tgoop.com/ahgeel/15008
Last Update:
ﻨﺎ ﻋﺸﻪ ﻭﻛﻤﻨﺎ ﻧﺴﻮﻟﻒ ﺻﺎﺭﺕ ﺏ 12 ﺑﺎﺑﺎ
ﻭﻣﺮﺗﻪ ﻧﺎﻣﻮﺍ ﺑﻘﻴﻨﺎ ﺍﻧﻲ ﻭﻳﺎﻩ ﻭﺍﻣﻪ ﻭﺭﻩ ﺷﻮﻱ ﺻﻌﺪﺕ ﻛﻠﺘﻠﻬﻢ ﻧﻌﺴﺎﻧﻪ ﺳﻠﻤﺖ ﻋﻠﻰ ﺍﻣﻪ ﻭﺑﺴﺘﻬﺎ ﻭﺍﻟﻪ
ﺑﺎﻭﻋﺖ ﻋﻠﻴﻪ ﺻﻔﺢ ﺟﻨﺖ ﺍﻣﺜﻞ ﻋﻠﻴﻪ ﻫﻮ ﻣﺼﺪﻭﻡ ﻋﺒﺎﻟﻪ ﺻﺪﻙ ﺭﺍﺡ ﺍﻧﺎﻡ ... ﺭﺣﺖ ﻟﻠﻐﺮﻓﺔ ﻋﻄﺮﺗﻬﺎ
ﻟﺒﺴﺖ ﺍﻟﻪ ﻣﻼﺑﺲ ﻧﻮﻡ ﻭﺣﻀﺮﺕ ﻛﺮﺯﺍﺕ ﻭﻋﺼﻴﺮ ﻭﺿﻤﻴﺘﻬﻦ ﺗﻠﻔﻠﻔﺖ ﺑﺎﻟﺠﺮﺟﻒ ﺍﻟﻲ ﻋﻠﻰ ﺍﻟﺠﺮﺑﺎﻳﺔ
ﻫﻮ ﺍﺟﻪ ﻗﻔﻞ ﺍﻟﺒﺎﺏ
ﻋﺒﺎﺱ: ﺳﺠﺎﻭﻱ ﻧﻤﺘﻲ .. ﺳﺠﻮﻭ ﺳﺠﻮ
ﺳﺠﻰ:ﺍﻧﻲ ﺟﻮﻩ ﺍﻟﺠﺮﺟﻒ ﺧﺮﺑﺎﻧﻪ ﺿﺤﻚ ... ﻫﻮ ﺫﺏ ﻣﻼﺑﺴﻪ ﻭﻛﺎﻡ ﻳﺘﺄﻓﺄﻑ ﻭﻣﺪﺩ ﺑﺎﻟﺠﺮﺑﺎﻳﻪ ﺍﻧﻲ
ﺩﺭﺕ ﻋﻠﻴﻪ ﻛﺘﻠﻪ ﺭﺍﻳﺪ ﺷﺊ ﻫﻮ ﺗﻔﺎﺟﺊ ﺑﺼﻮﺗﻲ ..
ﻋﺒﺎﺱ: ﻭﻟﺞ ﺗﻀﺤﻜﻴﻦ ﻋﻠﻴﻪ ﺓﻛﺎﻡ ﻳﻀﺤﻚ ﺑﺼﻮﺕ ﻳﺨﺒﻞ ﻭﺣﻀﻨﻲ ... ﻭﻛﺎﻡ ﻳﺒﻮﺱ ﺑﻴﻪ .. ﺍﺧﺬﺕ
ﻧﻔﺲ ﻭﻫﻮ ﻫﻢ ..
ﻋﺒﺎﺱ:ﺩﻛﻮﻣﻲ ﺷﻮﻓﻴﻨﻲ ﺷﻼﺑﺴﻪ
.... ﺍﺭﻭﺡ ﻓﺪﻭﻩ ﻟﻠﺨﺠﻼﻥ ﻭﻭﻭﻭﻭﻭ ....
