tgoop.com/ahgeel/112246
Last Update:
▇ـ▄▄▄💜 ▄▄▄ـ▇
" رواية انا شاعرك العام والقصيد عيونك"
{ الفصل السابع والثلاثون💜 }
▇ـ▄▄ @ahgeel ▄▄ـ▇
-/
تفاعل قبل لاتقراء ♥
ﺍﻧﺎ ﺷﺎﻋﺮﻙ ﺍﻟﻌﺎﻡ ﻭﺍﻟﻘﺼﻴﺪ ﻋﻴﻮﻧﻚ )
'
ﻋﺒﺪﺍﻟﺮﺣﻤﻦ : ﺍﺧﻠﺼﻲ ﻋﻠﻤﻴﻨﻲ ﻗﺒﻞ ﺳﻌﻮﺩ ﻳﺠﻲ ﻳﻨﺎﻡ ﻓﻴﻬﻢ ،
ﺍﻣﺎﻝ ﺑﺼﺪﻣﻪ : ﺳﻌﻮﺩ ﻣﻌﺎﻛﻢ؟
ﻋﺒﺪﺍﻟﺮﺣﻤﻦ : ﺍﻱ ﺟﻨﺒﻲ ﺑﻴﻨﺎﻡ ﻣﻌﻲ ﻭﻳﺴﺎﻟﻨﻲ ﺍﻱ ﻭﺍﺣﺪ ﻟﻚ ،
ﺍﻣﺎﻝ : ﻛﺬﺍﺏ ﻟﻮ ﺟﻨﺒﻚ ﻛﺎﻥ ﻋﺮﻑ ﺍﻱ ﻭﺍﺣﺪ ﻟﻲ ﻫﻮ ﻳﻌﺮﻑ ﻟﻮﻧﻲ ﺍﻟﻤﻔﻀﻞ ﺍﺑﻴﺾ ' ﻋﺒﺪﺍﻟﺮﺣﻤﻦ ﺿﺤﻚ ﻭﻧﺎﻇﺮ ﻟﻔﻬﺪ ﺍﻟﻲ ﺗﺮﻙ
ﺍﻟﻠﺤﺎﻑ ﻭﺍﻟﻤﺨﺪﺍﺕ ﻭﻣﺸﻰ ﻭﻗﺎﻡ ﻭﻫﻮ ﻳﺴﺤﺐ ﺍﻟﻤﺨﺪﻩ ﺍﻟﻲ ﻟﻮﻧﻬﺎ ﺍﺑﻴﺾ ﻭﺣﻂ ﺭﺍﺳﻪ ﻭﻫﻮ ﻳﺼﻮﺭ : ﺗﺼﺒﺤﻴﻦ ﻋﻠﻰ ﺧﻴﺮ ،
ﺍﻣﺎﻝ ﺍﻧﺼﺪﻣﺖ ﻭﻧﺎﻇﺮﺕ ﻟﺮﺳﺎﻟﺘﻬﺎ ﻭﺍﻧﻬﺎ ﺟﺎﺑﺖ ﺍﻟﻌﻴﺪ ﻭﻋﻠﻤﺘﻪ ﺍﻧﻘﻬﺮﺕ ﻭﻫﻤﺴﺖ : ﻳﺎﺭﺑﻴﻴﻲ ﻣﻦ ﻭﻳﻦ ﺟﺎﻳﺒﻪ ﻛﻞ ﻫﺎﻟﻐﺒﺎﺀ ﺍﻧﺎﺍﺍ!
