tgoop.com/ahgeel/11684
Last Update:
📚عـ(القصص)ـالـ(والـروايـآت)ــم📚
💜ــ روايــ(اليــوم)ــة ــ💜
📚 #اريــد_ان_اعيش #روايـة_نور
#البــ(الـ③)ــارت
ا🎶🎶🎶🎶🎶🎶🎶🎶
.. يحجي واني مصدومه ..
قاطعته هالدرجه تحبها هي بس حجايتين
حجيتهم عليهه هيج تطلكني علمود كلمه
علاء .. غلطانه يمج بكرباج هي وتحجين
عليهه
نور .. ماخذتك مني
علاء .. ابني مريض وتعبان وعمليته باجر
وانتي جاي تتفيكين وتتعيقلين براسي شتعرفين عن ضروفي
وتحجين هيج
نور .. ليش انت تحجيلي تشكيلي حتى اقدر ضروفك
اواسيك
علاء .. المهم مااريد احجي حجي يضوجج
جيت ارتاح يمج تكوليلي حامل
مية مره كتلج ديري بالج
بعد تريديني اجي بس اجي يمج تحبلين
نور ..هسه اني حامل. اذا اجيت راح احمل فوكه
علاء .. كافي مو گتلج روحي لتخليني احجي حجي
يضوجج بعد اكثر تره مالي خلكج
نور. ... اكثر من الحجيته شتكول ماعاد يهمني روح معافه مشافه ابنك ان شاء الله ميشوف شر وسديته بوجهه وقفلت الفون حاجيته بكل هدوء واحس ماعندي اعصاب ولاكدر حتى اعصب عليه نوب كعدت افكر بابنه ياخطيه اني هم ام الله يساعد قلبه هسه محروك عليه كعدت ابرر كلامه الي ولاكانه حجه حجي يسم البدن .. شكد فطير ياكلبي
الخطأ مو عليه لما خاب
ظني بي، بس الخطأ
عليه لما انطيته فرصه ومااصررت ع الطلاق ورجع يقلل من قدري .
اخر شي
كعدت ابجي .. وماادري شنو احساسي
ماعندي احساس مجرده من كل شي
داخلي فارغ وموحش بس دموعي تحركني
اي تحركني وموكادره اعرف ليش
بعدها كلت بعد مااعاتبه ولااكوله ليش
متجي يولي
هو وضميره .. بس شون حتخلص
وهم يجي يوم وابطل احبه ماادري سؤال
باقي ويايه ياكل ويشرب بروحي
شون اليمته حيبقه مهمل بحقي وبقيت افكر واعتب
على نفسي بدال مااعتب عليه
لازم تتحملين نور لازم لان انت قبلتي بي
حتى قبل ان تعرفين وضع وحالة زوجته قبلتي بي
وماانطيتي فرصه لنفسج كعد يسر يبجي شنو حبيبي هم تحس بابوك شيسوي بيه رضعته ونام ونمت
علاء .
اني جنت احب نور بالبدايه. وعشت وياهه اول قصة حب بحياتي ..
وكتلها .. اسوي كل شي على مودج حتى امج
ناخذهه ويانه
هي مقبلت ضوجتني ووافقت على محسن
وشفتهه بعيني لابسه اله البدله
لفقت على محسن سالفه وكتلها ياخذ مخدرات
وهو بالحقيقه بس يشرب مياخذ مخدرات
مسمعت هالشي عنه ..
من طلع تعييني بالعماره رحت البيت اختي
وشفت هناك امل
بالبدايه .. جنت اريد اتزوجها لان استحيت من اخوها
وياهم بالبيت اني واخته موجوده
لان امكانيتي محدوده مااكدر اشتري بيت او أجر
شقه
ماانكر عجبتني مو كشكل وانما فقيره وحبابه
ومتعترض على اي شي كله صار وحاضر
مرضها اثر عليه وصارت عندي حاله
مكدر اسيطر على نفسي ورغم كل هذا احبها احس
مسحور بيها
اهلها ياخذوها للشيوخ والساده يعالجوها وصارت
حامل لان تقربت الها .. تحت تأثير التخدير
حالتي الي وصلت الها بسبب مرض امل خلتني
ادور عن شي يخليني افرغ حاجتي البداخلي
شفت نور گبالي وصايره حلوه بشكل موطبيعي
مهتمه بنفسها حيل
بحثت عنها وسألت وعرفت ان هي لسه مو مرتبطه
بأحد ابد ..
وبعدها باقيه على حبها الي
ماانكر جانت نيتي وياهه سوء وردت اتزوجها بالسر
بدون علم اهلي واهلها بس هي رفضت
وبقت امل على حالتها
وبقيت اني
ونور گبالي
قررت اتزوجها ومن اجي لاهلي عود امر الها
واقضي وياهه فترة اجازتي
تزوجنا وصار عدنا حلا وبعدهه بغلطه صار يسر
ونبهتها وهي دلوعه يأذيني الحب المانع
ومن هالحجي واني مااصدگها واحس بيها
تريد تخلف حتى تربطني يمها ..
بس اني بالفتره الاخيره امل صارت زينه وامراه كامله واكدر اتقرب الها بس ماحجيت لنور هالشي
مااحب احجي كدامها اي شي يخصنا
وحتى بنيت النه بيت وهم ماكلت لنور
لان مااريد مشاكل اذا اجيبها يمي
وهذا حال كل الضراير
والقلب ميكدر ميفضل شي
فاني افضل امل لان مطيعه
ومافد يوم اعترضت على شي
وشي بداخلي يخليني احبها ماادري ليش وحتى حمودي لان مريض اله مكانه خاص عندي
نور .. هم زوجتي وهم احبها بس افضل امل عليها
والطريق بعيد ماكدر اجي هوايه هناك امل وحمودي وعندي مسؤؤليات اثنينهم مرضى ولازم اهتم بيهم
نور متحتاج هوايه اهتمام مثل امل لان مابيهه شي
مو يكولون مريضكم حتى يشفى وصغيركم حتى يكبر هي نفس الشي ..
طبخ امل احلى طبخ مويكولون قلب الرجل معدته 😙اما نور مافالحه بس بالزلاطه ..
نور ... كعدت الصبح .. عندي آلام ابطني ..
وروحي لعبانه احس تريد تطلع
والله مابيه اداوم
بس لازم اقوي نفسي اذا جنت غايله ايد وحده من علاء... البارحه غسلت ايديه الاثنين من گلي اطلكج
يمه كل شي ولااطلك شراح تحجي عليه الناس
📚ــــــ//ـــــ//ـــــ//ـــ📚
📚 روايـ_وحكايات_ــات @ahgeel 📚
📚 @hkauat 👈الارشـــيــف📚
📚ـــــ//ـــــ//ــــــ//ـــــ📚
واولهم زهره تتشمت بي
كل مره تجي وتجيب مرة محسن وتكول يا بعدج
هنا ابيت اهلج ماعرف الافندي مالتج يحطلج بيت
اني اكول الها لا. اني اريد ابقه اليم امي منو الها
هي تطكها ضحكه
ابقه هيج احسلي
رحت للمطبخ
BY عالم القصص والروايات 📚
Share with your friend now:
tgoop.com/ahgeel/11684