tgoop.com/ahgeel/11679
Last Update:
📚عـ(القصص)ـالـ(والـروايـآت)ــم📚
💜ــ روايــ(اليــوم)ــة ــ💜
📚 #اريــد_ان_اعيش #روايـة_نور
#البــ(الـ②)ــارت
ا🎶🎶🎶🎶🎶🎶🎶🎶
نور ...
نمت ودموعي ترست وجنتي وحتى مخدتي احس تبللت .. شكد احبه ياربي مالي حق بي ابد .. لزمت التليفون .. اتصل بي ماكو مايشيله ..
بعثت اله مسج .. حبيبي ليش تزعل مني اني ماالي ذنب هو ابنك مو بس ابني .. ارجع باجر .. فدوه مشتاقه الك هواي خليني اخذ منك جرعه ولو صغيره مااكول اشبع منك لان يومين ميشبعني .. بس اخذ منك جرعة حنان وحب اذا تحبني ارجع لتروح زعلان مني ..
صار الصبح .. كالعاده شغل وجهال ..
يسر بس يبجي وحلا جانت مريضه ماخذه شويه
برد ........
رحت للمطبخ كلت بلكي اسويله اكلات حلوه
ارضي عني .. سويت دولمه .. وزلاطه وطبخت تمن ومرگ باميه ..
وكل هذا وايد لامي مريضه وايد لحلا بس تتعيقل
طفله ومريضه
ويسر نوبه على ايدي نوب انومه نوب
ارضعه وغير الغثيان والدوخه العندي زين و مني للساعه 1خلصت شغل وطفيت على الاكل
طبيت للحمام على نومة يسر ..
سبحت وطلعت صليت و رتبت نفسي
بلكي علاء يجي
جيكت الفون .. دازلي مسج اجي على الغدا
استبشرت خير بالمسج
خليت مكياج خفيف ولبست برمودا ازرگ ووردي
مفتوح من الاكتاف ..
غديت الجهال وامي والكل نام
واني بقيت انتظره
للساعه 2يلا اجه .. استقبلته يم باب الصاله
ها حبيبي وبوسته
علاء - هاا شطالعه حلوه صاكه
نور - صِـدُك خو مزعلان مني
علاء - خلص حبيبي سدي الموضوع الي صار صار
گرصتها من خدها .. وين الكل اشو صنطه
نور - حياتي الكل تغدو ونامو بس اني وانت
تريد اصب غدا .. ومحوطه ايديه على رقبته
وادلع
علاء - لا اريد اتغده منج .. بس ها بشرط متكولين على كيفك ومن هالحجي خزرتها
نور - هههه لا مااگول اهم شي ترضى ..
بعدها تغدينه .. وظل يعيب الدولمه موكلش لاچعه
ومابيهه حموضه
البانيه ..اصابعها ذايبه وانت تدرين بيه احبها
صبع صبع موذايب
عيني انت استاذه بس بالزلاطه مومال هيج
طبخ .. هبط معنوياتي ولو شايفني شون
كملت شغلي مجان هيج حجه بلعت لساني
وسكتت كلت هنه شكم ساعه حيبقى يمي
ويروح مااريد اكدر عليه خلي شمايحجي
يلا زين من عجبته الزلاطه
بقيت ايدي على قلبي خاف يجيب سيرة
طبخ امل وانقهر كلش واتأثر بس مگال
الحمدلله...
اني من صدك فاشله بالطبخ ..
گعدنه نسولف وگتله اني مقدمه على تعيين
بس ممنتبهه مگايله اله قدمت على النت
بشركة النفط
علاء -اي عادي اني معندي مشكله بس انت
شون حتدبرين وضع يعني حامل والجهال زغار
واني مويمج دوم
نور .. اني بقلبي گلت اكيد اني مدبره حالي بدونك
هي ماادبرها يعني .. بس اني اتخذت من مبدأ اللامبالاة اساس لراحة قلبي
مااحجي وكلشي اضمه بقلبي
بس ماادري شوكت راح ينملي هالقلب
كومه حجي اخبي ومااكدر احجي
المهم جاوبت
گتله تدبر حبيبي وله يهمك امي موجوده
ورقيه وروى هم ماتقصر والله ....
بس المهم اساعدك ولو بشي بسيط
علاء - بس والله يرادلها حظ ولو واسطه
بعد اضبط
نور - اي حياتي .. احلام گلتلي حماهه
يشتغل هناك واضبارات التعيين تصل يمه
بلكي يگدر يساعدني ..
كملنه كلام احس الوقت
يمشي بسرعه من يجي مدداشبع منه .. ابد
يوم ثاني بقه نايم .. لل1الظهر لان سهرنه وطولت
سهرتنه ..
بعدها كعد اكل لگمته وسبح وبدل
وصار موعد رحلته للعماره
احسه كاعد على نار متشوق يروح ينتظر صديقه
يطلع ويا .. گال اووو تأخر هذا
گتله متشوق تروح الهه مو ؟؟
علاء - ههه شنو تغارين
نور .. لا مو عن اغار بس من يصير موعد جيتك
النه هم تتشوق هيج ..
تقرب مني .. وگال اثنينكم زوجاتي وباسني من خدي
واثنينكم امهات اولادي
وبوسني من الخد الثاني وگال بطلي الغيره
واخر شي بوسه على شفتي
حوطت رقبته بأيديه گتله :- امل هم تغار
علاء :- ولج امل ماكو مثلها . احم
نور :- لم اصابعه وخلاهم على حلگه وگح
وكمل كلامه وهو يلعب بشعري
كال اسف حبيبي بس امل فقيره وحبابه
ومتدخل بشي عدها غايه وحده واشر بإصبع
الابهام وهي رضاتي ..
گتله ليش اني شسويت حتى مداارضيك
اشو دااحاول
علاء :- ليش تاخذين على نفسج اني مدااقارنج
بيها .
كل وحده منكم الهه مكانه خاصه عندي وانت من قبلتي بيه تعرفين متزوج وهسه جيبي
الجهال ابوسهم قبل لااطلع
نور : - گتله ماشي .. عفته وطلعت
شكد يحبها ويكولون مالحب الا للحبيب الاول
اشو اني حبه الاول
معقوله ميحبني اوف رحت لغرفة امي
ورقيه يسر يمهم جان وحلا نايمه
اخذت يسر وديته اله بوسه وكال ماالحك
اشوف حلا .. اخذ جنطته طلعت شمرت وراه ماي ويسر بيدي
شفته ابتعد عن مجال رؤيتي
دخلت مثل كل مره مقهوره
كلش احس روحي انتزعت مني وراحت الامل
هنيالج امل .. اغلب ايام الشهر هو يمج
اذا ماطلع الي تعيين اخلي ياخذني
اروح ويا مدااتحمل
اني واكفه بباب الصاله صافنه ولازمه يسر
قطعت افكاري رقيه كالت حلا تريدج
رحت الها . سويت الها كمادات .. وانطيته
دوه ..
بالليل .خابرتني احلام ..- ولج حيدر يكول
طلع اسمج بالتعيين.
BY عالم القصص والروايات 📚
Share with your friend now:
tgoop.com/ahgeel/11679