tgoop.com/ahgeel/112241
Last Update:
▇ـ▄▄▄💜 ▄▄▄ـ▇
" رواية انا شاعرك العام والقصيد عيونك"
{ الفصل السادس والثلاثون 💜 }
▇ـ▄▄ @ahgeel ▄▄ـ▇
-/
تفاعل قبل لاتقراء ♥
ﺳﻌﻮﺩ ﺍﺑﺘﺴﻢ ﻭﺩﺧﻞ ﻭﻫﻮ ﻳﺸﻮﻑ ﻋﺒﺪﺍﻟﺮﺣﻤﻦ ﺍﻟﻲ ﺟﺎﻟﺲ ﺑﻤﻜﺎﻧﻪ ﺍﻟﻲ ﻳﺠﻠﺲ ﻓﻴﻪ ﺳﻌﻮﺩ ﻭﺻﺪ ﻭﻣﺸﻰ ﻭﻫﻮ ﻳﺴﻠﻢ ﻋﻠﻰ ﺍﻟﺠﺪ
ﻭﻳﺴﺎﻝ ﻋﻦ ﺍﺧﺒﺎﺭﻩ ،
ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ ﻻﻭﻝ ﻣﺮﻩ ﻳﺸﻮﻓﻪ ، ﺳﻌﻮﺩ ﺍﺑﺘﺴﻢ ﻭﻣﺸﻰ ﻳﺴﻠﻢ ﻋﻠﻰ ﻋﺒﺪﺍﻟﺮﺣﻤﻦ ، ﻋﺒﺪﺍﻟﺮﺣﻤﻦ ﻗﺎﻡ ﻭﺣﻀﻨﻪ ﻭﺳﻠﻢ
ﻋﻠﻴﻪ ﻭﺟﻠﺲ ﺳﻌﻮﺩ ﺟﻠﺲ ﺟﻨﺒﻪ ﻭﺍﻟﺘﻔﺖ : ﺷﺎﻻﺧﺒﺎﺭ؟
ﻋﺒﺪﺍﻟﺮﺣﻤﻦ ﻫﺰ ﺭﺍﺳﻪ : ﺍﻟﺤﻤﺪﻟﻠﻪ ﺑﺨﻴﺮ ﺍﺧﺒﺎﺭﻙ ﺍﻧﺖ؟
ﺳﻌﻮﺩ : ﻭﺍﻟﻠﻪ ﺗﻤﺎﻡ ﺍﻟﺤﻤﺪﻟﻠﻪ ﺍﻭﻝ ﻣﺮﻩ ﺍﺷﻮﻓﻚ ،
ﻋﺒﺪﺍﻟﺮﺣﻤﻦ : ﺣﺘﻰ ﺍﻧﺎ ﺍﻭﻝ ﻣﺮﻩ ﺍﺷﻮﻓﻚ ﻣﺎﻋﺮﻓﺘﻚ ،
ﺳﻌﻮﺩ ﺍﺑﺘﺴﻢ : ﺍﻱ ﺟﻴﺖ ﻣﻦ ﺍﻟﺴﻔﺮ ﻋﺸﺎﻥ ﺍﻟﻌﺰﺍﺀ ﻭ ﺭﺍﺟﻊ ﻗﺮﻳﺐ،
ﻋﺒﺪﺍﻟﺮﺣﻤﻦ : ﺍﻭﻩ ﺣﻠﻮ ﻭﺍﻧﺎ ﺟﺎﻱ ﻣﻦ ﺍﻟﻘﺼﻴﻢ ﺟﺪﻱ ﻭﻋﻤﻲ ﻋﺒﺪﺍﻟﻌﺰﻳﺰ ﻳﻌﺮﻓﻮﻥ ﺑﻌﺾ ﻣﻦ ﺳﻨﻴﻦ ﻃﻮﻳﻞ ﺍﺻﺤﺎﺏ ﻫُﻢ ،