ﻋﺒﺪﺍﻟﺮﺣﻤﻦ ﺍﻧﺴﺪﺡ ﻉ ﺟﻨﺐ ﻭﺳﺤﺐ ﺍﻟﻠﺤﺎﻑ ﺍﻟﻲ ﻛﺎﻥ ﻣﻊ ﺍﻟﻤﺨﺪﻩ ﻭﺗﻠﺤﻒ : ﺍﻭﻓﻔﻒ ﺑﺲ ﺍﺷﺘﻘﺖ ﻟﻨﻮﻣﺔ ﺍﻻﺭﺽ ،
ﺩﺧﻞ ﻓﻬﺪ ﻭﻧﺎﻇﺮ : ﻣﺤﺘﺎﺟﻴﻦ ﺷﻲ ﺑﻌﺪ؟
ﻋﺒﺪﺍﻟﺮﺣﻤﻦ ﻋﺰ ﺭﺍﻳﻪ ﺑﺎﻟﻨﻔﻲ ﻭﻗﺎﻡ ﺟﻠﺲ ﻭﻫﻮ ﻳﻌﻄﺲ ﺑﻘﻮﻩ ﻭﻧﺎﻇﺮ : ﺣﺘﻰ ﺍﻟﻤﺨﺪﻩ ﻣﺎ ﺳﻠﻤﺖ ﻣﻦ ﻋﻄﺮﻫﺎ ﻭﺻﺪ ﻭﻫﻮ ﻳﻠﺘﻔﺖ
ﻳﻤﻴﻦ ﻳﺴﺎﺭ ﻭﻧﺎﻇﺮ ﻟﻤﺨﺪﺍﺕ ﺍﻟﻜﻨﺐ ﺳﺤﺐ ﻣﻨﻬﻢ ﻭﻧﺎﻡ ،
'
ﺍﻡ ﻧﺠﻼﺀ : ﻳﻼ ﻳﺎﺑﻨﺘﻲ ﺍﻧﺎ ﺭﺍﻳﺤﻪ ﺍﻧﺎﻡ ﺗﻌﺎﻟﻲ ﻧﺎﻣﻲ ﺑﻐﺮﻓﺘﻲ ،
ﺍﻣﺎﻝ : ﻭﺍﻟﻠﻪ ﺗﻜﺸﺨﺖ ﻋﺸﺎﻥ ﻧﺠﻼﺀ ﺑﺲ ﺣﻴﻮﺍﻧﻪ ﻣﺎﺗﺮﺩ!
ﺍﻡ ﻧﺠﻼﺀ : ﺧﻠﻴﻬﺎ ﺗﻮﻫﺎ ﺭﺍﺣﺖ ﻣﻦ ﻫﻨﺎ ﺧﻠﻴﻬﺎ ﺗﺮﺗﺎﺡ ،
ﺍﻣﺎﻝ : ﺑﺮﻭﺡ ﺍﺳﻮﻱ ﻟﻲ ﺷﺎﻫﻲ ﻭﺍﻃﻠﻊ ﺍﺷﻢ ﻫﻮﺍﺀ ،
ﺍﻡ ﻧﺠﻼﺀ ﻭﻗﻔﺘﻬﺎ : ﺍﻻ ﺑﺴﺎﻟﻚ ﺍﻟﻴﻮﻡ ﺷﻔﺖ ﻓﻲ ﺍﻟﻤﻄﺒﺦ ﻋﻠﺒﺔ ﻛﻠﻴﺠﻪ ﻣﻴﻦ ﺟﺎﺑﻪ ﺳﺎﻟﺖ ﻣﻦ ﺍﺑﻮﻙِ ﻗﺎﻝ ﻣﻮ ﻫُﻢ ،
ﺍﻣﺎﻝ ﺑﺘﻮﺗﺮ : ﺍﻳﻴﻲ ﺷﻔﺖ ﺣﺴﺎﺏ ﻭﺣﺪﻩ ﺗﺒﻴﻊ ﻭﺭﺳﻠﺖ ﺍﻟﺴﻮﺍﻕ ﻳﺠﻴﺐ ﻣﻨﻬﺎ ،
