tgoop.com/ahgeel/91543
Last Update:
💜🍃💜🍃💜
🍃💜🍃💜
💜🍃💜
🍃💜
{ رواية حبيبي وزوجي على الورق } ....
@ahgeel 🌺
🎬| #الـــبـــارت 【 ⓪② 】
ﻫﻮ : ﻻ ﻻ ﺧﻼﺹ ﻭﻗﻔﺖ ﻋﺸﺎﻧﻚ , ﺑﺲ ﻳﺤﺰ ﺑﺨﺎﻃﺮﻱ ﺃﻧﻚ ﺑﺒﻴﺘﻲ ﻭﺯﻭﺟﺘﻲ
ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﻭﻻ ﺃﻗﺪﺭ ﺃﺿﻤﻚ ﻭﻻ ﺍﻣﺴﻚ ﻳﺪﻙ ﻭﺍﻟﺴﺒﺐ ﺃﻧﻲ ﻭﻋﺪﺗﻚ ﺑﻠﻴﻠﺔ ﺑﻨﺪﻡ
ﻋﻼﻫﺎ ﻃﻮﻝ ﺍﻟﻌﻤﺮ . ؟
( ﺣﻂ ﻳﺪﻩ ﻋﻠﻰ ﻟﺤﻴﺘﻪ ﻭﺟﻠﺲ ﻳﻨﺎﻇﺮ ﻟﻲ )
ﺭﻓﻌﺖ ﺍﻟﺸﻮﻛﻪ ﻭﻗﺼﻴﺖ ﻗﻄﻌﺖ ﺣﻼ ﻭﺍﻛﻠﺘﻬﺎ ﺷﺮﺑﺖ ﻗﻬﻮﺓ ﻭﻫﻮ ﻋﻠﻰ ﺣﺎﻟﻪ ﻭﺑﻬﺪﻭﺀ ﻗﻠﺖ :
ﻏﺮﻳﺐ ﺃﻧﻚ ﻣﺎﺭﺣﺖ ﺍﻟﻴﻮﻡ ﻝ ﺃﺧﻮﻳﺎﻙ ﻭﺍﺳﺘﺮﺍﺣﺘﻚ ! ؟
ﻫﻮ : ﻣﺎﻋﺎﺩ ﺻﺮﺕ ﺃﺣﺒﻬﻢ ﻭﺍﺟﺪ / ﺷﺎﻝ ﺍﻳﺪﻩ !
ﺃﻧﺎ : ﺃﻓﺎ / ﻗﻠﺘﻬﺎ ﺑﻀﺤﻜﻪ !
ﻫﻮ : .. ﻗﺎﻃﻌﻪ ﺟﻮﺍﻟﻲ ﻭﻧﻐﻤﺘﻪ !
ﻣﺪﻳﺖ ﻳﺪﻱ ﻭﺃﺧﺬﺗﻪ ﻭﺭﺩﻳﺖ ﺑﺴﺮﻋﺔ ﺏ :
ﻫﻼ ﻳﻤﻪ / ﺑﻠﻬﻔﺔ !.
ﻣﺎﺑﻴﻦ ﺑﺨﻴﺮ ﺣﻤﺪﻟﻠﻪ ﻭﻃﻤﻨﻴﻨﻲ ﻋﻨﻚ ﻛﻨﺖ ﺃﻛﻠﻢ ﻭﺻﺎﺩﻩ ﻋﻨﻪ ,
ﺃﺑﺸﺮﻱ ﻛﺮﺭﺗﻬﺎ ﺃﻛﺜﺮ ﻣﻦ ﻣﺮﻩ ﺭﺩﺁ ﻋﻠﻰ ﺃﻣﻲ ﻭﻃﻠﺒﺎﺗﻬﺎ !..
ﻗﻔﻠﺖ ﻭﺭﺟﻌﺖ ﻋﺪﻟﺖ ﺟﻠﺴﺘﻲ ﻭﺻﺮﺕ ﻣﻘﺎﺑﻠﻪ ﻟﻪ ﺯﻱ ﺃﻭﻝ ﻭﻫﻮ ﻣﺮﻛﺰ ﻋﻠﻲ
ﻭﻋﻠﻰ ﻛﻞ ﺣﺮﻛﻪ ﻣﻨﻲ ﻭﻫﺎﻟﺸﻲ ﻣﻘﻴﺪﻧﻲ ﺑﻘﻮﻩ !