ﺳﻌﻮﺩ : ﺍﻧﺖ ﻧﻔﺴﻲ ﺍﻟﻈﺎﻫﺮ ﺣﺘﻰ ﺍﺑﻮﻱ ﺻﺎﺣﺐ ﻋﺒﺪﺍﻟﻌﺰﻳﺰ ،
ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ : ﻭﺍﻟﻠﻪ ؟
ﺳﻌﻮﺩ : ﺍﻱ ﻭﺍﻟﻠﻪ ﻛﻨﺖ ﺻﻐﻴﺮ ﻣﺮﺭﻩ ﻭﻛﺎﻥ ﻳﻌﺘﺒﺮﻧﻲ ﺯﻱ ﻭﻟﺪﻩ ،
ﻋﺒﺪﺍﻟﺮﺣﻤﻦ ﺍﺑﺘﺴﻢ : ﺣﻠﻮ ﺍﻧﺖ ﻭﻳﻦ ﺗﻌﻴﺶ ﻓﻲ ﺍﻟﺨﺎﺭﺝ؟
ﺳﻌﻮﺩ ﺗﻨﻬﺪ : ﻓﻲ ﺑﺮﻳﻄﺎﻧﻴﺎ ﺍﻛﻤﻞ ﺩﺭﺍﺳﺘﻲ ﺑﺎﺫﻥ ﺍﻟﻠﻪ ﺍﺧﺮ ﺳﻨﻪ ،
ﻋﺒﺪﺍﻟﺮﺣﻤﻦ : ﻣﺎ ﺷﺎﺀ ﺍﻟﻠﻪ ﺣﻠﻮ ﻭﻛﻴﻒ ﺍﻟﺪﺭﺍﺳﻪ ﻫﻨﺎﻙ؟
ﺳﻌﻮﺩ : ﺣﻠﻮ ﻭﺍﻟﻠﻪ ﺍﺳﺘﻔﺪﺕ ﻛﺜﻴﺮﺭ ﺑﺲ ﻋﻠﻰ ﺣﺴﺐ ﺍﻟﺠﺎﻣﻌﻪ ،
ﻋﺒﺪﺍﻟﺮﺣﻤﻦ : ﻭﺍﻟﻠﻪ ﻟﻲ ﺍﺧﻮ ﻭﺩﻱ ﺍﺭﺳﻠﻪ ﻳﺴﺎﻓﺮ ﻳﺪﺭﺱ ﺑﺮﺍ ،
ﺳﻌﻮﺩ ﺗﻨﻬﺪ ﻭﻫﺰ ﺭﺍﺳﻪ ﺑﺎﻟﻨﻔﻲ : ﻭﺍﻟﻠﻪ ﺍﻟﻐُﺮﺑﻪ ﻳﻘﺘﻞ ﻭﻳﺬﺑﺤﻚ ﻭﺍﻧﺖ ﺣﻲ ﻻ ﺗﻐﻠﻂ ﻫﺎﻟﻐﻠﻄﻪ ﻣﻦ ﺭﺍﻳﻲ ﻭﺍﻧﺖ ﺑﺮﺍﺣﺘﻚ ،
ﺍﻟﺠﺪ ﺳُﻠﻴﻤﺎﻥ ﻛﺎﻥ ﻉ ﺟﻨﺐ ﺳﺎﻛﺖ ﻭﻳﺘﺬﻛﺮ ﻋﺒﺪﺍﻟﻌﺰﻳﺰ ﻛﻴﻒ ﺍﻣﺲ ﻛﺎﻥ ﻣﻌﺎﻫﻢ ﺑﻨﻔﺲ ﺍﻟﻤﺠﻠﺲ ﻭﻳﺴﻮﻟﻒ ﻭﻳﺎﻛﻠﻮﻥ ﻣﻦ ﺍﻟﻜﻴﻚ
ﺍﺑﺘﺴﻢ ﻭﻫﻮ ﻳﺤﺎﻭﻝ ﻳﺨﻔﻲ ﺣﺰﻧﻪ ﻭﻫﻤﺲ : ﻳﺎﻟﻠﻪ ﺗﺮﺣﻤﻪ ﻭﺗﻐﻔﺮ ﻟﻪ ،
ﻋﺒﺪﺍﻟﺮﺣﻤﻦ : ﺷﺴﻤﻚ ﻣﺎ ﻗﻠﺖ ﻟﻲ؟
ﺳﻌﻮﺩ : ﺍﺳﻤﻲ ﺳﻌﻮﺩ ﻭﺍﻧﺖ؟