ﻣﺮﺕ ﻳﻮﻣﻴﻦ ﻣﻦ ﻋﻤﺮﻱ ﻛﻞ ﺣﺒﺎﻳﺒﻲ ﺣﻮﻟﻲ ﺗﻤﻨﻴﺖ ﺍﻟﻌﻤﺮ ﻳﻜﻈﻲ ﻭﻳﺎﻫﻢ ﻭﻻ ﺍﻋﻮﻓﻬﻢ ﻭﻻﻳﻌﻮﻓﻮﻧﻲ
ﺑﺲ ﺍﻟﻠﺤﻀﺎﺕ ﺍﻟﺤﻠﻮﻩ ﺑﺴﺮﻋﺔ ﺗﺨﻠﺺ ﻭﺭﺟﻊ ﻟﺒﻐﺪﺍﺩ .. ﻭﺭﺟﻊ ﻛﻠﺒﻲ ﻭﺣﻴﺎﺗﻲ ﻭﻳﺎﻩ .....
💜 #ﺑﺎﺭﺕ14💜
ﻋﺒﺎﺱ : ﺭﺟﻌﺖ ﻟﻤﻬﻤﺘﻲ ﻭﺍﻟﻤﻬﻤﺔ ﺍﻟﻲ ﺑﻠﺸﻨﺎ ﺑﻴﻬﺎ ﺷﺎﻛﻴﻦ ﺑﺠﻤﺎﻋﺔ ﺍﺧﺬﻧﺎ ﻧﺮﺍﻗﺒﻬﻢ ﻭﺍﻧﻲ ﻛﻤﺖ
ﺍﺩﻗﻖ ﻛﻠﺶ ﻋﻠﻴﻬﻢ ﺗﻮﻟﻴﺖ ﺍﻟﻤﺮﺍﻗﺒﻪ ﺧﻔﺖ ﻻﺍﻇﻠﻢ ﻣﻦ ﺟﺪﻳﺪ ﻓﻤﺎﺍﻋﺘﻘﻠﺖ ﻣﺒﺎﺷﺮﺓ ﻓﻌﻼ ﺷﻔﺖ ﻧﺎﺱ
ﻣﺴﻠﺤﻴﻦ ﺗﻄﺐ ﻭﺗﻄﻠﻊ ﻋﻨﺪﻫﻢ ﻭﺑﻌﺪ ﻓﺘﺮﺓ ﻣﻦ ﺍﻟﻤﺮﺍﻗﺒﺔ ﻭﺗﺄﻛﺪﻧﺎ ﺍﻋﺘﻘﻠﻨﺎﻫﻢ ﺟﺎﻧﺖ ﻋﺎﺋﻠﺔ ﺑﺲ ﻣﺎﺑﻴﻬﺎ
ﺑﻨﺎﺕ ﻭﺍﻧﻲ ﺍﻟﻲ ﺍﻋﺮﻑ ﺟﺎﻧﻮﺍ ﺑﻨﺎﺕ ﻻﻥ ﺳﺠﻰ ﺣﺠﺘﻠﻲ ﻋﻨﻬﻦ .. ﺍﺧﺬﻧﺎﻫﻢ ﻭﺍﻋﺘﺮﻓﻮﺍ ﺣﺼﻠﻨﺎ ﻋﻠﻰ
ﺗﺮﻗﻴﺎﺕ ﺑﺲ ﺍﻧﻲ ﻗﻠﺒﻲ ﻣﺎﻣﻄﻤﺌﻦ ﺍﺣﺲ ﻣﺎﺳﻮﻳﻨﺎ ﺷﺊ ﻭﺍﻟﻤﻬﻤﺔ ﺳﻬﻠﺔ ﻭﻣﺎﻟﻜﻴﻨﺎ ﻣﻘﺎﻭﻣﺔ ﻣﻨﻬﻢ ﻟﻬﺬﺍ
ﻗﻠﺒﻲ ﺑﻘﻰ ﻣﻤﻄﻤﺌﻦ ﺭﺟﻌﺖ ﺑﻌﺪ ﺷﻮﻕ ﺩﻓﻌﻨﻲ ﻟﺴﺠﻰ ﻭﻻﻣﻲ ﺟﺎﻧﺖ ﺳﺠﻰ ﻣﺴﻮﻳﺘﻠﻲ ﻛﻴﻜﺔ
