tgoop.com/ahm9ll/955
Last Update:
ياحيدر أيتام عله الباب تون من القهر
دمعات العيون بالجفون تدك باب السحر
...............................
جنك نويت اعل الهجر يابويه بعيونك
بدموعي اضمد بالجرح لاتطبك اجفونك
ايتامك تون بألم هليله يردونك
كل واحد يصيح بهظم ماعيشن بدونك
ياريتك اتشوف هل أيتام يكسرون الضهر
دمعات العيون بالجفون تدك باب السحر
...............................
استورحت ريحت دفو فاكته من فتره
كلما أزور المصطفى اشتمه يم كبره
ذاك الحنان بطعمه أحس وتحزم بصبره
معناها اشم عطر العرش لو بركع الزهره
عطر الزجيه بالجروح نزل يمك حضر
دمعات العيون بالجفون تدك باب السحر
...............................
يابويه حيل اتئلمت ومختنك بالعبره
بحسين اشوفنك تصد وتعاين النحره
واعيونك بعين الكمر وتسولف بحسرة
يوليدي ردلها الشمس لو طلبت الحره
بوداعك اليوم يبو اتراب هدم حيل الكمر
دمعات العيون بالجفون تدك باب السحر
...............................
يعين الله كلمن فاركت بعد أمها والدها
ماعدها غير الون تضل والدمعه البخدها
غير المصايب والمحن جا زينب اشعدها
هليله جلمات الهضم تأخذها وتردها
ياليل الوداع بالونين خلص عمري وسهر
دمعات العيون بالجفون تدك باب السحر
...............................
ايتامك يصيح الحسن بعيوني اخليهم
بس خوفي لو مر الزمن واليحصل اعليهم
الشيعة بأجر تنذبح والكل تعاديهم
وباجر يتامه أهل الحشد محد يمر بيهم
آه وكت ذاك الأحقاد يكطعون النحر
دمعات العيون بالجفون تدك باب السحر
...............................
كل يتيم يحب علي بأجر يأذونه
ابن الشهيد بكل كتر يجارن اعيونه
بالحسره يكضي مساهره وبالهم يخلونه
واليندعون بحب علي هم مايرحمونه
اصعب زمن موت عل الحباب يهد قلب الحجر
دمعات العيون بالجفون تدك باب السحر
...............................
تمت
أحمد الخفاجي
BY الشاعر أحمد الخفاجي
Share with your friend now:
tgoop.com/ahm9ll/955