ﺍﻡ ﻧﺠﻼﺀ ﺍﺑﺘﺴﻤﺖ : ﻋﺎﺩ ﺍﺑﻮﻙِ ﻳﺤﺒﻪ ﺍﻃﻠﺒﻲ ﻣﻨﻬﻢ ﻣﺮﻩ ﺛﺎﻧﻴﻪ ،
ﺍﻣﺎﻝ : ﻻ ﻻ ﻗﻔﻠﺖ ﺣﺴﺎﺑﻬﺎ ﺍﺧﺮ ﻃﻠﺐ ﺍﺧﺬﺗﻪ ﺍﻧﺎ ﻭﺍﻋﺘﺰﻟﺖ ﻫﻲ،
ﺍﻡ ﻧﺠﻼﺀ ﺍﺳﺘﻐﺮﺑﺖ ﻭﻫﻲ ﻓﻴﻬﺎ ﻧﻮﻡ ﻣﺎﻭﺩﻫﺎ ﺗﺘﻨﺎﻗﺶ ﺍﻛﺜﺮ ﻭﺗﻨﻬﺪﺕ ﻭﻣﺸﺖ ﻣﺘﻮﺟﻪ ﻟﻐﺮﻓﺘﻬﺎ ﺗﻨﺎﻡ ﺗﺮﺗﺎﺡ ﺷﻮﻱ ،
'
ﻏﻼ ﻛﺎﻧﺖ ﺗﻨﺎﻇﺮ ﻣﻦ ﺍﻟﺸﺒﺎﻙ ﺗﻨﺘﻈﺮ ﻳﻄﻠﻊ ﻋﻤﺮ ﻳﺠﻲ ﻳﺎﺧﺬ ﺑﻴﻼ ﻟﻜﻦ ﻟﻼﺳﻒ ﻣﺎ ﻃﻠﻊ ﻭﻻ ﺭﺟﻊ ﺍﺗﺼﻞ ﺑﻌﺪ ﻣﺎ ﻗﻔﻠﺖ ﺍﻟﺨﻂ
ﺑﻮﺟﻬﻪ ﺗﻨﻬﺪﺕ ﻭﻧﺰﻟﺖ ﻟﻠﺼﺎﻟﻪ ﻭﻫﻲ ﺗﺸﻮﻑ ﻣﺤﺴﻦ ﻧﺎﻳﻢ ﺑﺎﻟﺼﺎﻟﻪ ﻭﺍﻟﺘﻠﻔﺰﻳﻮﻥ ﺷﻐﺎﻝ ﻣﺸﺖ ﻋﻨﺪﻩ : ﻣﺤﺴﻨﻨﻦ ،
ﻣﺤﺴﻦ ﻓﺰ ﻣﻦ ﻧﻮﻣﻪ : ﻫﻼ ﺷﺼﺎﻳﺮ؟
ﻏﻼ : ﻣﻮ ﺻﺎﻳﺮ ﺷﻲ ﻗﻢ ﻧﺎﻡ ﺑﻐﺮﻓﺘﻚ ،
ﻣﺤﺴﻦ ﻫﺰ ﺭﺍﺳﻪ ﺑـ ﺍﻱ ﻭﻗﺎﻡ ﺗﻮﺟﻪ ﻟﻐﺮﻓﺘﻪ ﺑﻴﻨﺎﻡ ،
ﻏﻼ ﺟﺒﺴﺖ ﺑﻤﻜﺎﻧﻪ ﻭﻫﻲ ﺗﻨﺎﻇﺮ ﻟﻠﺘﻠﻔﺰﻳﻮﻥ ،
'
ﻋﻤﺮ ﻛﺎﻥ ﺟﺎﻟﺲ ﺑﻐﺮﻓﺘﻪ ﻭﻳﻌﺾ ﺍﻇﺎﻓﺮﻩ ﺑﻘﻬﺮ ﻭﻳﺎﻛﻠﻬﻢ ﻭﺗﻨﻬﺪ ﻭﻣﺸﻰ ﻓﺘﺢ ﺍﻟﺒﺎﺏ ﻃﻠﻊ ﻣﺘﻮﺟﻪ ﻟﻠﺤﻤﺎﻡ " ﻳﻜﺮﻡ ﺍﻟﻘﺎﺭﻯﺀ " ﻏﺴﻞ