ﻋﺒﺪﺍﻟﺮﺣﻤﻦ : ﻋﺒﺪﺍﻟﺮﺣﻤﻦ ﺗﺼﺪﻕ ﻳﺎ ﺳﻌﻮﺩ ﺗﺬﻛﺮﻧﻲ ﺑﺎﺧﻮﻱ ﺻﻘﺮ ﺣﺮﻛﺎﺗﻚ ﻭﻃﺮﻳﻘﺔ ﻛﻼﻣﻚ ﺗﺬﻛﺮﻧﻲ ﻓﻴﻪ ،
ﺳﻌﻮﺩ ﺍﺑﺘﺴﻢ : ﻭﺍﻟﻠﻪ ﺍﺗﺸﺮﻑ ﻟﻴﻪ ﻭﻳﻨﻪ ﻫﻮ؟
ﻋﺒﺪﺍﻟﺮﺣﻤﻦ ﺗﻨﻬﺪ ﺑﻀﻴﻖ : ﺳﺎﻓﺮ ﻟﻠﺨﺎﺭﺝ ﻓﺘﺮﻩ ﻭﻳﺮﺟﻊ ﺍﻥ ﺷﺎﺀﺍﻟﻠﻪ،
ﻓﺠﺎﻩ ﺩﺧﻞ ﻓﻬﺪ ﻭﺑﻴﺪﻩ ﺻﻴﻨﻴﺔ ﺍﻟﻘﻬﻮﺓ ﻣﺸﻰ ﻭﺣﻄﻬﻢ ،
ﺳﻌﻮﺩ ﻧﺎﻇﺮ ﻓﻴﻪ ﻓﻬﺪ ﻗﺮﺏ ﻳﺼﺐ ، ﺳﻌﻮﺩ ﻓﺰ : ﻋﻤﻲ ﺍﻧﺎ ﺍﺻﺐ،
ﺍﺧﺬ ﻣﻨﻪ ﺩﻟﺔ ﺍﻟﻘﻬﻮﺓ ﻭﻫﻮ ﻳﺼﺐ ، ﻋﺒﺪﺍﻟﺮﺣﻤﻦ ﻋﻘﺪ ﺣﻮﺍﺟﺒﻪ ﻭﻫﻮ ﻳﺎﺧﺬ ﺟﻮﺍﻟﻪ ﻭﻳﺸﻮﻑ ﺍﻧﻬﺎ ﺷﺎﻓﺖ ﺍﻟﺮﺳﺎﻟﻪ ﺑﺲ ﻭﻳﻦ
ﺍﻟﺸﺎﻫﻲ؟ ﻟﻴﻪ ﻗﻬﻮﺓ ﻣﻮ ﺷﺎﻫﻲ؟ ﻭﻛﺘﺐ ﻟﻬﺎ " ﺍﻟﺸﺎﻫﻲ؟
ﺳﻌﻮﺩ ﻧﺎﻇﺮ ﻟﻌﺒﺪﺍﻟﺮﺣﻤﻦ ﻭﻣﺪ ﻟﻪ ﺍﻟﻘﻬﻮﺓ ﻋﺒﺪﺍﻟﺮﺣﻤﻦ ﺍﺑﺘﺴﻢ ﻭﺍﺧﺬ ﻣﻨﻪ : ﺗﺴﻠﻢ ﻳﻌﻄﻴﻚ ﺍﻟﻌﺎﻓﻴﻪ ،
ﺳﻌﻮﺩ : ﺍﻟﻠﻪ ﻳﻌﺎﻓﻴﻚ ﻭﺻﺐ ﻟﻨﻔﺴﻪ ﻭﻫﻮ ﻳﺠﻠﺲ ،
ﺍﻟﺠﺪ ﺳُﻠﻴﻤﺎﻥ ﻧﺎﻇﺮ ﻟﻔﻬﺪ : ﻫﺎﻩ ﻳﺎﻭﻟﺪﻱ ﺍﻳﺶ ﺍﻟﻤﻮﺿﻮﻉ؟
ﻓﻬﺪ ﺗﻨﻬﺪ ﻭﺷﺒﻚ ﻳﺪﻳﻨﻪ : ﻣﻌﺮﻑ ﻛﻴﻒ ﺍﺑﺪﺍ ﻣﻌﻚ ﺑﺎﻟﻤﻮﺿﻮﻉ ﻳﺎ ﻋﻤﻲ ﺑﺲ ﺍﺑﻮﻱ ﺍﻟﻠﻪ ﻳﺮﺣﻤﻪ ﻛﺘﺐ ﺑﺎﻟﻮﺻﻴﻪ ﺍﻧﻪ ﺍﻟﻤﺰﺭﻋﻪ ﺑﺎﺳﻤﻚ
ﺑﻌﺪ ﻣﻮﺕ.. ﻗﺎﻃﻌﻪ ﺍﻟﺠﺪ ﺳُﻠﻴﻤﺎﻥ ﺑﺼﺪﻣﻪ ﻭﻫﻮ ﻳﺘﺮﻙ ﻓﻨﺠﺎﻝ ﺍﻟﻘﻬﻮﺓ ﻣﻦ ﻳﺪﻩ : ﻳﺎﻭﻟﺪﻱ ﺷﻘﺎﻋﺪ ﺗﻘﻮﻝ ﺍﻧﺖ!