ﺃﻧﺎ : ﺑﻌﺪ ﺃﺫﻧﻚ ﺍﻣﻲ ﺗﺒﻴﻨﻲ ﺃﺭﻭﺡ ﻣﻊ ﺳﻌﺪ ﺑﻜﺮﺓ ﺃﻓﺼﻞ ﻛﻨﺐ ﺑﻴﺘﻪ /!
ﻫﻮ : ﺃﺑﺸﺮﻱ ﺍﻭﺩﻳﻚ ﻣﺘﻰ ﺑﺘﺮﻭﺣﻴﻦ ؟
ﺃﻧﺎ : ﻻ ﺳﻌﺪ ﺑﻴﻤﺮﻧﻲ / ﻣﺎﻛﻨﺖ ﺃﺑﻲ ﺃﻛﻠﻒ ﻋﻠﻴﻪ !
ﻫﻮ : ﻭﻟﻴﻪ ﺳﻌﺪ ﻳﻤﺮﻙ ﺃﻧﺎ ﻣﻮﺟﻮﺩ / ﻳﻄﺎﻟﻊ ﺑﻌﻴﻮﻧﻲ !
ﺃﻧﺎ : ﺗﻤﺎﻡ / ﻣﺎﻋﻨﺪﻱ ﺭﺩ ﻭﻧﻈﺮﺍﺗﻪ ﺗﺤﺮﺝ !
ﻃﻠﺒﻨﺎ ﺍﻟﻌﺸﺎﺀ ﻭﺗﻌﺸﻴﻨﺎ ﻋﻠﻰ ﺳﻮﺍﻟﻒ ﻋﺎﺩﻳﺔ ﻭﺃﻏﻠﺒﻬﺎ ﻋﻦ ﺑﻴﺖ ﻋﻤﻲ , ﻃﻠﻌﻨﺎ ﻣﻦ ﺍﻟﻤﻄﻌﻢ
ﻭﺭﺟﻌﻨﺎ ﺑﻴﺘﻨﺎ ﻭﺩﺧﻠﺖ ﻏﺮﻓﺘﻲ ﺑﻌﺪ ﺗﺼﺒﺢ ﻋﻠﻰ ﺧﻴﺮ ﻭﺃﻧﺘﻲ ﻣﻦ ﺃﻫﻠﻪ ﻭﻗﻔﻠﺖ !!
ﻳﻮﻡ ﻋﺰﻳﻤﺔ ﺑﻴﺖ ﻋﻤﻲ *
ﺑﻌﺪ ﺻﻼﺓ ﺍﻟﻈﻬﺮ ﻟﺒﺴﺖ ﺑﻨﻄﻠﻮﻥ ﺃﺳﻮﺩ ﻭﺑﻠﻮﺯﺓ ﺍﺳﻮﺩ ﻋﻼﻕ ﻭﻟﻤﻴﺖ ﺷﻌﺮﻱ ﻛﻌﻜﺔ ﻭﻃﻠﻌﺖ
ﺃﺗﻐﺪﻯ
ﻣﻌﺎﻩ ﻭﺑﺴﺮﻋﺔ ﺑﺴﺮﻋﺔ ﺃﻛﻠﺖ ﻭﺃﺧﺬﺕ ﺟﻮﺍﻟﻲ ﻭﺩﺧﻠﺖ ﺍﻟﻤﻄﺒﺦ !..