ﻭﺟﻬﻪ ﻭﻧﺎﻇﺮ ﻻﻣﻪ ﻛﺎﻧﺖ ﺟﺎﻟﺴﻪ ﻋﻠﻰ ﺍﻟﺴﺠﺎﺩﻩ ﻭﺳﺮﺣﺎﻧﻪ ﻋﻘﺎ ﺣﻮﺍﺟﺒﻪ ﻭﻣﺸﻰ ﻟﻌﻨﺪﻫﺎ : ﻳﻤﻪ ﺷﻔﻴﻚِ ؟
ﺍﻡ ﺻﻘﺮ ﺑﻬﺪﻭﺀ : ﻣﺎﻓﻴﻨﻲ ﺷﻲ ﻳﺎﻭﻟﺪﻱ ﺑﺲ ﺧﺎﻳﻔﻪ ﻋﻠﻰ ﺍﺧﻮﻙ ﺻﻘﺮ ﻣﺎ ﻳﺮﺩ ﻭﻻ ﻳﺘﺼﻞ ﻣﺪﺭﻱ ﺷﺼﺎﺭ ﻓﻴﻪ ،
ﻋﻤﺮ : ﺍﻛﻴﺪ ﺍﻧﺸﻐﻞ ﻣﻊ ﺯﻭﺟﺘﻪ ﻭﻋﻤﻠﻴﺘﻬﺎ ﺍﻥ ﺷﺎﺀ ﺍﻟﻠﻪ ﻳﺮﺩ ،
ﺍﻡ ﺻﻘﺮ ﺑﻬﺪﻭﺀ : ﺍﻥ ﺷﺎﺀ ﺍﻟﻠﻪ ﺍﻟﻠﻪ ﻳﺴﻤﻊ ﻣﻨﻚ ،
ﻋﻤﺮ : ﻭﻳﻨﻪ ﺳﻠﻄﺎﻥ ؟
ﺍﻡ ﺻﻘﺮ : ﺭﺍﺡ ﻳﻨﺎﻡ ﻭﺑﻌﺪ ﺻﻘﺮ ﻭﻋﺒﺪﺍﻟﺮﺣﻤﻦ ﻭﺟﺪﻙ ﺍﻟﺒﻴﺖ ﻣﺎﻋﺎﺩ ﻟﻪ ﻃﻌﻢ ﻭﺍﺑﻮﻙ ﻛﻠﻪ ﻫﻤﻪ ﺩﻭﺍﻣﻪ ﻣﺎ ﻳﺠﻠﺲ ﻓﻲ ﺍﻟﺒﻴﺖ ﺣﺘﻰ
ﻭﺍﺫﺍ ﺟﺎﺀ ﻋﻠﻄﻮﻝ ﻳﻨﺎﻡ ،
ﻋﻤﺮ ﻗﺎﻡ ﺑﻴﺘﻜﻠﻢ ﻟﻜﻦ ﻭﻗﻒ ﻣﻦ ﺳﻤﻊ ﺻﻮﺕ ﺍﻟﺠﺮﺱ ﺍﺳﺘﻐﺮﺏ ﻭﻣﺸﻰ ﻧﺰﻝ ﻃﻠﻊ ﻓﺘﺢ ﺍﻟﺒﺎﺏ ﻭﻫﻮ ﻳﺸﻮﻑ ﻋﻤﻴﺮ ﻭﺍﻗﻒ ،
ﻋﻤﻴﺮ ﺍﺑﺘﺴﻢ : ﺟﻴﺖ ﺍﺳﺎﻟﻜﻢ ﻫﺎﻟﻤﺮﻩ ﻋﻨﺪﻛﻢ ﻛﻬﺮﺑﺎﺀ؟
ﻋﻤﺮ ﻧﺎﻇﺮ ﻓﻴﻪ ﺑﺤﺪﻩ : ﻭﺵ ﻣﻔﻜﺮ ﻧﻔﺴﻚ ﺍﻧﺖ!
ﻋﻤﻴﺮ ﺑﺎﺳﺘﻐﺮﺍﺏ : ﻟﻴﻪ ﻭﺵ ﻣﺴﻮﻱ ﺍﻧﺎ؟
ﻋﻤﺮ ﻗﺮﺏ ﻣﺴﻜﻪ ﻣﻦ ﻳﺎﻗﺘﻪ : ﻟﻴﻬﻪ ﻋﻠﻤﺘﻬﺎﺍﺍﺍ ﺑﻜﻼﻣﻴﻴﻲ!!!
