tgoop.com/ahgeel/4069
Last Update:
#قصص1وروايات1وحكايات.
*الخفافيش🦇*
*بقلم_مال_الشام*
الجزء الثاني
اتصلت بهيفاء و طلبت منها تجي لعندي بسرعه.. اجت لعندي بعد جامعتها وحكيتلها الي صار
هيفاء: مافهمت شي بصراحة
مرام: لك وانا مو فهمانه ليش عم احكي معك مشان نوصل لنتيجة
هيفاء: طيب اهدي خليني فكر
مرام: يلا فكري..
قامت هيفاء حطت ايديها ورا ضهرها و صارت تروح وتجي و تصفن: يعني هلأ ابن اختك جوا؟
مرام: ايه الحمدلله محمد عندي
هيفاء: و جوز اختك ترك ابنو و سافر
مرام: ايييي!!!
هيفاء: ماحكى لوين و لا اديش رح يضل… و كان بدو ياخود الولد و رجعو باخر لحظة
مرام: لك ايه؟!!!
هيفاء: لحظة عم حاول اربط الامور ببعضها
مرام: طيب اربطي يلا
ضلينا عم نفكر و انا كل شوي اتطلع على الساعه و ادعي انو وليد يرجع بأي لحظة…شو ذنبو محمد يعيش بدون اب و ام و انا كيف بدي اتحمل مسؤوليتو!! بس ما كنا نوصل لأي تفسير منطقي لتصرف وليد
رجعت هزيت براسي
هيفاء : وكمان ما الك رجعه على البيت الليله بتنامي عندي هلأ بتصل بأمي وبخبرها
مرام : اثلا كنت خجلانه اطلب منك بس كتير خايفه نام بالبيت لحالي بعد الي صار
هيفاء : وانا خايفه عليكي ... من زمان حكيت معك انو قعدتك لحالك بالبيت ما بتسوا
مرام : انتي بتعرفي انو كنت قضي اغلب وقتي ببيت اختي الله يرحمها بعد وفاة أمي...بس نومتي كانت ببيتي ... بحس فيه ريحة امي ما بحب اطلع منو
هيفاء : بسيطة حبيبتي كل شي رح ينحل واكيد الشرطة رح تمسكو لهاد الحرامي و تزتو بالحبس
مرام : حرامي ؟ .. بشك
هيفاء : كيف ما فهمت ؟
مرام : بعمرك شفتي حرامي بفوت وما بسرق شي ؟ ... غريبه صح ؟
تطلعنا بخوف ببعض ... كل وحده عم تدور على الإجابة بعيون التانيه ...
حاسبنا و طلعنا من الكفتيريا واخدنا تكسي لنروح على مركز الشرطة ... عالطريق رن موبايلي .. وكان رقم خارجي .. رديت فوراً لان توقعت انو وليد
مرام : الو وليد ؟
وليد : مرحبا
مرام : لك ما بدك ترجع بئى ... خلص بكفي ازا انت خسرت مرتك فأنا الي خسرت اختي وليكني عم قوي حالي مشان انتبه على محمد انت كيف الك قلب تتركو وتروح
وليد : انتو مناح ؟
مرام : لا مو مناح ... انا ما فيني شيل هي المسؤوليه لحالي .. وليد انت بتعرف اني وحيده ما الي حدا ما فيني اعمل كل شي لحالي مشان الله ارجع وساعدني اعتبرني اختك .. لك مو مشاني مشان ابنك
ريهام كانت تحبك كتير وبتعشقك ... كيف بتتركلها ابنها لحالو هيك
صرت ابكي و احكي بحرقة ... كنت خايفه كتير وبحاجة حدا جنبي وخايفه على محمد انو ما قدر اهتم فيه لوحدي
وليد : _ _ _
مرام : ليش ساكت ؟
وليد : خلص اهدي .. معك حق انا اسف بس انا خفت
مرام : وانا كمان خايفه .. امبارح فات علي حرامي وانا ماني حاسه .. كان ممكن يقتلني ويقتل محمد ... ليكني هلأ رايحه على مركز الشرطة مشان قدم بلاغ .. انت رحت وتركت كل شي فوق ضهري والدنيه مقلوبة قلب هون
حتى بيتك في حرامي فايت عليه .. بعدين ليش تركت دهب ريهام بالبيت ليش ما اخدتو معك ؟
وليد : لحظة لحظة بس ... وقفي عندك وقفي
مرام : كيف ؟
وليد : وقفي السيارة ما توصلي مركز الشرطة ابداً مرام ... مرام وين محمد ؟
مرام : لك معي شبك ؟
وليد بصوت عالي : وقفي السيارة فوراً ... فوراً
مرام : لو سمحت أخي وقف وقف ..
هيفاء : شو في ؟
اشرت لهيفاء مشان ننزل ... حاسبت الشوفير و نزلنا
مرام : انا نزلت طول بالك شبك شو صرلك ؟
وليد : انتي شو اخدك على بيتنا ؟ مو على اساس ما رح تروحي لهنيك شو ما صار ؟
مرام : انا اضطريت روح مشان
صار يصرخ بصوت عالي : مشان شووووووو ... مرام اخدتي محمد معك صح؟
مرام : لك ليش عم تعيط علي اي اخدتو لكن وين بدي اتركو
وليد : طيب .. طيب ... اخدتي شي من البيت ؟
مرام : بس اغراض محمد الضرورية و الناطور رح يقفل الباب بس ما رجعت شقيت على البيت لان ما بحب روح لهنيك
وليد : الحمدلله .. شفتي عم فؤاد ؟
مرام :لا ممشينو جايبين واحد تاني !!
وليد : _ _ _
صرت ابكي وهيفاء تقرصني من ايدي وتسألني شو في .. اعطيتها محمد و مشيت شوي لبعيد
مرام : وليد امانه انا كتير تعبانه بكفي تحاكيني بالألغاز احكيلي شو المشكلة
وليد : لا ترجعي على بيتك روحي على اي مكان تاني .. وما تروحي على الشرطة
مرام : كيف ما روح على الشرطة لازم يمسكوه للحرامي
وليد : مااااا رح يمسكوه انتي ما بتفهمي ما رح يمسكوه ... ازا وصلتي مركز الشرطة رح تلحقي ريهام .. انا حمار الي أمنتك على محمد كان لازم جيبو معي بس هن قالو انو
هو سكت وانا سكتت ... نزل الحكي علي متل الصاعقه ..
مرام : مين هن ؟ ... شو قالو ؟
وليد : مرام .. مرام ما تعصبيني اكتر ... روحي على أي مكان بس مو على بيت اهلي .. وبرجع بحكي معك لشوف مين الناطور الجديد الي موجوده بالبناية وبردلك خبر
مرام : لا ما رح رد عليك لافهم شو صاير ... صرت شك انك جنيت كيف بدي التزم بحكيك وانت ما عم تقول شي مفهوم !
وليد : سؤال
مرام
: شو ؟
وليد : لاحظتي شي رايح من
BY عالم القصص والروايات 📚
Share with your friend now:
tgoop.com/ahgeel/4069