ﻗﺼﺎﻳﺪ ﻭﺭﻛﺒﺖ ﺳﻤﺎﻋﺎﺗﻲ ﻭﺛﺒﺖ ﺟﻮﺍﻟﻲ ﺑﺠﻴﺐ ﺍﻟﺒﻨﻄﻠﻮﻥ ﺍﻟﺨﻠﻔﻲ ﻭﺑﺪﻳﺖ /
ﻧﻮﻋﻴﻦ ﺣﻼ ﻧﻮﻋﻴﻦ ﻓﻄﺎﻳﺮ ﻭﺗﻤﺮﻳﻪ , ﻭﺑﻴﺘﺰﺍ ﺟﻬﺰﺕ ﺍﻟﺸﻮﻛﻮﻻﺗﻪ ﻭﺍﻟﻤﻜﺴﺮﺍﺕ ﻭﺍﻟﻔﻨﺎﺟﻴﻞ
ﻭﺍﻟﻌﺼﻴﺮ
ﻭﻧﻈﻔﺖ ﺍﻟﻤﻄﺒﺦ ﻭﻃﻠﻌﺖ ﻋﻠﻰ ﺍﻟﺼﺎﻟﺔ ﻭﻫﻮ ﻧﺎﻳﻢ ﻋﻠﻰ ﺍﻟﻜﻨﺒﻪ
ﺭﺗﺒﺖ ﺍﻻﺷﻴﺎﺀ ﺍﻟﺨﻔﻴﻔﻪ ﺍﻟﻠﻲ ﺗﺒﻲ ﺗﺮﺗﻴﺐ ﻭﺭﻛﺒﺖ ﺟﻤﺮ ﻭﺩﺧﻠﺖ ﺃﺧﺬ ﺩﺵ ﻃﻠﻌﺖ ﻋﻠﻰ ﺃﺫﺍﻥ
ﺍﻟﻌﺼﺮ
ﺑﺨﺮﺕ ﺍﻟﺒﻴﺖ ﻭﻧﻔﺴﻲ ﻛﺎﻟﻌﺎﺩﺓ ﻭﺻﺤﻴﺘﻪ ﻝ ﺃﻭﻝ ﻣﺮﺓ , ﻓﺘﺢ ﻋﻴﻮﻧﻪ ﻭﺃﺷﺮﺕ ﻋﻠﻰ ﺍﻟﺴﺎﻋﺔ 4
ﻭﻧﺺ ﻭﻗﻠﺖ :
ﺿﻴﻮﻓﻨﺎ ﺑﻴﺠﻮﻥ ﻗﻮﻡ ﻗﺎﻡ ﻓﻌﻼ ﻭﺭﺣﺖ ﺍﻟﻤﻄﺒﺦ ﺍﺭﻛﺐ ﻋﻠﻰ ﺍﻟﻘﻬﻮﺓ !..
ﻓﺴﺘﺎﻥ ﻃﻮﻳﻞ ﻭﻣﻜﻴﺎﺝ ﺧﻔﻴﻒ ﻭﻣﻨﺎﻛﻴﺮ ﻭﺧﺎﺗﻢ ﻭﻋﻄﺮ ﻭﻓﺘﺤﺖ ﺷﻌﺮﻱ ﻭﺑﻌﺜﺮﺗﻪ ﻭﻃﻠﻌﺖ
ﺍﻟﺼﺎﻟﺔ ﺃﻧﺘﻈﺮﻫﻢ !
* ﺟﺎﻟﺲ ﺑﺎﻟﺼﺎﻟﺔ ﺑﺜﻮﺏ ﻣﻔﺘﻮﺣﻪ ﻟﻴﺎﻗﺘﻪ ﻛﺎﻟﻌﺎﺩﺓ ﻭﺫﻗﻦ ﻣﻬﻤﻞ ﻭﺷﻌﺮ ﻃﻮﻳﻞ ﻭﻛﺜﻴﺮ ﻣﻦ ﻗﺪﺍﻡ
ﻭﻣﺨﻔﻔﻪ ﻣﻦ ﺍﻟﺨﻠﻒ
ﻭﺃﻛﻤﺎﻡ ﻣﺸﻤﺮﺓﻭﺭﻳﺤﺖ ﻋﻄﺮ ﻭﺟﻮﺍﻟﻪ ﺑﻴﺪﻩ , ﻧﺰﻟﺖ ﺟﻮﺍﻟﻲ ﻋﻠﻰ ﺍﻟﻄﺎﻭﻟﺔ ﻭﺭﺣﺖ ﺍﻟﻤﻄﺒﺦ
ﺃﺗﻔﻘﺪ ﺷﻐﻠﻲ !