ﻋﻤﻴﺮ ﺩﻓﻪ ﻭﻫﻮ ﻳﻌﺪﻝ ﺛﻮﺑﻪ : ﺍﻧﺖ ﺍﻟﻲ ﻗﺎﻳﻞ ﻟﻲ ﻭﻋﻠﻤﺘﻬﺎ ﺣﻘﻴﻘﺘﻚ ﻭﻧﻴﺘﻚ ﺍﻟﺸﻴﻦ ﻳﺎﻟﺨﺮﻭﻑ ،
ﻋﻤﺮ ﺗﻨﻔﺲ ﺑﻘﻬﺮ ﻭ ﺩﺧﻞ ﺍﻟﺒﻴﺖ ﻭﻗﻔﻞ ﺍﻟﺒﺎﺏ ﺑﻮﺟﻬﻪ ،
ﻋﻤﻴﺮ ﺿﺤﻚ ﺑﺴﺨﺮﻳﻪ ﻭ ﺻﺪ ﺗﻮﺟﻪ ﻟﺒﻴﺘﻪ ،
'
ﻧﺠﻼﺀ ﺍﺧﺬﺕ ﻟﻬﺎ ﺷﺎﻭﺭ ﻭﻃﻠﻌﺖ ﻭﻫﻲ ﺗﻨﺸﻒ ﺷﻌﺮﻫﺎ ﺩﺧﻠﺖ ﺍﻟﻐﺮﻓﻪ ﻭﻫﻲ ﺗﺤﺲ ﺑﺒﺮﻭﺩ ﺍﻟﻐﺮﻓﻪ ﻭﻣﺸﺖ ﺗﻄﻔﻲ ﺍﻟﻤﻜﻴﻒ ،
ﻣﺸﻌﻞ ﻛﺎﻥ ﻧﺎﻳﻢ ﻭﻻ ﺣﺎﺱ ﺑﺸﻲﺀ ،
ﻧﺠﻼﺀ ﻣﺸﺖ ﺷﻐﻠﺖ ﺍﻟﻀﻮﺀ ﻭﻭﻗﻔﺖ ﻋﻨﺪﻙ ﺍﻟﺘﺴﺮﻳﺤﻪ ﺗﻨﺸﻒ ﺷﻌﺮﻫﺎ ﺑﻌﺪ ﺩﻗﺎﻳﻖ ﺧﻠﺼﺖ ﻭﺑﺪﺍﺕ ﺗﺤﻂ ﻣﻜﻴﺎﺝ ﺧﻔﻴﻒ ﺍﺧﺬﺕ
ﺍﻟﺒﻼﺷﺮ ﺗﺤﻂ ﻟﻜﻦ ﻣﺎ ﺍﻧﺘﺒﻬﺖ ﻭﻃﺎﺣﺖ ﻣﻦ ﻳﺪﻫﺎ ،
ﻣﺸﻌﻞ ﻓﺰ ﻣﻦ ﺍﻟﺼﻮﺕ ﻭﻗﺎﻡ ﺟﻠﺲ ﻭﻧﺎﻇﺮ : ﺷﺼﺎﻳﺮﺭﺭ؟؟؟
ﻧﺠﻼﺀ ﺍﻟﺘﻔﺘﺖ ﻟﻪ : ﻣﻮ ﺻﺎﻳﺮ ﺷﻲ ﻧﺎﻡ ﺍﻧﺖ ،
ﻣﺸﻌﻞ ﻋﻘﺪ ﺣﻮﺍﺟﺒﻪ : ﻟﻴﻪ ﻣﺘﺮﻭﺷﻪ ﺍﻟﺤﻴﻦ ﻭﻟﻴﻪ ﺻﺤﻴﺘﻲ؟
ﻧﺠﻼﺀ ﻧﺎﻇﺮﺕ ﻓﻴﻪ : ﺻﺤﻴﺖ ﺍﺻﻠﻲ ﻣﺎﺑﻘﻰ ﺷﻲ ﻳﺎﺫﻥ ﺍﻟﻔﺠﺮ ،
ﻣﺸﻌﻞ ﺍﺧﺬ ﺟﻮﺍﻟﻪ ﻳﻨﺎﻇﺮ ﻭﺍﻧﺼﺪﻡ ﺍﻧﻪ ﻧﺎﻡ ﻛﻞ ﻫﺎﻟﻮﻗﺖ ﻣﻦ ﺍﻟﻌﺸﺎﺀ ﻟﻴﻦ ﺍﻟﻔﺠﺮ ﺭﻣﻰ ﻋﻨﻪ ﺍﻟﻠﺤﺎﻑ ﻭﻧﺎﻇﺮ : ﻃﻠﻌﻲ ﻟﻲ ﻣﻼﺑﺲ،