ﺑﻤﻨﺎﺳﺒﺔ ﺗﺮﻗﻴﺘﻲ ﻓﺮﺣﻨﺎ ﺩﺭﺩﺷﻨﺎ ﻭﻛﻠﺒﻲ ﺑﻲ ﻧﻐﺰﺓ ﻣﺎﺍﺩﺭﻱ ﺷﻨﻮ ﻫﻲ ﻣﻤﺮﺗﺎﺡ ﺍﺑﺪ ﻭﺭﻩ ﻳﻮﻣﻴﻦ ﻣﻦ
ﺍﺟﺎﺯﺗﻲ ﻗﺮﺭﺕ ﺍﺧﺬﻫﻢ ﻟﺒﻐﺪﺍﺩ ﺑﻌﺪ ﻣﺎﺍﺗﺤﻤﻞ ﻓﺮﺍﻛﻬﻢ ﻭﻻﺍﺗﺤﻤﻞ ﺑﻌﺪﻫﻢ ﻭﺑﻤﺎ ﺍﻧﻪ ﺍﻟﺨﻄﺮ ﺯﺍﻝ ﺍﺟﺮﺕ
ﺑﻴﺖ ﻏﻴﺮ ﺍﻟﻲ ﺟﻨﺖ ﺳﺎﻛﻨﻪ ﺑﺲ ﻗﺮﻳﺐ ﻭﻓﻌﻼ ﺟﻬﺰﻧﺎ ﺟﻨﻄﻨﺎ ﻭﺭﺣﻨﺎ ﻟﺒﻐﺪﺍﺩ ﺍﻟﻔﺮﺣﺔ ﺑﻌﻴﻮﻥ ﺳﺠﻰ
ﺍﺗﻤﻨﻰ ﺍﺩﻓﻊ ﺍﻟﺪﻧﻴﺎ ﻻﺟﻠﻬﺎ ...
ﺍﻣﻲ ﺟﺎﻧﺖ ﻛﺎﻋﺪﻩ ﺑﺎﻟﺼﺪﺭ ﻭﺳﺠﺎﻭﻱ ﻟﻴﻮﺭﻩ ﺍﻣﻲ ﺗﻌﺒﺖ ﻣﻦ ﺍﻟﻄﺮﻳﻖ ﻟﻬﺬﺍ ﺳﺠﻰ ﻓﺮﺷﺘﻠﻬﺎ ﻟﻴﻮﺭﻩ
ﻭﻧﺎﻣﺖ ﻭﺍﺟﺖ ﻫﻲ ﺑﺎﻟﺼﺪﺭ ﺍﻧﻲ ﻣﺎﺻﺪﻛﺖ ﺍﺳﺘﻐﻠﻴﺖ ﺍﻟﻔﺮﺻﺔ ﻭﺍﺧﺬﺕ ﺍﻳﺪﻫﺎ ﻭﻛﻤﺖ ﺍﺑﻮﺱ ﺑﻴﻬﺎ
ﺍﻟﻄﺮﻳﻖ ﻛﻠﻪ .. ﺍﻟﺨﺪﺍﻣﺔ ﺭﺟﻌﻨﺎﻫﺎ ﻟﻠﻤﻜﺘﺐ ﻭﻧﻄﻴﻨﺎﻫﺎ ﻓﻠﻮﺱ ﺍﺧﻮﺗﻲ ﺑﻠﻐﺘﻬﻢ ﺭﺍﺡ ﻧﺮﻭﺡ ﻟﺒﻐﺪﺍﺩ
ﻋﺎﺭﺿﻮﺍ ﺑﺲ ﻣﻴﻬﻤﻮﻧﻲ ﺑﺲ ﺍﻟﻐﺮﻳﺒﻪ ﺳﻨﺎﺀ ﻣﺪﺧﻠﺖ ﻭﻻﺳﻮﺕ ﻣﺸﻜﻠﺔ ﻋﺠﻴﺒﺔ ﻣﻮ ﻣﻦ ﻋﻮﺍﻳﺪﻫﺎ