ﺭﻳﺤﺖ ﺍﻟﻌﻄﺮ ﺍﻟﻘﻮﻳﺔ ﺧﻠﺘﻨﻲ ﺍﻟﺘﻔﺖ ﻳﺴﺎﺭ , ﻭﻗﻒ ﺟﻨﺒﻲ ﻭﻫﻮ ﻳﻄﺎﻟﻊ ﺑﺎﻟﺼﺤﻦ ﺍﻟﻠﻲ ﺑﻴﺪﻱ ,
ﻫﻮ : ﻳﻌﻨﻲ ﺍﻟﻴﻮﻡ ﺑﺬﻭﻕ ﻃﺒﺨﻚ / ﻫﺎﺫﻱ ﺃﻭﻝ ﻣﺮﺓ ﺍﻃﺒﺦ ﻣﻦ ﺯﻭﺍﺟﻨﺎ !
ﺃﻧﺎ : ﺫﻭﻗﻪ ﺯﻳﻦ ﻻﻧﻲ ﻣﺎﺍﻭﻋﺪﻙ ﺃﻃﺒﺦ ﺩﺍﻳﻢ / ﺑﻌﺪﺕ !
ﻣﺸﻐﻮﻟﺔ ﺍﻭﺯﻉ ﺍﻻﻃﺒﺎﻕ ﻭﻫﻮ ﻳﺎﻛﻞ , ﻭﺳﺎﻛﺖ , ﻋﻠﻰ ﺩﻗﺎﺕ ﺍﻟﺒﺎﺏ ﻭﻛﻠﻤﺔ ﺟﺎﻳﻚ ﺭﺍﺡ ﻟﻤﺠﻠﺲ
ﺍﻟﺮﻳﺠﻴﻞ !
ﻭﺯﻋﺖ ﻗﻬﻮﺗﻨﺎ ﻭﻗﻬﻮﺓ ﻋﻤﻲ ﻭﻋﻴﺎﻟﻪ ﻭﺭﺣﺒﺖ ﺑﺨﺎﻟﺘﻲ ﻭﻗﻠﻄﺘﻬﺎ ﻫﻲ ﻭﻋﻬﺪ ﻭﻭﻓﺎﺀ ﻭﺟﻠﺴﺖ
ﻣﻌﻬﻢ !..
ﺍﻟﺠﺪﻳﺪ ﺃﻧﻲ ﻋﺮﻓﺖ ﺃﻥ ﺧﺎﻟﺪ ﻳﻮﺩﻱ ﺃﻏﺮﺍﺽ ﺍﺣﻴﺎﻧﺎ ﻟﺒﻴﺖ ﺳﻄﺎﻡ ( ﺻﺎﺣﺒﻪ ﺍﻟﻤﺮﻳﺾ !(
ﻣﺎﻗﺪﺭﺕ ﺃﺗﻜﻠﻢ ﻭﻻ ﺣﺎﻭﻟﺖ ﺃﻋﺮﻑ ﻭﻭﺵ ﺍﻟﺴﺎﻟﻔﺔ ﺧﻠﺼﺖ ﺷﻐﻠﻲ ﻭﺭﺟﻌﻮﺍ ﺑﻴﺘﻬﻢ
ﻭﻧﻈﻔﺖ ﺍﻟﺒﻴﺖ ﻭﺭﺗﺒﺖ ﻭﺃﻧﺎ ﺃﻫﻮﺟﺲ ..
ﺑﻐﺮﻓﺘﻲ ﺍﻟﺴﺎﻋﺔ 11 ﺍﻟﻴﻞ ﻣﻘﻔﻠﻪ ﺟﻮﺍﻟﻲ ﻭﻣﻄﻔﻴﻪ ﺍﻻﻧﻮﺍﺭ ﻭﺿﺎﻣﻪ ﺑﻄﺎﻧﻴﺘﻲ
ﻭﺃﻃﺎﻟﻊ ﺑﻬﺎﺫﻳﻚ ﺍﻟﻨﻘﻄﻪ ﺍﻟﺤﻤﺮﺍ ( ﺯﺭ ﺍﻟﻤﻜﻴﻒ )
( ﻋﺒﺮﺓ ﻭﻭﺣﺪﺓ ﻭﺿﻴﻘﻪ ﻭﻳﻤﻜﻦ ﺍﻟﻠﻴﻠﻪ ﻏﻴﺮﺓ )
ﻟﻴﺶ ﻳﻬﻤﻨﻲ ﺍﻟﻤﻮﺿﻮﻉ ﻭﺃﺫﺍ ﻳﻌﻨﻲ ﺃﺣﺘﺎﺟﻮﺍ ﻭﺟﺎﺏ ﻟﻬﻢ ﺃﻏﺮﺍﺽ
ﺃﻧﺎ ﻭﺵ ﺩﺧﻠﻨﻲ ﻭﺑﻌﺪﻳﻦ ﺍﻟﻨﺎﺱ ﻟﻨﺎﺱ , ﻭﻟﺪﻫﻢ ﺗﻌﺒﺎﻥ ﻭﺃﻛﻴﺪ ﺻﺪﻳﻘﻪ ﺑﻴﻔﺰﻉ ﻟﻪ ..