ﻭﻣﺸﻰ ﺳﺤﺐ ﺍﻟﻤﻨﺸﻔﻪ ﻭﺗﻮﺟﻪ ﻳﺎﺧﺬ ﻟﻪ ﺷﺎﻭﺭ ،
ﻧﺠﻼﺀ ﺗﺮﻛﺖ ﺍﻟﺒﻼﺷﺮ ﻣﻦ ﻳﺪﻫﺎ ﻭﺗﻮﺟﻬﺖ ﻓﺘﺤﺖ ﺍﻟﺪﻭﻻﺏ ﺗﻄﻠﻊ ﻟﻪ ﻣﻼﺑﺲ ﻋﻘﺪﺕ ﺣﻮﺍﺟﺒﻬﺎ ﻭﻫﻲ ﺗﺸﻮﻑ ﻣﻼﺑﺴﻪ ﻗﻠﻴﻞ
ﻭﻫﻤﺴﺖ : ﻏﺮﻳﺒﻪ ﺍﻟﺸﻐﺎﻟﻪ ﻣﺎ ﺗﻐﺴﻞ ﻣﻼﺑﺴﻪ! ﻭﻃﻠﻌﺖ ﻟﻪ ﻓﻨﻴﻠﻪ ﻭﺳﺮﻭﺍﻝ ﻭﺣﻄﺘﻬﻢ ﻋﻠﻰ ﺍﻟﺴﺮﻳﺮ ﻭﻋﺪﻟﺖ ﺷﻌﺮﻫﺎ ﻭﻣﺸﺖ ﻓﺘﺤﺖ
ﺍﻟﺒﺎﺏ ﻭﻧﺎﻇﺮﺕ ﺭﻳﻤﺎ ﻛﺎﻧﺖ ﺟﺎﻟﺴﻪ ﺗﺎﻛﻞ ﻭﻣﺸﺖ ﻋﻨﺪﻫﺎ ،
ﺭﻳﻤﺎ ﻧﺎﻇﺮﺕ ﻓﻴﻬﺎ : ﺗﻌﺎﻟﻲ ﻛﻠﻲ ؟
ﻧﺠﻼﺀ ﻫﺰﺕ ﺭﺍﺳﻬﺎ ﺑﺎﻟﻨﻔﻲ : ﻻ ﺑﺎﻟﻌﺎﻓﻴﻪ ﺟﻴﺖ ﺍﺳﺎﻝ ﻭﻳﻦ ﺍﻟﺸﻐﺎﻟﻪ ﻣﺎ ﺗﻐﺴﻞ ﻣﻼﺑﺲ ﺍﺧﻮﻙِ ﻛﻞ ﻣﻼﺑﺴﻪ ﻭﺳﺦ؟
ﻓﺠﺎﻩ ﺩﺧﻠﺖ ﺍﻡ ﻣﺸﻌﻞ ﻭﺳﻤﻌﺖ ﻛﻼﻣﻬﺎ : ﻭﻫﻮ ﻟﻴﻪ ﻣﺘﺰﻭﺝ ﻣﻨﻚ؟
ﻧﺠﻼﺀ ﺍﻧﺼﺪﻣﺖ ﻣﻦ ﺻﻮﺗﻬﺎ ﻭﺍﻟﺘﻔﺘﺖ ﻧﺎﻇﺮﺕ ﻓﻴﻬﺎ ﺑﺼﺪﻣﻪ ،
ﺍﻡ ﻣﺸﻌﻞ : ﻣﻦ ﻋﺎﺩﺍﺕ ﻫﺎﻟﺒﻴﺖ ﺍﻧﻬﺎ ﺍﻟﺰﻭﺟﻪ ﺗﺨﺪﻡ ﺯﻭﺟﻬﺎ ﻓﻄﻮﺭﻩ ﻭ ﺍﻛﻠﻪ ﻭ ﻏﺪﺍﻩ ﻭﻣﻼﺑﺴﻪ ﻭﻏﺴﻴﻠﻪ ﻛﻞ ﺷﻲﺀ ﻋﻠﻴﻚِ ﺍﻧﺘﻲ!
ﻧﺠﻼﺀ ﺿﺤﻜﺖ ﺑﺼﺪﻣﻪ : ﻟﻴﻪ ﺧﺪﺍﻣﻪ ﻋﻨﺪ ﻭﻟﺪﻙ ﺍﻧﺎ؟
BY عالم القصص والروايات 📚
Share with your friend now:
tgoop.com/ahgeel/112246