tgoop.com/ahgeel/114182
Last Update:
▇ـ▄▄▄💜 ▄▄▄ـ▇
#روايــــــــــــــــة
( #في_هوى_دارك_سنين_العمر 💞)
{ الفصل الثالث والعشرون 💜 }
▇ـ▄▄ @ahgeel ▄▄ـ▇
-/
تفاعل قبل لاتقراء ♥
= في مستشفى الرياض =
محمد اخذ نفس وهو واقف مع عنود ينتظرون بالخارج ،
عنود بدموع : يالله ايش صار لها فجاه كانت بخير ،
محمد : زي ما سمعتي الدكتور قال لازم ناخذها لاكبر مستشفى عشان العملية ،
عنود اخذت نفس وهي تجلس ونطقت : هتان عند امك صح؟
محمد هز راسه بالايجاب : اي تركته عند امي وكلمت العامل اننا نسافر واذا في موضوع مهُم او صار شي يتصل علي ،
عنود اخذت جوالها ونطقت : نسيت شاحني ،
محمد مد لها جواله : خذي مين تبين تكلمين؟
عنود هزت راسها بالنفي : خلاص محد كنت ناويه اكلم جاسر بس غرور جت وهي تبكي معه ما اظن ترضى اني اعلمه ،
محمد : فكينا منهم الحين خلينا نشوف نهاية هالبنت ،
عنود : قالوا لك كم يكلف العملية؟
محمد اخذ نفس : لا تحاتين معي فلوس يمديني عليه باذن الله،
عنود : وانا معي بطاقة غرور وما راح نكون بحاجة اهلها ،
محمد سكت بهدوء وهو يجلس جنبها ويحرك رجوله بتوتر ،
-
جاسر رفع نظره وهو يشوف كلهم قاعدين يبكون في الصاله ،
ام فيصل فزت من شافته و ركضت له : شصار على ابوك؟
جاسر تنهد : ماني عارف رسلت فيصل مع نايف يشوفون المحامي سلطان و يتكلمون معه بالامور ،
هنادي صدت عن جاسر وهي تبكي والمنديل بيدها ،
جاسر جلس بهدوء وسلمان معه ياكل من الجوكليت ،
و رفع نظره وهو يشوف هنادي تبكي وصدت وجهها عنه ،
جاسر بهدوء : راح يطلع ماراح يصير فيه شيء ،
هنادي بدموع : ليه سويت كذا! وش استفدت !
جاسر بصدمه : انا وش سويت!
هنادي : هو بالسجن بسببك وبسبب..وصدت تبكي،
جاسر عقد حواجبه : وبسبب من! تقولين غرور!
هنادي رفعت نظرها : مو غرور لا تتوقع مني اني غافله زي ابوك عارف انك تزوجت من صديقته واعرف امها وعلمتني بعد ،
جاسر سكت بصدمه وهو يطالع فيها وقرب منها وهو يجلس جنبها ونطق : تكفين قولي فين غرور اكيد تعرفين!
هنادي صدت : لا تسالني عن شيء ،
جاسر بهدوء ولاول مره نطق : تكفين عمتي ،
هنادي رفعت نظرها بصدمه تشوفه لاول مره يقول لها عمتي،
وترك كل كبريائه و حقده لاجل غرور فقط ،
جاسر اخذ نفس وكمل : اموت بدونها ي عمتي والله اموت ،
هنادي بهدوء : لا تقول كذا وانا معرف عنها شيء والله ،
جاسر صد بقهر ونطق : فين راحت! فينها !
هنادي قامت ونطقت : الحقني ، ومشت تلبس عبايتها ،
جاسر عقد حواجبه يطالع فيها ،
-
جاسر وقف مع هنادي الي تدق الباب بقوه ،
ام غيث مشت وقفت ونطقت بصراخ : مين مين ،
جاسر بحده : افتحييي الباب ، ام غيث انصدمت وعرفت صوته ومشت وهي تلبس عبايتها ومشت طلعت وفتحت الباب ،
هنادي رفعت نظرها بحدها : راح ارميكِ انتي وبنتك بمكان ناهل،
ام غيث بصدمه : هنادي!!
هنادي : اي انا وش كنتي متوقعه انه ولد ناهل خلاص ما اعتبره ولدي! و اوقف معك !
ام غيث بسخريه : اوه نسيت زوجك رميته بالسجن ،
جاسر ضرب الباب بقوه بيده : حدكككك!
ام غيث : ايش الي حدك! سمعت انك كنت تكره زوجة ابوك وكانت تشتكي لي عنك ، والتفتت لهنادي : ولا نسيتي!
هنادي ابتسمت بهدوء : تطمني ما نسيت ،
والتفتوا من وقف سيارة غيث وهو مصدوم ونزل وهو يناظر فيهم ونطق : شصاير ؟
جاسر مد له الاوراق : ابد تفضل اوراق الطلاق ،
غيث فتح عيونه بصدمه : طلاق ايش؟
جاسر ابتسم والتفت على ام غيث : ما علمتي ولدك؟
ام غيث بتوتر : غيث ادخل وعطني هالاوراق ،
جاسر هز راسه بالنفي : اختك تزوجت مني عشان كم قرش و شبعت بطنها وبطن امك بعد اسال منها ،
غيث التفت يطالع بامه بصدمه ،
هنادي ابتسمت وهي تشوف نظرات ام غيث الي مصدومه،
هنادي : اي مثل ما بنتك سوت ب غرور وهي كانت صديقتها حتى انا رديت لك نفس الشيء و مكان ناهل بنتك تروح فيها ،
وصدت وسحبت شنطتها وهي تمشي ، جاسر ابتسم بسخريه و لحق هنادي و ركبوا السياره ، رن جوال جاسر وناظر للرقم عمته يتصل من فتره لكن ما يرد عليها ،
غيث وقف قدام امه بصراخ : وشششش الي سمعتهه!
ام غيث التفتت وهي تشوف ريهام كانت واقفه تسمع من ورا الباب ونطقت : جاوبي لاخوك ،
غيث دخل البيت وقفل الباب بكل قوته وهو يطالع فيهم والتفت لـ ريهام ومسكها من شعرها : جاوبييي ايش هذا!
و رفع الاوراق يوريها ونطق بصراخ : ابوي يدري ولا لا!
-
جاسر التفت على هنادي : من متى تعرفينها؟
هنادي : لما جت في ملكة غرور تعرفت عليها واخذت رقمي،
جاسر : امداكم تعرفون بعض و تصيرون صديقات؟
هنادي هزت راسها بالنفي : لا بس كانت تدري انك تكرهني و هي توقعت اني اوقف معها بكل شيء ،
جاسر هز راسه بسخريه ونطق : ما اكون جاسر ان ما وريتهم نجوم الليل بالظهر ،
هنادي اخذت نفس : الحين كيف تعرف غرور فينها؟
جاسر تنهد : ادورها بكل مكان ولو انها داخل الارض اطلعها ،
-
نايف بقهر : جاسر السبب في كل شييي ،
فيصل : نايف يكفي جاسر ماله دخل !
نايف : ليه سكت و رضى ابوي يتدخل بالموضوع! اذا هو ميت على زوجته يتحمل مصايبها بنفسه ،
▄▁▁▁ // // ▁▁▁▅ـ
BY عالم القصص والروايات 📚
Share with your friend now:
tgoop.com/ahgeel/114182