tgoop.com/ahgeel/14631
Last Update:
📚عـ(القصص)ـالـ(والـروايـآت)ــم📚
💜 @ahgeel 💜
📚ارشـ(الروآيآت)ــيف📚
💜 @hkauat 💜
*ــــــــــــــــــــــــــــــــــــــ*
عنـوان الروايـــة📚
#النصــيب 👌
#الفصــ(الـ③)ـل والاخيـر
ا🎶🎶🎶🎶🎶🎶🎶🎶
__.
.
أبتسمت وقلت بس يااباه اشتي اكمل دراستي وبعدين على الله ، ابي استغرب من ردي وبرودي : ماتشتيش تعرفي من هو طيب !!
انا اتذكرت رائد وحسيت بضيق واني مقدرش اكون لشخص غيره ولا حتى مهتمه من ممكن يكون اللي أتقدم لي بس سألت ابي من هو؟ وأنصدمت وحسيت الدنيا تدور لما عرفت انه رائد .. كيف رائد وهو اللي بعد عني وتفلتني وقنع مني !!! كييييف؟ كنت أتخبط وحاسه راسي بينفجر ماعرفتش افرح ولا ازعل !! ابي كان خارج ولفت لي وقال بأبتسامه فكري براحتك يابنتي انا مابغصبكش على شي ولما تقرري ردي لي خبر .. دخلت سناء تشوفني وعلى طول رحت أكلمها باللي حصل وهي كانت تتفرج لي باستغراب وبس ..! *
مرت أيام ع الموضوع وكنت متردده وأمي كانت تلحق بعدي ملاحقه عشان أوافق ...
ولما اجت خالتي عندنا وطلبت مني اروح الغرفه نتكلم انا وهي ، طبعاً رحت وكنت عارفه بتفتح لي موضوع رائد وأيوه فتحت موضوع رائد وحاولت تقنعني وتخليني أسامحه وذكرتني بأيام زمان كيف كنا وحسيت إني مهما حصل مااقدرش اتخلي عن رائد بس ماقلتش لخالتي إذا موافقه او لا ..
.
بالليل كنت جالسه اتكلم مع سناء بالغرفه وأسمع كلامها ونصايحها .. وسناء شجعتني أوافق وانسي اللي حصل معانا آخر فتره ، ووصلتني رساله من رائد نستني كل دمعه نزلت من عيني بسببه وكل وجع حسيته بسببه وكل ضيقه كانت بسبب وذكرتني بأيام زمان ايام حبنا الصادق ، النقي . ( كان كاتب لي فيها كل ذكرياتنا الحلوه وطلب مني أسامحه ونرجع لأيامنا الحلوه ).
ثاني يوم الصباح صحيت حاسه بنشــاط وقلبي يرقص من الفرح وحاسه اني باطير من الفرح ، رائد رجع لي وبنكون لبعض !
أبي شافني وسألني : يابنتي دامك رايقه خارجينا وقولي موافقه او لأ
لفت له وأبتسمت : دامكم موافقين انا موافقه ..
أمي فرحـــت ، سناء كانت تشوفني وفرحانه لي واجت حضنتني.............
💜 @ahgeel 💜 👈قنـاتنـــا📚
💜 @hkauat 💜👈الارشيف📚
_________.
.
سناء أستغربت كيف وافقت ونسيت اللي فعله بي ؟ وجلست تسألني بس بدون ماتخليني أتراجع وأرفضه يعني مو فضولها حبت تعرف أيش قال لما خلاني أرجع له...
بدأت أقول لها أيش كتب بالرساله: ذكرني كيف كنا نحب بعض من قبل! وهو يحكي لي بالرساله الطويلة العريضه ذيك رجعني لأيام زمان حسيت اني مقدرش أحب غيره حبيته بسنيني اللي راحت وباحبه بسنيني اللي جايه ، ولما قال مايشتيش يخسرني وبالفتره اللي بعدنا فيها عن بعض عرف اني روحه وانه بدوني مايعيش! كنت كل مااقرأ اللي كتبه احس حبي له يرجع واني بعمري مانسيته ولا قنعت منه وكنت أكذب على نفسي وعلى الكل ولما كتب آخر شي أحبك ، يا سناء هنا نسيت كل اللي حصل بالفتره اللي فلتنا بعض فيها نسيت الايام اللي بكيت فيها وكل وجع حسيته بسببه فرحت لدرجة اني خفت من فرحتي الزايده ! وافقت لاني مقدرش أخسره لانه ماضيي وحاضري يا سناء ، لانه الرجال الوحيد اللي وثقت به بعد ابي ..
كانت سناء تتفرج لي وعيونها ملان دموع وحضنتني ، سألتها اذا خطوبتنا بتتم؟! اذا احنا نصيب بعض ؟ ابتسمت وقالت ان شاء الله ، وشوفي ياسهى إذا مش نصيبك مهما فعلتوا مابتكونوش لبعض واذا مهما فعلتوا وماقدرتوش تكونوا لبعض انتبهي تزعلي ياروحي اوعديني يلا؟ بترضي بكل شي من الله وتحمديه عليه ! .. خفت من كلام سناء بس كنت متطمنه وحاسه كل شي بيكون تمام وقلت الحمدلله دائماً وأبداً وسكتنا...
*
ولما اجا يوم خطوبتنا وطبعاً كنت مبسوطه وكلنا كنا مبسوطين بس كنت عامله حفله بسيطه يعني للأهل ولصحباتي بس...
كنت مفكره ان كل شي بعد خطوبتنا بيكون تمام وكنت مفكره رائد رجع رائد اللي حبيته زمان .. كنت أشوف كل شي تمام بالبدايه بعد الخطوبه بفتره بدأت افتح عيوني وبدأت اركز ع تغيير رائد وطبع رائد وعصبية رائد ، من رائد الهادئ الرحيم الطيب الحنون إلى رائد العصبي القاسي الخ... ! أتغير تماماً حتى حبه لي مش زي قبل ...! رجعت جلست يوم أفكر بعقلي وشفت ان احنا مستحيل نرجع زي قبل رائد كأنه شخص ثاني مش رائد اللي حبيته من صغري ،، طبعاً حاولت معه وعاتبته بس كل مره كان يتضايق من عتابي وانه انا اللي اتغيرت ورجعت هرمه وافعل من الحبه قبه .. فَ صليت استخاره وبعد الاستخاره بيومين رحت جلست مع أمي وقلت لها : أماه أشتي افسخ !
طبعاً أمي جننت وصيحت وايش اشتي بالضبط وووالخ... اما سناء جلست تتفرج لي بصدمــــه..
أبي سمع أمي تصيح اجا يشوف أيش في
أمي قالت بضبح: بنتك تشتي تفســخ!!
💜 @ahgeel 💜 👈قنـاتنـــا📚
💜 @hkauat 💜👈الارشيف📚
_____.
.
بعد هذاك اليوم فسخنا وقنعت من رائد تماماً وعرفت انه مش نصيبي ! ومهما فعلنا مابنكونش لبعض ، حتى لو حبني ويحبني وبيحبني عمره كله إذا مافيش نصيب فَ مافيش والحمدلله ع كل شي وأكيد هذا الشي خير لي .
وعلاقتنا مع خالتي زي ماكا
BY عالم القصص والروايات 📚

Share with your friend now:
tgoop.com/ahgeel/14631