tgoop.com/ahgeel/11712
Last Update:
📚عـ(القصص)ـالـ(والـروايـآت)ــم📚
💜ــ روايــ(اليــوم)ــة ــ💜
#روايـة_نور #اريــد_ان_اعيش
#البــ(الـ⑧)ــارت والاخيـرة
ا🎶🎶🎶🎶🎶🎶🎶🎶
نور ... مو بس انصدمت وانما انقرفت .. گتله نعمممم انت صدك ماتستحي والله موصوجك صوجي اني الي كاعده يمك .انت منو كلك اني اريد اتزوج اصلا منو مجذب عليييك اريد اتطلك ايي بس مو معناهه اريد اتزوج . كمت من يمه بوقتها تمنيت عندي الجرأه اكثر اتفل بنص وجهه .. اخخ مني رحت لمكان شغلي اتمنى يخلص الدوام وارجع للبيت اخابر علاء
اي اريده حبيبي .. صرت احاجي نفسي ليش هسه صار حبيبج .. من جان يتوسل بيج ارجعي الخاطر اطفالج .. ليش هيج نور ليش ماكو امان الدنيا صارت غابه ..والناس وحوش كلمن يدور عن فريسته
كعدت صافنه شسويت بروحي اني ميلتام علاء اذا گال عني دلوعه اني من صدك دلوعه
نوب اسمع الموضفات اثنين يحجن
سمعتي شصار بام مصطفى
لا خيه شصار
عيني هذا رجلهه سكير ويجيب نسوان ليليه على فراشها
ياا صخام
اي شعبالج وهي متحمله الخاطر اطفالهه
اي يمعوده يضيعون الجهال بلا الام
نوب يضربها ويموتها ضرب ويطردهه بالشارع بنص الليل
نور -اني صافنه واتسمع الحجيهن اووف حالي ارحم اني من هوايه نسوان شون اضيع جهالي وزوجي نوب هذا حيدر يكول خليهم يم ابوهم .. واحلام تكول هو يتكفلهم شون يردون يجرجروني لامستحيل اني ابوك طفل من علاء وانسبه لغيره شنو هذا بس يفكر بنفسه شكد حقير يريد يستغلني .. ويستغل ضروفي
رجعت للبيت وانتظر الخميس يجي بفارغ الصبر حتى اشوف علاء وارجعله ..
صرت مااشتهي اداوم كلش كوه عليه ..
اجه الخميس وصار العصر صار المغرب صار الليل وعلاء ماكو مااجه ابد ..
صرت اعظ بأصابعي شون ضيعتك علاء متعوده عليه كل خميس يجيبهم الي هالخميس شبي مااجه
الدنيا ليل شون اتصل بي .. هم مترهم اووف تصرفي الاخير خلاني اعتبره غريب شعور مينوصف الي حبيته سنين هيج .. اضيعه بساعة طيش وشيطان
مااتحملت خابرت احلام
الووو لج احلام انت شحاجيه يم حيدر عليه هذا شون يتجرأ ويكولي هيج
احلام .. شبيج نوره شبي حيدر
نوره .. يريدني انسب اله طفل من علاء
انت شنو كايلتله تره اني مكتلج اريده او اريد اتزوجه عفت رجلي صح عفت جهالي هم بس مو معناهه افكر اتزوج
احلام ..لعد شون توكفين يمه وتسولفين ويا
نور ..اسولف ويا كزميل ويايه بالشغل وبس مواعدته ولا سولفت ويا حب وغرام .. خوووش حاجي بعد ليتعرضلي ابد خووش وسديته بوجهه
الليل كله گضيتها بس ابجي والوم بروحي شون كدرت اعوف جهالي
شون كدرت افكر اعوف علاء .. حب حياتي
بس هو قصر ويايه يجيني بالشهر مره
اي صح بس اخر ايام لان ابنه مريض
ولاانسه هو بنه البيت وكذب عليه واخذني اله واني انصدمت كلش انصدمت اثر على نفسيتي
اوف صرت احاجي نفسي ..
واحس جن حلا متمدده بالغرفه ونايمه ويسر ديبجي صوته بأذني اووف يربي شيجيب الصبح شيجيبه
الليل كله نمت بس ساعتين اني كعدت الصبح رأسآ
للتليفون اخابر علاء مغلق تليفونه ...
للظهر اني اتصل هو مغلق الي بالبيت صارو ينتبهون عليه شون متوتره
روى .. شبيج نور اشو متوتره
نور ... اتصل بعلاء مغلق ومتعجبه هالاسبوع ماجاب الجهال الي
روى .. خاف عنده شغل وماكدر
نور .. اي بس ليش ميجاوب عليه
اباوع لنضرات روى كانها تكولي هسه متحسفه على جهالج .. ورجلج ... حتى امي نضراتها هيج تكولي
مااتحملت كلبي يكولي صاير شي ..
رحت للغرفه لبست عبايه واريد اطلع رحت للمطبخ امي وروى وجهالهه .. عدهه بنت وولد
كتلهم رايحه لاهل علاء
ام نور .. شتسوين رايحه
نور .. خايفه لاصاير شي بيهم رايحه اكيد هم يعرفون علاء مو من عوايده يغلق تليفونه ...
روى ... انتظري ناظم هسه يجي يوديج
نور ..لا اني رايحه بسرعه اجي ..
عفتهم وطلعت الطريق كله ادعي ماكو شي كون صاير الهم كلبي صار طبل من كثر الدك
وصلت البيتهم ..دكيت الباب .. طلعت هدى مرت اخو
سلمت عليها دخلت جوه كتلها اشو اتصل على علاء مغلق من يومين شكو صاير شي
هدى ..ليش ماتعرفين
نور . لااا كولي هدى ظل بالي كلش عفيه
هدى.. ابنه حمودي مات خطيه
نور .. صخاام ولطمت خدي صدك
هدى ..اي والله
نور ... اني بلحظتها حييل انقهرت طبعا وداافكر بعلاء ووضعه شون تقبل الموضوع كتلها لعد عمتي وين كالت راحت اله الهناك كتله خوش لعد اروح اني مشكوره
اي شخص اشوفه احس ينتقدني ع السويته باطفالي بدون ميحجي احس اني
وصلت البيت اخويه مثل المفجوعه ودموعي بعيوني تمنيت نفسي يم علاء واواسي
حجيت لامي وروى انقهروا عليه
اجه ناظم كتله عفيه وديني الهم مدام بعد وكت
هسه
كال ميخالف اي لازم اتروحين توكفين ويا رجلج
اجرنا سياره وطلعنه علما سئلنا على المنطقه يلا حصلناهه لان منندل واني مااعرف بس اسم المنطقه
وصلنا للبيت دكينه الباب طلعت النه اخت علاء طبتنا بغرفة الخطار .. بس وجه ثكيل عليه بقينه كاعدين ربع ساعه .. محد اجه رحت للمطبخ شفت اخت علاء كتلها وين علاء وين الجهال كالت شسوين جايه انت بعد وظلت تحجي عليه هي كبالي وراهه اجت حلا
BY عالم القصص والروايات 📚
Share with your friend now:
tgoop.com/ahgeel/11712