ﻋﺒﺪﺍﻟﺮﺣﻤﻦ ﺍﻟﺘﻔﺖ ﺑﺼﺪﻣﻪ ﻟﺴﻌﻮﺩ ﺍﻟﻲ ﻛﺎﻥ ﺳﺎﻛﺖ ﻭﻳﻨﺎﻇﺮ ،
ﺍﻟﺠﺪ ﺳُﻠﻴﻤﺎﻥ ﺑﺤﺪﻩ : ﻣﺎﻧﻴﻴﻲ ﻣﺎﺧﺬ ﺍﻟﻤﺰﺭﻋﻪ ﻭﻻ ﺭﺍﺡ ﺍﺭﺿﻰ ،
ﻓﻬﺪ : ﺗﻜﻔﻰ ﻋﻤﻲ ﻫﺬﺍ ﻭﺻﻴﺔ ﺍﺑﻮﻱ ﻻ ﺗﺮﻓﻀﻪ!
ﺍﻟﺠﺪ ﺳُﻠﻴﻤﺎﻥ : ﺣﻼﻝ ﺍﺑﻮﻙ ﺗﻮﺯﻋﻮﻧﻪ ﺑﻴﻨﻜﻢ ﺍﻧﺎ ﻣﺎﻟﻲ ﻳﺪ ﻭﺍﻧﺎ ﺍﻟﺴﺒﺐ ﻓﻲ ﻣﻮﺗﻪ ﻭﺍﻧﺎ ﺍﻟﻲ ﻭﺟﻌﺖ ﻗﻠﺒﻪ ﻭﺍﺧﺬ ﺣﻼﻟﻪ ! ﺳﻜﺖ
ﻭﺻﺪ ﻭﻫﻮ ﻳﺴﺤﺐ ﻃﺮﻑ ﺷﻤﺎﻏﻪ ﻭﻳﻤﺴﺢ ﺩﻣﻮﻋﻪ ﻭﻳﺘﺬﻛﺮﻩ ،
ﻓﻬﺪ : ﺍﺫﺍ ﻫﺬﺍ ﻛﻼﻣﻚ ﻳﺎ ﻋﻤﻲ ﻭﻣﺎﻧﺖ ﺭﺍﺿﻲ ﻋﻦ ﻭﺻﻴﺔ ﺍﺑﻮﻱ ﻑ ﺍﻋﺘﺒﺮﻧﻲ ﻣﻦ ﺑﻌﺪ ﺍﻟﻴﻮﻡ ﻣﺖ ﺯﻱ ﺍﺑﻮﻱ ﻭﻻ ﺍﻋﺮﻓﻚ ﻭﻻ
ﺗﻌﺮﻓﻨﻲ ،
ﺍﻟﺠﺪ ﺳُﻠﻴﻤﺎﻥ ﺍﻧﺼﺪﻡ ﻭﺍﻟﺘﻔﺖ ﻟﻔﻬﺪ ﺑﺼﺪﻣﻪ ،
ﻋﺒﺪﺍﻟﺮﺣﻤﻦ : ﻋﻤﻲ ﻓﻬﺪ ﺷﻘﺎﻋﺪ ﺗﻘﻮﻝ ﻭﺟﺪﻱ ﺻﺎﺩﻕ ﻣﺎﻟﻨﺎ ﺣﻖ ﺑﺤﻼﻝ ﻋﻤﻲ ﻋﺒﺪﺍﻟﻌﺰﻳﺰ !