.. ﺑﺒﻐﺪﺍﺩ ﺍﻟﺒﻴﺖ ﺍﻟﻲ ﺍﺟﺮﺗﻪ ﺣﻠﻮ ﻃﺎﺑﻘﻴﻦ ﻃﺒﺖ ﺳﺠﻰ ﺧﻄﻴﻪ ﺭﻏﻢ ﺗﻌﺐ ﺍﻟﺴﻔﺮ ﺑﺲ ﻛﺎﻣﺖ ﺗﻨﻀﻒ
ﺑﻲ ﺳﺎﻋﺪﺗﻬﺎ ﻭﻛﻤﻠﻨﺎ ﻟﻠﻴﻞ ﺗﻌﺸﻴﻨﺎ ﻭﻧﻤﻨﺎ ﺗﻌﺒﺎﻧﻴﻦ .. ﻛﻌﺪﻧﺎ ﺛﺎﻧﻲ ﻳﻮﻡ .. ﻫﻤﺎﺕ ﺗﺮﻳﻜﻨﺎ ﺳﺠﻰ ﻧﻀﻔﺖ
ﺍﻟﻲ ﺑﻘﻰ ﺍﻧﻲ ﺭﺣﺖ ﻟﺸﻐﻠﻲ ﻭﻛﺘﻠﻬﺎ ﻣﺎﺗﻔﺘﺢ ﺍﻟﺒﺎﺏ ﻻﻱ ﺍﺣﺪ ﺟﺎﻳﻦ ﺍﻫﻠﻬﺎ ﺩﺍﻛﻴﻦ ﺑﺎﻟﺒﺎﺏ ﻭﻣﺎﻓﺎﺗﺤﺘﻠﻬﻢ
ﻭﻻﻃﺎﻟﻌﻪ ﻋﻨﻮﺍﻧﻲ ﻋﺮﻓﻮﺍ ﻣﻨﻲ ﺩﺍﻳﻤﺎ ﺍﺧﺒﺎﺭ ﺳﺠﻰ ﺍﻭﻝ ﺑﺎﻭﻝ ﺍﻭﺻﻠﻪ ﺍﻟﻬﻢ ﺍﺗﺼﻠﻮﺍ ﺑﻴﻪ ﻭﻳﻨﻚ ﻣﺎﻭﻳﻨﻚ
ﻛﺘﻠﻬﻢ ﺑﺎﻟﺸﻐﻞ ﻭﺳﺠﻰ ﺑﺎﻟﺒﻴﺖ ﺧﺎﺑﺮﺕ ﻋﻠﻰ ﺳﺠﻰ ﺗﻔﺘﺢ ﺍﻟﺒﺎﺏ ﻓﺘﺤﺘﻬﺎ ﻭﺍﻧﻲ ﺭﺟﻌﺖ ﺏ 2 ﺍﻟﻀﻬﺮ
ﻟﻠﺒﻴﺖ ﺍﻫﻠﻬﺎ ﺟﺎﻧﻮﺍ ﺟﺎﻳﺒﻴﻦ ﺍﻛﻞ ﻭﺟﺎﻧﻮﺍ ﻣﻨﺘﻀﺮﻳﻨﻲ ﺍﺗﻐﺪﻳﺖ ﻭﻛﻤﻠﺖ ﻭﺍﻧﻲ ﺑﻬﺎﻱ ﺍﻟﻔﺘﺮﻩ ﻛﻠﻪ ﺍﻟﺨﻮﻓﻪ
ﺍﻟﻲ ﺑﻜﻠﺒﻲ ﻣﺒﻄﻠﺖ ﻋﻨﻲ ﻟﻴﺶ ﻣﺎﺍﻋﺮﻑ ﺩﺍﺋﻤﺎ ﺗﺴﺄﻟﻨﻲ ﺳﺠﻰ ﺷﺒﻴﻚ ﻣﺎﺍﺣﺠﻴﻠﻬﺎ ﺍﻏﻴﺮ ﺍﻟﻤﻮﺿﻮﻉ
