tgoop.com/ahgeel/11687
Last Update:
📚عـ(القصص)ـالـ(والـروايـآت)ــم📚
💜ــ روايــ(اليــوم)ــة ــ💜
#روايـة_نور #اريــد_ان_اعيش
#البــ(الـ④)ــارت
ا🎶🎶🎶🎶🎶🎶🎶🎶
نور ...
رغم كل الوجع الي حسيته بسببه
بلحظتها ردته يمي
وجوده يحسسني بالامان يقلل عليه الوجع
السبب لان احبه وواثقه من احساسي
رغم لا من جبت حلا يمي ولا يسر كله وحدي
من يتمرضون كله وحدي
المهم .. نزفت ودخلوني للصاله .. واني ميته
خوف واهمس باسمه علاء علاء محتاجته
بس هو مو يمي ولا يعرف بيه وشديصير الي
حيدر ...
اني حيدر عمري 34سنه مطلق .. ومعندي اطفال
خريج معهد نفط .. وموضف نفط ..
بيتي وحدي .. زوجتي تركتني لان ماانجب ونسبتي صفر ..
عالجت هوايه ماكو ماصار ..
ضلت تتحجج وتندب حظها العاثر وسيرة الاطفال ميوكعون من لسانها
واني هم عندي احساس ..
كعدت وياهه بفد يوم .. وحاجيتها وكتلها اني
هي حالتي تحبين تبقين ويايه اني خلص
مراح اعالج بعد تعبت
واذا تحبين ننفصل وكل حقوقج اخذيها
لان تعبت من تذمرج ..
جان اختيارهه الانفصال وانفصلنا .. وكلمن راح
بحال سبيله ..
اما اني صمت عن الزواج وماافكرت بي بعد ابد
بفد يوم جتي احلام مرت اخويه وگالت صديقتها
او هي جانت اخت طليقها السابق وبعدهم محافظين
على علاقتهم .. وممتخاربين هي وياهه
مقدمه على تعيين يمكم وتريد منك
مساعده .. كتلها ماشي
اني قريت اسمها .نور والمعلومات عنها متزوجه
ماادري كل شويه اوصي عليهه احد
حتى زهگوا مني ويكولولي منو هي نور
شتصير منك كتلهم مااعرفها ولاشايفها بس موصيني
عليها
رغم كلش اكره سالفة الواسطه بس بهي
ماادري ليش وافقت اتدخل ..
شفتها جايه وي اخوهه وهم ساعدتهم
داومت نور .. واشوفها تجي وتصعد بسيارة الشركه ويانه
بفد يوم شفتها تتألم سئلتها مجاوبت كلت يمكن تستحي
خابرت احلام .. وحجت وياهه عرفت حامل
رحت صحت موضفه ويانه موبس موضفه وانما صديقه
وكلش حبابه ..اخذنا سياره من الشركه .. ووديتها
المستشفى خاص هواي انقهرت عليها واهتميت الها ..
دخلناهه للفحص طلعت ام ايمن يمي ننتظرها
بس ماطلعت .. نور
اجت الممرضه باوعتلي كالت شبيك جايب زوجتك
بتنوره وقميص وهي عدهه اسقاط حمل روح جيب الهه ملابس وصحيات لان عدهه نزف ودخلت
باوعتلي ام ايمن وضحكت كالت وهي فاولت عليك بالزواج بلكي تتزوج
اني ضحكت ورحت ويا ام ايمن نشتريلها ملابس
امشي واني مقهور على الطفل عبالك ابني الي وكع
جبنه الها ملابس .. وخابرت احلام اجت هي واخويه وراحت ام ايمن بسيارة الشركه
نور .. خلصت من العمليه وطلعت شفت احلام يمي
من شفتها بجيت وبقيت احجي بدون وعي احلام وكع ابني كله من علاء مجان يريده ويعيرني بي
حضنتني وتواسيني
طلعنه واني كلش خجلانه من حيدر ..
من شافني كال حمدلله على السلامه
كتله بصوت واطي الله يسلمك
دخلنا للسياره واني ابجي ولازمه بطني مهما يكون
بس ابني هذا ومااردته يوكع
احلام كالت خلي يرتاح علاء افندي مو جان ميريده
خلي يفك هسه
حيدر ..سمعت احلام وعرفت زوجها ميريد الطفل
حاجيت نفسي سبحانك ربي لااعتراض على حكمك
على كولتهم ينطي جوز للي ماعنده اسنان ..
نور .. فشلتني احلام كتلها فشلتيني يمكن سمعوا رجلج وحماج هزت ايدها معاجبها
رجعنه للبيت اجت امي خايفه كلش كعدت بالكاع شبيج يمه شصار
كتلها مصار شي يمه سقطت الحمل لتخافين
كعدت بالكاع كوه تتنفس تمددت على السرير
اني واباوع الها اجت حلا لزمت خدهه اتلمسه
ونزلت دموعي ..
اباوع يسر نايم بفراشه حبيبي صار عمره 8اشهر
احلام جابت كلاص مي لامي شربت
وظلت تفرك بصدرهه
لشويه دك فونهه طلعت
وراها رجعت جايبه صينية اكل مشاوي مشكله
كالت هي جابهه حيدر ورجلي راحوا العصر يجي عليه
كتله اكولج احلام المستشفى خاص مو ؟
احلام .. وهي دتحضر الاكل بالكاع جاوبتني اي
نور -منو دفع المبلغ
احلام -حيدر دفعه
نور -تره فشله اني معبالي رح يودوني المستشفى اهلي
احلام - هههه تره حيدر بخيل بس مدري شعجب وداج لهيج مستشفى
نور-لاصدك ممبين عليه بخيل ...
احلام - المهم حتى تاكلين لان نزفتي هوايه وهذا رجلج لتخابري خلي هو يخابرج
خلي يحس بيج
نور - سكتت ومن صدك ماخابرته
تالي كتلها كولي الحيدر شكد المبلغ حتى انطيهيا
احلام -ماشي يلا
نور - خلت وره ضهري مخاد تكتني وظلت تنطيني لقم اكل ..
كل شويه اجيك الفون معقوله علاء ميحس بيه اني شيصير الي هو هذا هم حب
لعد ليش اني احس بي من يصير اله شي .. معقوله ميحبني
نمت شويه كعدتني احلام كالت .. رايحه اني شويه وتجي روى وناظم اخوج توها خابرت
كتلها روحي مقصرتي
للعصر اجه محمد اخويه لان هو رجع هنا وتزوج واخذ ابنه علي الي هو نفسه ابن احلام ويا .. وزوجته هم جتي ويا ..
وراها اجت روى وسوو العشا وگضن شغل البيت كله
من ملابس وتنضيف
كلت الحمدلله من طلعت منهن
صار الليل ترخصو كالوا نروح نجي بغير وكت
كتلهم روحوا اني مبيه شي هسه اكدر اكوم
وهذا كله وعلاء ماكو مااتصل امي تعبانه ونامت
يسر يبجي كمت كوه عليه بدلت اله الحفاظ
سويتله
BY عالم القصص والروايات 📚
Share with your friend now:
tgoop.com/ahgeel/11687