ﻓﻬﺪ : ﻳﺎﻭﻟﺪﻳﻲ ﻫﺬﺍ ﻭﺻﻴﺔ ﺍﺑﻮﻱ ﻣﺎﺭﺍﺡ ﺗﺘﻐﻴﺮ ،
ﺳﻌﻮﺩ ﻧﺎﻇﺮ ﻟﻌﺒﺪﺍﻟﺮﺣﻤﻦ : ﻛﻼﻡ ﻋﻤﻲ ﻓﻬﺪ ﺻﺢ ﻭﺻﻴﺔ ﺟﺪﻱ ﻋﺒﺪﺍﻟﻌﺰﻳﺰ ﻣﺎ ﺗﺘﻐﻴﺮ ﻭﺍﻟﻤﻔﺮﻭﺽ ﺗﻮﺍﻓﻘﻮﻥ ،
ﺍﻟﺠﺪ ﺳُﻠﻴﻤﺎﻥ ﻛﺎﻥ ﺳﺎﻛﺖ ﻭﻳﻨﺎﻇﺮ ﺑﺎﻻﺭﺽ ،
ﻋﺒﺪﺍﻟﺮﺣﻤﻦ ﺣﺲ ﺍﻧﻪ ﺍﻧﻘﻬﺮ ﻣﻦ ﺳﻤﻊ ﻫﺎﻟﻮﺻﻴﻪ ﻭﺣﻼﻝ ﺍﻟﺠﺪ ﻋﺒﺪﺍﻟﻌﺰﻳﺰ ﻳﺼﻴﺮ ﺑﺎﺳﻢ ﺟﺪﻩ ﻭﻗﺎﻡ ﻭﻫﻮ ﻳﻄﻠﻊ ﻟﺒﺮﺍ ﻳﺘﻨﻔﺲ ،
ﺳﻌﻮﺩ ﺍﺳﺘﻐﺮﺏ ﻭﻗﺎﻡ ﻟﺤﻘﻪ ﻭﻃﻠﻊ ﻟﺒﺮﺍ ﻭﻗﻔﻞ ﺑﺎﺏ ﺍﻟﻤﺠﻠﺲ ،
ﻋﺒﺪﺍﻟﺮﺣﻤﻦ ﺍﻟﺘﻔﺖ ﻟﻪ ﺑﺤﺪﻩ : ﻳﺨﻴﻴﻲ ﻭﺵ ﻗﺎﻋﺪ ﻳﺴﻮﻱ ﻋﻤﻲ!
ﺳﻌﻮﺩ : ﻣﺎ ﻳﺴﻮﻱ ﺍﻻ ﺍﻟﺼﺢ ﻭﻫﺬﺍ ﻭﺻﻴﺔ ﺍﺑﻮﻩ ﻳﺎ ﻋﺒﺪﺍﻟﺮﺣﻤﻦ!
ﻋﺒﺪﺍﻟﺮﺣﻤﻦ : ﺑﺲ ﻫﺬﺍ ﺣﻼﻟﻞ ﻓﻬﺪ ﻭﺑﻨﺎﺗﻪ ﺣﻨﺎ ﺷﺪﺧﻠﻨﺎ!