ﻋﻠﻤﻮﺩ ﻻﺗﻘﻠﻖ ..ﻣﺮ ﺍﺳﺒﻮﻉ ﻋﻠﻰ ﻛﻌﺪﺗﻨﺎ ﺑﻐﺪﺍﺩ ﻭﺑﻴﻮﻡ ﺍﺗﺄﺧﺮﺕ ﻭﺭﺟﻌﺖ ﻟﻠﺒﻴﺖ ﺳﺎﻋﺔ ﺏ 10ﺍﻟﻜﻞ
ﻧﺎﻳﻢ ﻭﻫﺪﺀ ﺭﺣﺖ ﻟﻐﺮﻓﺔ ﺍﻣﻲ ﺧﻄﻴﻪ ﻧﺎﻳﻤﺔ ﺭﺣﺖ ﻟﻐﺮﻓﺘﻨﺎ ﺍﻧﻲ ﻭﺳﺠﺎﻭﻱ ﻫﺴﺘﻮﻧﻲ ﺩﺍﺍﻓﺘﺢ ﺍﻟﺒﺎﺏ
ﻣﺎﻝ ﻏﺮﻓﺔ ﺍﻧﺪﻛﺖ ﺍﻟﺒﺎﺏ ﻭﺩﻛﺔ ﻗﻮﻳﺔ ﺭﺣﺖ ﺩﺍﺍﻓﺘﺢ ﻟﻜﻴﺖ ﻋﻤﻲ ﺑﺎﻟﺒﺎﺏ .ﻋﻤﻲ ﺣﻴﺎﻙ ﺷﺠﺎﺑﻚ ﺑﻬﻞ
ﻟﻴﻞ ..ﺍﻧﻲ ﻟﺴﺎﻧﻲ ﺑﺰﻱ ﻣﺎﻟﺘﻲ ..ﺩﻓﻌﻨﻲ ﻭﻃﺐ ﻭﺭﺍﻩ ﻭﻟﺪﻩ ﺣﺘﻰ ﻣﺎﺳﻠﻤﻮﺍ ﻋﻠﻴﻪ ﻭﺳﻨﺎﺀ ﻭﻳﺎﻫﻢ ﻭﺟﻼﻝ
ﻭﺟﻤﻴﻞ ﻛﻠﻬﻢ ﻓﺪ ﻃﺒﻪ ﻣﻠﻮﺍ ﺍﻟﺼﺎﻟﺔ ﺍﻧﻲ ﻣﺘﻔﺎﺟﺊ .ﺷﻜﻮ ﺷﺼﺎﻳﺮ ﻋﻤﻲ.
ﻋﻤﻲ: ﻭﻳﻨﻬﺎ ﻫﺎﻟﺴﺎﻗﻄﺔ ﻭﻳﻨﻬﺎ ﻋﺒﺎﺱ:ﻣﻨﻮ ﻋﻤﻲ ﻋﻠﻰ ﺷﻨﻮ..
ﻋﻤﻲ: ﻭﻟﻚ ﺳﻨﻴﻦ ﻭﺍﻧﻲ ﺍﻧﺘﻈﺮ ﻣﻨﻚ ﺗﺰﻭﺝ ﻭﺗﺎﻟﻴﻬﺎ ﺗﺘﺰﻭﺝ ﻋﺎﻫﺮﺓ ﻳﺒﻦ ﺳﻌﻮﺩ ﻋﺎﻫﺮﺓ .. ﺗﻒ ﻋﻠﻴﻚ
ﻭﻋﻠﻰ ﺍﻟﺸﻮﺍﺭﺏ ﺍﻟﺸﺎﻳﻠﻬﻦ
ﻋﺒﺎﺱ: ﻋﻤﻲ ﻣﺮﺗﻲ ﻋﻔﻴﻔﺔ ﻭﻃﺎﻫﺮﺓ ﻭﻣﻮ ﻣﺜﻞ ﻣﺘﻜﻮﻝ
ﻋﻤﻲ: ﺟﺎ ﺷﺘﻔﺴﺮ ﺍﻟﻔﻴﺪﻭ ﺍﻟﻲ ﺷﻔﻨﺎ
ﻋﺒﺎﺱ: ﻳﺎﻓﺪﻳﻮ .