ﺣﻜﻲ ﺣﻜﻲ ﺣﻜﻲ ﻭﻗﺎﻋﺪﻩ ﺍﺳﻜﺖ ﻧﻔﺴﻲ ﻻﻧﻲ ﺃﺫﺍ ﺑﻜﻴﺖ ﺑﻴﺼﺒﺢ ﺍﻟﺼﺒﺢ ﻣﺎﺳﻜﺖ !..
ﺩﻕ ﺍﻟﺒﺎﺏ ﺑﺸﻮﻳﺶ ﻭﻻﺗﺤﺮﻛﺖ ﻭﻏﻤﻀﺖ ﻋﻴﻮﻧﻲ !!
ﻳﺎﻭﺩﻱ ﺃﻃﻠﻊ ﻟﻪ ﻭﺃﺻﺎﺭﺥ ﻭﺃﺑﻜﻲ ﻭﺃﻗﻮﻝ ﻟﻬﺎ ﻫﺎﻟﺤﻜﻲ ﺍﻟﻠﻲ ﻋﻠﻰ ﺑﺎﻟﻲ ﻭﻭﺵ ﺃﺣﺲ ﻓﻴﻪ
ﺍﻟﻠﻴﻠﻪ !..
(ﺑﻴﺖ ﻋﻤﻲ ﻃﺎﻣﻲ )
ﻋﻬﺪ ﺑﺎﻟﺤﻮﺵ ﻭﺍﻟﺠﻮﺍﻝ ﺑﻴﺪﻫﺎ .
ﻋﻬﺪ : ﺍﻟﻮ ﺧﺎﻟﺪ ﻭﻳﻨﻚ ؟
ﺧﺎﻟﺪ : ﺑﺎﻟﺒﻴﺖ ﻟﻴﻪ؟
ﻋﻬﺪ : ﻣﺸﻐﻮﻝ ?
ﺧﺎﻟﺪ : ﻻ ﻓﻴﻜﻢ ﺷﻲ ؟
ﻋﻬﺪ : ﻃﻴﺐ ﺍﻧﺰﻝ ﻟﻲ ﺑﺎﻟﺤﻮﺵ ﺍﺑﻐﺎﻙ / ﻭﻗﻔﻠﺖ ..
ﺟﺎﻟﺴﻪ ﻋﻠﻰ ﺍﻟﻔﺮﺷﺔ ﺑﺎﻟﺤﻮﺵ ﻭﺗﻨﺘﻈﺮ ﺧﺎﻟﺪ !
ﻧﺰﻝ ﺭﻛﺾ ﻭﻣﻦ ﺍﻟﺪﺭﺝ ﻋﻠﻰ ﻃﻮﻝ ﻭﻗﻒ ﺑﻨﺺ ﺍﻟﻔﺮﺷﻪ : ﺗﺮﺍﻙ ﺧﻮﻓﺘﻴﻨﻲ !
ﻋﻬﺪ : ﺃﺟﻠﺲ ؟ !
ﺧﺎﻟﺪ ﻳﺘﺮﺑﻊ ﻗﺪﺍﻣﻬﺎ / ﻭﺷﺶ ﻓﻴﻪ !
ﻋﻬﺪ : ﺭﻳﻢ ﻗﺎﻟﺖ ﻟﻚ ﺷﻲ / ﺑﺴﺮﻋﻪ !
