﺎ ﻧﺼﻠﻲ ﺑﺎﻟﻤﺴﺠﺪ ﻣﺎ ﺭﺣﻨﺎ ﺍﻟﻤﺪﻳﻨﻪ ،
ﺳﻠﻄﺎﻥ : ﻣﻦ ﻗﻠﺔ ﺍﻻﻳﻤﺎﻥ ﺍﻟﻲ ﻓﻴﻚ ﻭﻓﻲ ﺍﻟﻲ ﺟﻨﺒﻚ ﻻ ﺑﺎﺭﻙ ﺍﻟﻠﻪ ﻓﻴﻜﻢ ﻻ ﻭﺟﻪ ﻭﻻ ﺍﺳﻠﻮﺏ ﻭﻻ ﺍﻳﻤﺎﻥ ،
ﺻﻘﺮ : ﺷﻒ ﻣﻦ ﻳﺘﻜﻠﻢ ﻋﻦ ﺍﻻﻳﻤﺎﻥ ﻭﻫﻮ ﻛﺎﻥ ﻣﺴﺘﺜﻘﻞ ﺍﻧﻪ ﻳﺼﻠﻲ ﺭﻛﻌﺘﻴﻦ ﻓﻲ ﺍﻟﻤﺪﻳﻨﻪ ﻭﺛﻢ ﻳﺴﺎﻓﺮ ﺍﻫﺐ ﻋﻠﻴﻚ ﺑﺲ ،
ﺳﻠﻄﺎﻥ : ﺍﻧﺎ ﺻﻠﻴﺖ ﻓﻲ ﺍﻟﻄﻴﺎﺭﻩ ﻓﻲ ﺍﻟﺴﻤﺎﺀ ﻣﻦ ﻗﻮﺓ ﺍﻻﻳﻤﺎﻥ ،
ﻋﺒﺪﺍﻟﺮﺣﻤﻦ : ﻭﺣﻨﺎ ﺻﻠﻴﻨﺎ ﻓﻲ ﺍﻻﺭﺽ ﻣﺎﻓﻲ ﻓﺮﻕ ،
ﺻﻘﺮ : ﻭﺍﻟﻠﻪ ﻟﻮ ﺍﺣﻠﻒ ﺍﻧﻚ ﻣﺎ ﺻﻠﻴﺖ ﻭﻛﻨﺖ ﻧﺎﻳﻢ ،
ﻋﺒﺪﺍﻟﺮﺣﻤﻦ ﻧﺎﻇﺮ ﻟﺴﻠﻄﺎﻥ ﺑﺎﻟﻜﺎﻡ : ﺍﻗﻮﻝ ﻃﻒ ﺍﻟﻠﻤﺒﻪ ﺍﻟﻲ ﻭﺭﺍﻙ ﺍﺣﺴﺒﻪ ﻧﻮﺭ ﺍﻳﻤﺎﻧﻚ ﻃﻠﻌﺖ ﻣﺸﻐﻞ ﺍﻻﺿﺎﺀﺓ ،
ﺳﻠﻄﺎﻥ ﺿﺤﻚ ﻭﻗﺮﺏ ﺍﻻﺿﺎﺀﺓ ﻣﻦ ﻭﺟﻬﻪ : ﻧﻮﺭ ﺍﻳﻤﺎﻧﻲ ﺗﻄﻤﻦ ﻣﺎﻓﻲ ﻟﻤﺒﻪ ﻭﺭﺍﻱ ﺗﺘﺨﻴﻞ ﺍﻧﺖ ،
ﺻﻘﺮ : ﺍﻻ ﺍﻗﻮﻝ ﺳﻠﻄﺎﻥ ﻓﻲ ﺍﺣﺪ ﺳﺎﻝ ﻋﻨﻲ ﺑﺎﻟﻘﺼﻴﻢ؟ ﻭﺍﻟﻠﻪ ﺍﺣﺲ ﺭﺍﺡ ﻳﻔﺼﻠﻮﻧﻲ ﻣﻦ ﺍﻟﺪﻭﺍﻡ ،
ﻋﺒﺪﺍﻟﺮﺣﻤﻦ : ﻣﺎﻋﻠﻴﻚ ﻭﺍﺳﻄﺎﺕ ﺟﺪﻱ ﻭﺍﺑﻮﻱ ﻣﺎ ﻳﻘﺼﺮﻭﻥ ،
ﺳﻠﻄﺎﻥ : ﻭﺍﻟﻠﻪ ﺻﺎﺩﻕ ﻳﺎ ﺩﺣﻮﻡ ﻫﺬﺍ ﺑﻐﻰ ﻳﻘﺘﻞ ﻣﺮﻳﺾ ﻭﻣﺎ ﺍﻧﻘﺬﻩ ﺍﻻ ﻭﺍﺳﻄﺎﺕ ﺟﺪﻱ ﻓﺎﻝ ﺩﻛﺘﻮﺭ ﻗﺎﻝ ،