ﺳﻌﻮﺩ : ﻭﻫﺬﺍ ﻗﺮﺍﺭ ﺟﺪﻱ ﻋﺒﺪﺍﻟﻌﺰﻳﺰ ﻣﻮ ﺑﻴﺪ ﺍﺣﺪ ﻭﻣﺎ ﺷﺎﺀ ﺍﻟﻠﻪ ﻋﻨﺪﻩ ﺧﻴﺮ ﺍﻟﺪﻧﻴﺎ ﻛﻠﻪ ﺍﻟﺤﻤﺪﻟﻠﻪ ﻳﻜﻔﻲ ﻟﺒﻨﺎﺗﻪ ﻭﻟﻮﻟﺪﻩ ﻓﻘﻂ
ﺍﻟﻤﺰﺭﻋﻪ ﺍﻟﻲ ﺑﻴﺎﺧﺬﻩ ﺟﺪﻙ ﻭﻳﺎﻟﻴﺖ ﺗﻘﻨﻌﻪ ﻻﻧﻪ ﻋﻤﻲ ﻓﻬﺪ ﺭﺍﺡ ﻳﺰﻋﻞ ﻟﻮ ﺭﻓﻀﺘﻮﺍ ﻭﺻﻴﺔ ﺍﺑﻮﻩ ،
ﻋﺒﺪﺍﻟﺮﺣﻤﻦ ﺗﻨﻬﺪ ﻭﻫﻮ ﻳﺼﺪ : ﻣﺎﻧﻲ ﻣﻮﺍﻓﻖ ﻳﺎ ﺳﻌﻮﺩ !
ﺳﻌﻮﺩ ﺭﻓﻊ ﻧﻈﺮﻩ ﻟﻪ : ﻋﺒﺪﺍﻟﺮﺣﻤﻦ ﺧﻞ ﻋﻨﻚ!
ﻋﺒﺪﺍﻟﺮﺣﻤﻦ ﻫﺰ ﺭﺍﺳﻪ ﺑﺎﻟﻨﻔﻲ : ﻗﻠﺖ ﻣﺎﻧﻲ ﺭﺍﺿﻲ!
ﺳﻌﻮﺩ ﺿﺤﻚ ﻭﻫﻮ ﻳﻨﺎﻇﺮ ﻟﻤﻼﻣﺤﻪ ﻛﺎﻥ ﻣﻌﺼﺐ ،
ﻋﺒﺪﺍﻟﺮﺣﻤﻦ ﺿﺤﻚ ﻣﻦ ﺿﺤﻜﺘﻪ : ﺍﻳﺶ ﺍﻟﻲ ﻳﻀﺤﻚ!
ﺳﻌﻮﺩ ﺑﻀﺤﻜﻪ : ﻣﺪﺭﻱ ﻋﻨﻚ ﻓﺠﺎﻩ ﻋﺼﺒﺖ ﻋﻠﻲ ؟
ﻋﺒﺪﺍﻟﺮﺣﻤﻦ ﺍﺑﺘﺴﻢ : ﻳﺨﻲ ﻭﺍﻟﻠﻪ ﺍﻧﻘﻬﺮﺕ ﻣﻦ ﻫﺎﻟﻮﺻﻴﻪ ،
ﺳﻌﻮﺩ ﺗﻨﻬﺪ : ﻋﻮﺍﻓﻲ ﻳﺎ ﺭﺟﺎﻝ ﻭﺵ ﻧﺴﻮﻱ ﻫﺬﺍ ﻫُﻢ ﻛﺒﺎﺭ ﺍﻟﺴﻦ ﻳﺘﺮﻛﻮﻥ ﻟﻨﺎ ﻭﺻﻴﻪ ﻭﻳﻤﺸﻮﻥ ﻭﺣﻨﺎ ﻧﺘﺼﺮﻑ ﻣﺎ ﺑﺎﻟﻴﺪ ﺣﻴﻠﻪ ،
ﻋﺒﺪﺍﻟﺮﺣﻤﻦ ﻗﺎﻡ ﺑﻴﺘﻜﻠﻢ ﻟﻜﻦ ﺳﻜﺖ ﻭﻫﻮ ﻳﺸﻮﻑ ﺍﻟﺠﺪ ﺳُﻠﻴﻤﺎﻥ ﻭﻓﻬﺪ ﻃﺎﻟﻌﻴﻦ ﻣﻦ ﺍﻟﻤﺠﻠﺲ ﻭﻫﻤﺲ : ﻳﻼ ﻳﺒﻪ ﻧﻤﺸﻲ ،
BY عالم القصص والروايات 📚
Share with your friend now:
tgoop.com/ahgeel/112241