ﺳﻨﺎﺀﻓﺘﺤﺖ ﻣﺒﺎﻳﻠﻬﺎ ﻭﻃﻠﻌﺖ ﺍﻟﻔﻴﺪﻭ ﺍﻟﻲ ﺑﺴﺒﺒﻪ ﺍﺳﺄﺕ ﺍﻟﻀﻦ ﺑﺸﺮﻳﻜﺔ ﻋﻤﺮﻱ ﻭﺣﺒﻴﺒﺘﻲ ﺍﻧﻲ ﺗﺨﺒﻠﺖ
ﻫﺬﺍ ﺍﺻﻼ ﺑﺲ ﺍﻟﺸﺮﻃﻪ ﺗﻜﺪﺭ ﺗﻤﺴﻚ ﺑﻲ ..
ﺳﻨﺎﺀ: ﻣﻮ ﺑﺲ ﻫﺬﺍ ﺣﺘﻰ ﺳﺠﻠﻬﺎ ﺑﺎﻟﺸﺮﻃﻪ ﻣﺤﺒﻮﺳﻪ ﺑﺴﺒﺐ ﺍﻟﺪﻋﺎﺭﺓ ﻭﻫﺎﻱ ..
ﻋﺒﺎﺱ: ﺳﻨﺎﺀ ﺩﺍﺗﺤﺠﻲ ﻭﻟﺰﻣﺖ ﺯﻧﺪﻫﺎ ﻭﻟﺞ ﻫﺎﻱ ﺍﺷﺮﻑ ﻣﻨﺞ ﻭﺝ ﺍﻧﺖ ﺍﻟﺴﺎﻗﻄﻪ ﺍﻟﻌﺎﻫﺮﺓ ﻭﺍﻟﻜﺢ . ﺓ
ﻭﻟﺞ ﺍﻧﺖ ﺍﻟﻲ ﻣﺎﻳﺼﻮﻧﺞ ﺷﺮﻑ
ﻋﻤﻲ: ﻭﻟﻚ ﺗﻬﻴﻦ ﺑﻨﺘﻲ ﻭﺗﻬﻴﻨﻬﺎ ﻛﺪﺍﻣﻲ ﻭﻛﺪﺍﻡ ﺍﺧﻮﺗﻬﺎ ﻻﻭﺍﻟﻠﻪ ﻣﻨﻚ ﺻﺎﺣﻲ ﻭﺟﻤﺎﻟﻪ ﻣﻦ ﻭﺭﻩ ﻭﺣﺪﻩ
ﻓﺎﺳﻘﺔ ﻳﺎﻋﺒﻴﺲ ﻟﻮ ﺗﻜﺘﻠﻬﺎ ﻟﻮ ﺍﺣﻨﺎ ﻧﻜﺘﻠﻬﺎ . ﻋﻠﻰ ﻛﻼﻡ ﻋﻤﻲ ﺍﻣﻲ ﻃﻠﻌﺖ ﻻﻥ ﺻﻮﺕ ﺻﻴﺎﺣﻬﻢ ﺟﺎﻥ
ﻋﺎﻟﻲ ﻭﻃﺒﺘﻬﻢ ﻋﺎﻟﻴﻪ .ﺍﻧﻲ ﺭﻛﻀﺖ ﻣﺴﻜﺖ ﺍﻣﻲ ﻟﺘﻮﻛﻊ ..
