tgoop.com/ahgeel/4092
Last Update:
#قصص1وروايات1وحكايات.
*الخفافيش 🦇*
الجزء الثامن والأخير
مرام : ليث متأكد انو هيك صح ؟
ليث : اي اكيد ما تخافي .. روحي بسرعه قبل ما يوصلو .. ان شاء الله ما يشكو بشي
وقفت و نزلت راسي بالأرض .. ما عرفت ازا لازم روح او ضل ... خبرت هيفاء بمكاني وقلتلها انو كل الأدلة موجوده معي وتجي تاخدهن وتعطيني محمد .. و ليث اتصل برفيقو المحامي مشان يخبر الشرطة
ليث : مرام خلص روحي امشي من هون
مرام : انت شو دخلك لتضل هون وانا روح .. خايفه عليك
ليث : يا بنت الحلال ما وقت العواطف هلأ .. ما رح يصيرلي شي الشرطة رح تكون هون ما تخافي .. قلتيلتها انو انا رح اخود محمد ؟
مرام : قلتلها بتسلمو محمد لليث وبعدين بتفوتو على المكتبة بتلاقوني جوا وبتاخدو كل الأغراض مني وازا بدكن بتاخدوني
ليث : روحي بسرعه
دفشني بايدو وصار يتطلع حواليه و انفاسو تتسارع .. تطلعت فيه مره أخيره وتزكرت اول مره شفتو على الدرج .. كانت صدفه سريعه .. أبشعه حادثه بحياتي جمعتني فيه .. من اول لحظة لفت انتباهي مو اعجاب ولا حب
بس فيه شي مميز ..
مرام : دير بالك على حالك
ليث : ولا يهمك .. تخبي منيح ولا تطلعي شو ما صار
هزيت براسي و فتلت ضهري ومشيت شوي بعدين رجعت تطلعت فيه
مرام :ليث
ليث : ايه ؟
مرام : بس نخلص منروح من هون على المحكمة متل ما اتفقنا مو بتغير رأيك
ابتسم وغمزني : بصراحه بدك تعطيني وقت فكر
مرام : غليظ
فتلت وشي وركضت بسرعه لآخر الشارع وصلت لعند حاوية الزبالة الكبيرة و قعدت على ركبتي تخبيت وراها .. و ليث رجع فات على المكتبة و سكر وراه
مرقت دقايق .. هدوء فظيع ما في ولا نفس حتى قطط ما في بالشوارع .. شوي وسمعت صوت سيارات مرقت بسرعه البرق بالشارع .. تكورت على حالي وخبيت راسي
خفت كتير .. احساس ما بينوصف ... حطيت ايدي على تمي لاكتم صوتي ..
مرقو السيارات ورا بعض كانو كتار ولونهن اسود .. و رجع فضي الشارع ..
شديت الشنته لحضني الي فيها الأثباتات .. للحظة فكرت يا ترى بيستاهلو هالأوراق خاطر بحياتي ؟ .. بيستاهلو خاطر بمحمد وليث ؟
مديت راسي اتطلعت منيح .. الشوارع فاضيه .. اكيد هن الي مرقو بس وين راحو هلأ !
بهي اللحظات حتى خايفه ارمش .. ما بعرف شو رح يصير .. الشي الوحيد الحلو انو ممكن التقي باختي ريهام عن قريب ههه
حسيت بشي غريب .. كان في صوت حركة خفيفه كتير ..
رجعت مديت راسي .. شفت تلات رجال جايين من بعيد عم يمشو بعرض الشارع .. وصلو لعند المكتبة و وقفو قدامها .. وبعدين اجو سيارتين ماشين عالهدا ..
وقفت مع انو رجلي ما عادو حامليني كأني مو حاسه فيهن ..
دق واحد من الشباب على الغلق بنقرات خفيفه ..
و بعد شوي هن فتحو الغلق وطلعلهن ليث .. مسكوه من ايديه التنتين و اخدوه قدام وحده من السيارات ... طلعت موبايلي بسرعه و اتصلت على رقم هيفاء
مرام : ألو .. اعطو الولد لليث وفوتو لعندي لجوا لاعطيكون الي بدكن ياه
هيفاء : مرام ... مرام اخدو محمد مني .. اخدوه مني .. نجاح ... نجاح هي ورا كل شي .. بدهن يقتلوكي اهربي .. بدهن يقتلوكي
مرام : شو يعني ؟
صارت تبكي و ما عاد ردت علي كنت بس اسمع صوتها هي وعم تبكي ..
نزلت الجوال ورجعت اتطلع عليهن
فتح باب السيارتين ..
نزل منها واحد و حامل محمد بايدو كان عم يبكي صوتو واصل لعندي
و اربع رجال نزلو من السيارة التانيه و حاوطو الي ماسك محمد
كانو عم يحكو وما قدرت اسمع شي بس كنت عم فكر اطلع واركض لعندهن ونموت نحنا التلاته سوا .. كنت خايفه يموتو قدامي وبعدا انو موت وهيك بتكون موتي ابشع موته بين الكل
قرب الرجال لعند ليث واعطاه محمد .. مسكو محمد وشدو لصدرو بعدين اشرلهن على المحل .. فاتو كل شي رجال لجوا سوا هن وعم يركضو وبقي هداك لحالو برا هو و ليث ومحمد بايدو ..
صرت اهمس لحالي (( يلا ليث اهرب .. اهرب .. اهرب ليث اهرب .. ))
بنفس الوقت سمعت صوت سيارات جايه من الجهة التانيه الي انا واقفه فيها .. تطلعت بخوف لوراي .. كانو سيارات شرطة بس مطفين الصوت والأضوية .. ومع هيك العصابة لاحظت اصوات السيارات ..
وصارو يصرخو لبعضهن بصوت عالي كتير (( كمين كمين ... خدو المعلم .. كميييييييين يا شباب ))
فاتت الأمور ببعضها و وصلت سيارات الشرطة ورا بعض وصارو ينزلو الشرطة ويصرخو كمان (( ما تتحركو من مطرحكن ))
عيوني كانت على ليث الي ركض بسرعه وكان جاي باتجاهي بس بعدين صار صوت ضرب عيارات ناريه و صراخ الشرطة و العصابه قعدت بالارض وحطيت ايدي على راسي و صرت اصرخ انا كمان وابكي
___
الشرطة : هاد كل شي معك ؟
هزيت براسي و شديت محمد لصدري بقوة : هاد كل شي
الشرطة : في حدا تاني بتتهميه ؟
مرام : ن .. نجاح ... و .. و هيفاء .. و وليد شريك معهن و هاد شوفير التكسي و هاد الناطور ... بعرفهن كمان ..
الشرطي : هيفاء كانت تحت التهديد وهي حالياً موجوده عندنا و امها بالمستشفى لانها متعرضة لضربة على راسها ..
مسحت دموعي وتطلعت بالشرطي : ليش خليتو المعلم تب
عهن يروح ؟
تلبك الشرطي و طلع اللاسلكي تبعو : يا مصطفى كيف حالة الض
BY عالم القصص والروايات 📚
Share with your friend now:
tgoop.com/ahgeel/4092