ﺻﻘﺮ : ﻭﺍﻟﻠﻪ ﺍﻧﻲ ﺍﻧﻘﺬﺕ ﺍﻟﻒ ﻭﺍﺣﺪ ﺧﻞ ﻋﻨﻚ ﺑﺲ ،
ﺳﻠﻄﺎﻥ : ﺷﻜﻠﻚ ﺍﻧﻘﺬﺗﻬﻢ ﺑﺨﻴﺎﻟﻚ ﻳﺎ ﺭﺟﺎﻝ ﺍﻧﻘﻠﻊ ﺑﺲ ﻗﺎﻝ ﺍﻧﻘﺬﺕ ﺍﻟﻒ ﻭﺍﺣﺪ ﻭﺍﻧﺖ ﺑﻐﻴﺖ ﺗﺪﻣﺮ ﺣﻴﺎﺗﻬﻢ ،
ﻋﺒﺪﺍﻟﺮﺣﻤﻦ ﺑﻀﺤﻜﻪ : ﺳﻠﻄﺎﻥ ﺍﺷﻮﻓﻚ ﻟﻘﻴﺖ ﻋﻤﺮ ﻧﺎﻳﻢ ﻣﺴﻜﺖ ﺻﻘﺮ ﺍﻟﻤﺴﻜﻴﻦ ، ﺑﻬﺎﻟﻠﺤﻈﻪ ﺩﺧﻠﺖ ﻣﺎﺭﻟﻴﻦ ﻭﻣﺸﺖ ﺣﻄﺖ
ﺍﻟﻘﻬﻮﺓ ﺟﻨﺐ ﺳﻠﻄﺎﻥ ، ﺳﻠﻄﺎﻥ ﺿﺤﻚ ﻭﻟﻒ ﺍﻟﻜﺎﻡ ﻟﻬﺎ ﻭﻫﻤﺲ ﻟﻤﺎﺭﻟﻴﻦ : ﻣﺎﺭﻟﻴﻦ ﺗﻌﺎﻟﻲ ﺷﻮﻓﻲ ﻣﻴﻦ ﻫﻨﺎ ، ﻣﺎﺭﻟﻴﻦ ﺍﺳﺘﻐﺮﺑﺖ
ﻭﻣﺸﺖ ﻭﻫﻲ ﺗﻨﺎﻇﺮ ﻭﻗﺎﻣﺖ ﺗﻀﺤﻚ : ﺳﻘﻮﺭ ﺩﻫﻮﻡ ،
ﺻﻘﺮ : ﺍﻟﻠﻪ ﻳﺨﻠﻒ ﻳﺎ ﻣﺎﺭﻟﻴﻦ ﺑﺎﻗﻲ ﻣﺎ ﺗﻌﻠﻤﺘﻲ ﺍﺳﻤﻲ؟
ﻋﺒﺪﺍﻟﺮﺣﻤﻦ ﻛﺎﻥ ﻳﻀﺤﻚ ﻭﻧﺎﻇﺮ ﻟﻠﺒﻨﻘﺎﻟﻲ ﺍﻟﻲ ﻣﺮ ﻭ ﻟﻒ ﺍﻟﻜﺎﻡ ﻋﻠﻴﻪ : ﻣﺎﺭﻟﻴﻦ ﺷﻮﻓﻲ ﻟﻘﻴﺖ ﻟﻚ ﺣﺒﻴﺐ ،
ﻣﺎﺭﻟﻴﻦ ﻗﺮﺑﺖ ﻭﺟﻬﻬﺎ ﻭﻫﻲ ﺗﻨﺎﻇﺮ ﺳﻠﻄﺎﻥ ﺩﻓﻬﺎ ؛ ﺻﺪﻗﺘﻲ ﺷﻔﻴﻚ.
ﻣﺎﺭﻟﻴﻦ : ﻫﺬﺍ ﻣﻮ ﺯﻭﺝ ﺍﻧﺎ ،
ﺻﻘﺮ ﺑﻀﺤﻜﻪ : ﺗﺤﺴﺒﻨﺎ ﻓﻲ ﻓﻠﺒﻦ ﻣﻦ ﻭﻳﻦ ﻧﺠﻴﺐ ﺯﻭﺟﻚ؟
BY عالم القصص والروايات 📚
Share with your friend now:
tgoop.com/ahgeel/112103