tgoop.com/ahgeel/4065
Last Update:
#قصص1وروايات1وحكايات.
*الخفافيش🦇*
بقلم_مال_الشام
الجزء الأول
( الساعه الثانيه بعد منتصف الليل )
هدوء كتير لدرجة عم اسمع انفاسي ... ما في حدا حوالي .. لحالي بهاد البيت الكبير ...
شربت اخر فنجان قهوة موجود بالركوة و رميت حالي على الكنباية وغمضت عيوني شوي انا وعم فكر .. ما بدي نام هلأ إزا نمت رح ارجع شوف نفس الكابوس و شوف اختي عم تنتحر
تعبت كتير وما ضل حل الا انو ابقى صاحيه .. الي تلات أيام ما نمت الا دقايق قليله ..
تطلعت بالساعه وصرت راقب العقارب هن وعم يمشو .. كان راسي رح ينفجر و جسمي بحاجة راحة .. قاومت كتير بس آخر شي استسلمت و نمت غصب عني والدمعة بعيوني ..
____
( الساعه التاسعه صباحاً )
- لك شو ما في حدا هووون ؟ .. مراااام افتحي الباب ... يلا اصحي اصحي اصحييييي
قمت وفتحت الباب ..كانت هيفاء جايه وحامله بايدها اغراض للفطور
هيفاء : كنت رح روح فكرتك مو هون ؟
مرام : ليش وين بدي كون .. ما ضللي حدا روح عليه ..
تركتلها الباب مفتوح و لحقتني هيفاء
هيفاء : بالله وانا وين رحت ؟
مرام : انتي ما في منك
هيفاء : حبيبتي مرومة .. تعبانه في شي عم يوجعك ؟
مرام : لأ انا منيحه ليش ؟
هيفاء : وشك مصفر و عيونك منفخين و في هالات سودا حوالين عيونك
قعدت و نزلت راسي : ما عم اقدر نام .. نعسانه وتعبانه كتير بس ما عم احسن نام بنوب
هيفاء : نروح على الدكتور ؟
مرام : لأ انا ما بدي نام .. عم شوف نفس الكابوس .. كل مره برجع بشوف كيف انتحرت ريهام بحس قلبي طلع من مطرحو وبصحى تعبانه كتير ومخنوقه ما فيني اتحمل ضل شوف نفس المشهد
عم حس كل مره كأنو الحادثه صارت اليوم
قعدت هيفاء جنبي ضمتني لصدرها وصارت تبكي : انا بعرف رفيقتي قوية كتير مستحيل تنهار بهاد الشكل
زادو دموعي وتمنيت لو اختي هي الي جنبي : كيف بدي كون قوية من 8 شهور خسرت أمي و من شهر خسرت أختي .. أختي الي بشوفها قدوتي بالحياة و سندي بتموت بهي الطريقه البشعه ما عم سدء صعب كتير يا هيفاء ما عم اتحمل
هيفاء : اهدي اهدي .. مرام خلينا نشوف دكتور نفسي يساعدك انا خايفه عليكي
صرخت بعصبية : حاج كيف بدو يساعدني .. اختي كانت طبيبة نفسية وما قدرت تساعد حالها وانتحرت كيف وليش ما بعرف ... كيف هان عليها تتركني وتتروك ابنها الصغير بهي البساطة
انا كتير بحاجتها هي كل شي ضللي بالدني بعد ما راحت امي ووصتنا ببعض .. كيف قدرت تعمل فيني هيك فهميني
ساعات طويلة قضتهن هيفاء قاعده ساكته وتاركيتني بس عم احكي وابكي ... شوي اصرخ واتوجع وشوي احكيلها عن ذكرياتي مع ريهام واديش كنا نحب بعض ومتعلقين ببعض ... لوقت ما تعبت و ما عاد قدرت شوف شي قدامي
طلبت منها تضل عندي لنام وارتاح ..
فتت على غرفتي و نمت بتختي الي ايام كتيره ما عرفت طعم الراحه فيه .. تمددت وجسمي عم يرجف و دموعي علقانين على طرف عيني ..
طفت هيفاء ضو الغرفة وسكرت الباب بهدوء وقالتلي انها رح تكون موجوده بالصالة لاصحى ... هزيت براسي ... وغمضت عيوني
___
( بعد مرور ثلاث أشهر )
مرام : أغييييي .. حبيب خالتووو ريتو يئبشني أنا ما اجملو .. حبيييييييبي
وليد : شكراً مرام عذبتك معي بس امي مريضة وما حبيت اتركو عندها قلت بخليه عندك
مرام : الله يسامحك عنجد بزعل منك بالعكس يا ريت تجيبلي ياه دايماً
وليد : ليش انتي مو ناوية ترجعي على جامعتك ؟
مرام : جامعتي ؟ لأ مو مفكرة ابداً بهاد الموضوع
وليد : بس إنتي بسنة تخرج ما تجني
ضميت محمد لصدري وشميت ريحتو : خلص وليد اتركني على راحتي انا ماخده قراري وماني جاهزة ابداً لارجع على الجامعه او شوف حدا .. وعنجد جيبلي ياه لمحمد كل ما تروح على شغلك
هو احلى شي ضل بحياتي وريحتو بتذكرني بريحة ريهام الله يرحمها
وليد : الله يرحمها
سكتنا التنين شوي .. وكسر الصمت ضحكة محمد
وليد : هههه ليك الأزعر مبسوط فيكي
مرام : معقول بيعرف انو انا خالتو ؟
وليد : ايه بيعرف عطول بالبيت بيقلي وينها خالتي وخليها تجي لعندنا
مرام : هلأ عم تتمسخر ؟ يمكن بيقدر يميز من الشم اكيد ريحتي بتشبه ريحة ريهام الله يرحمها
وليد : انتي وريهام ما بتشبهو بعض كتير
مرام : هلأ بالشكل ما منشبه بعض بس بالجوهر نحنا نفس الشي .. انا كنت قلدها بكل شي واتعلم منها كل شي مشان صير متلها و منحب نفس الأكلات والألوان و الأماكن
وليد : ايه بس ان شاء الله ما تحبو نفس الأشخاص هههههههههه
زعجتني كلمتو بس اعتبرتها مزحة غير موفقه ، أجت بالمحل الغلط .. تجاهلتو و قمت جهزت محمد مشان ياخدو ..
ودعتهن على باب البيت ورجعت قعدت عم فكر بريهام .. كتير اسئلة كنت حابة اسألهن لوليد عن اختي بس بخاف فتحلو جروحو .. بعد كل هالأيام يمكن تحسنت حالتي شوي
صرت اقدر نام .. مو منيح بس احسن من أول .. و الكوابس راحت .... وعم شوف رفقاتي وعم حاول لاقي شغل اشتغلو لأصرف على حالي لان ما ضل حدا يصرف علي ..
بعد يومين اتصل
ت فيني هيفاء و خبرتني انو قدرت تدبرلي شغل ترج
مة ك
BY عالم القصص والروايات 📚
Share with your friend now:
tgoop.com/ahgeel/4065