ﺧﺎﻟﺪ : ﻻ !
ﻋﻬﺪ : ﺃﺳﻤﻊ ﺃﻣﻲ ﺟﺎﺑﺖ ﺍﻟﻌﻴﺪ ﺍﻟﻌﺼﺮ ﻭﻋﻠﻤﺖ ﺭﻳﻢ ﺃﻧﻚ ﺗﻘﻀﻲ ﻟﺒﻴﺖ ﺳﻄﺎﻡ ﻭﻭﺻﺘﻬﺎ
ﺃﻧﻬﺎ ﻣﺎﺗﺨﻠﻴﻚ ﺗﺮﻭﺡ ﻟﻬﻢ / ﻭﻛﻤﻠﺖ / ﻳﻌﻨﻲ ﺃﻣﻲ ﺗﺒﻲ ﺭﻳﻢ ﺗﻌﻴﻲ ﺃﻧﻚ ﺗﻘﻀﻲ ﻟﻬﻢ ﻣﺮﺓ ﺛﺎﻧﻴﺔ /
ﻓﻬﻤﺖ !
ﺣﻂ ﺃﻳﺪﻩ ﻋﻠﻰ ﺭﺍﺳﻪ ( ﻣﺼﺪﻭﻡ )
ﺧﺎﻟﺪ : ﺃﻧﺎ ﺍﺷﻮﻑ ﺭﻳﻢ ﻣﻘﻔﻠﻪ ﻋﻠﻰ ﻧﻔﺴﻪ ﻭﺷﻜﻠﻬﺎ ﺯﻋﻼﻧﻪ /! ﺑﻘﻬﺮ .
ﻋﻬﺪ : ﺭﻳﻢ ﻧﺎﻳﻤﻪ؟ / ﺑﺘﻌﺠﺐ !
ﺧﺎﻟﺪ : ﻻﻭﺍﻟﻠﻪ ﺷﻜﻠﻬﺎ ﺯﻋﻼﻧﻪ ..
ﻋﻬﺪ : ﺧﺎﻟﺪ ﺗﺮﻯ ﺭﻳﻢ ﻣﺎﺗﺴﺘﺎﻫﻞ ﻭﺍﻧﺎ ﻭﺍﻟﻠﻪ ﻫﺎﻭﺷﺖ ﺃﻣﻲ ﻻﻥ ﺭﻳﻢ ﺗﻐﻴﺮﺕ ﻣﻼﻣﺤﻬﺎ ﺑﻌﺪ ﻛﻼﻣﻬﺎ
ﻭﻭﺍﺿﺢ ﺃﻧﻬﺎ ﺗﻀﺎﻳﻘﺖ !
ﺧﺎﻟﺪ : ﺃﻣﻲ ﻭﺵ ﻧﺎﻭﻳﻪ ﻋﻼﻩ ﺗﺒﻐﻰ ﺗﺠﻨﻨﻲ / ﺑﻌﺼﺒﻴﺔ !
ﻋﻬﺪ : ﻻﺗﻠﻮﻣﻬﺎ ﺧﺎﻳﻔﻪ ﻣﻦ ﺗﻬﻮﺭﻙ !
ﻗﺎﻃﻌﻬﺎ ﻭﻫﻮ ﻳﻮﻗﻒ : ﺑﻄﻠﻊ ﻟﺮﻳﻢ ﺍﻟﻠﻪ ﻳﺨﻠﻲ ﻟﻲ ﺃﻣﻲ ﺧﺮﺑﺖ ﻋﻠﻲ ..
ـ #وصلنا_لنهاية_البارت 🔮
*💜ـــــ #يتبــع👇ــــــ💜*
#نتمنـى_لكـم_قراءة_ممتعة ..
{يســـــعدنــا مشـــاركــة الروايــــة ... ولكــن لانبيـــح او نحـلل حـذف رابـــــط القناة👇👇}
https://www.tgoop.com/joinchat-AAAAAFdO1y-1PZ5SzX0BWg
💜📚 @ahgeel 💜📚🖋
🍃💜
💜🍃💜
🍃💜🍃💜
💜🍃💜🍃💜
BY عالم القصص والروايات 📚
Share with your friend now:
tgoop.com/ahgeel/91543