ﺍﻣﻲ: ﻋﺒﺎﺱ ﻳﻤﻪ ﺷﺼﺎﻳﺮ
ﻋﺒﺎﺱ: ﻳﻤﻪ ﺍﻓﺘﺮﺍﺀ ﻋﻠﻰ ﻣﺮﺗﻲ ﻳﻤﻪ ﻳﺮﺩﻭﻥ ﻳﻜﺘﻠﻮﻧﻬﺎ
ﺍﻣﻲ:ﺳﺠﻰ ﺑﻨﺘﻲ ﻳﻤﻪ ﺳﺠﻰ .ﻭﻛﻌﺖ ﺍﻣﻲ ﻋﻠﻰ ﻫﺎﻟﻜﻼﻡ ﻛﻤﺖ ﺍﻋﻴﻂ ﻋﻠﻴﻬﻢ ﻫﻢ ﺷﺎﻓﻮﺍ ﺍﻣﻲ ﻫﻴﺞ
ﻃﻠﻌﻮﺍ ﻭﻋﻤﻲ ﻭﺍﺧﻮﺍﻧﻲ ﺍﺟﻮﻱ ﻭﺷﺎﻟﻮﺍ ﺍﻣﻲ ﻭﺩﻳﻨﺎﻫﺎ ﻟﻠﻤﺴﺘﺸﻔﻰ ﺣﺎﻟﺘﻬﺎ ﺧﻄﺮﺓ ﻫﺬﺍ ﻛﻠﻪ ﺍﻟﻜﻼﻡ
ﻭﺍﻧﻲ ﻣﺎﺍﺩﺭﻱ ﺑﺴﺠﻰ ﻭﺭﻩ ﺳﺎﻋﺘﻴﻦ ﺍﺳﺘﻘﺮﺕ ﺣﺎﻟﺔ ﺍﻣﻲ ﺍﺟﺎﻧﻲ ﺍﺗﺼﺎﻝ ﻣﻦ ﺳﺠﻰ . ﺍﻟﻮ
💜 #ﺑﺎﺭﺕ15💜
ﻋﺒﺎﺱ : ﺟﻨﺖ ﺑﺎﻟﻤﺴﺘﺸﻔﻰ ﻛﺎﻋﺪ ﻭﺑﺎﻟﻲ ﻳﻢ ﺍﻣﻲ ﺍﺟﺎﻧﻲ ﺍﺗﺼﺎﻝ ﻣﻦ ﺳﺠﻰ .. ﺍﻟﻮ
ﺻﻮﺕ ﻏﺮﻳﺐ ﻭﺧﺸﻦ: ﺍﺫﺍ ﺗﺮﻳﺪ ﺻﺎﺣﺒﺔ ﺍﻟﺨﻂ ﺍﺗﺮﻙ ﺑﻐﺪﺍﺩ ﻭﺍﺳﺘﻘﻴﻞ ﻣﻦ ﻣﻬﻤﺘﻚ ﺍﻧﻲ ﺗﻔﺎﺟﺄﺕ ﻭﻛﻊ
ﺍﻟﻤﺒﺎﻳﻞ ﻣﻨﻲ ﻭﻣﺎﺍﻋﺮﻑ ﺷﺤﺠﻲ ﺭﺟﻌﺖ ﺍﺧﺬﺕ ﺍﻟﻤﺒﺎﻳﻞ ﻭﻛﻤﺖ ﺍﺩﻙ ﻋﻠﻰ ﺍﻟﺮﻗﻢ ﻣﺎﻛﻮ ﻣﻴﺠﺎﻭﺏ
ﻣﻐﻠﻖ ﻣﻦ ﺻﺪﻙ ﺍﻧﻬﺎﺭﻳﺖ ﺷﻨﻮ ﻭﻣﻨﻮ ﻭﻟﻴﺶ ﻣﺎﺍﺩﺭﻱ ﻋﻤﻲ ﺟﺎﻥ ﻭﺍﻛﻒ .ﻛﺎﻟﻲ ﺷﺒﻴﻚ ﺍﻧﻲ ﻋﻄﺖ
ﺑﻮﺟﻪ ﻭﻛﺘﻠﻪ ﻭﺍﻟﻠﻪ ﺍﺫﺍ ﺻﺎﺭ ﻟﺴﺠﻰ ﺷﺊ ﻣﺎﺍﺑﻘﻲ ﻭﺍﺣﺪ ﺑﻴﻜﻢ .
BY عالم القصص والروايات 📚
Share with your friend now:
tgoop.com/ahgeel/15008