tgoop.com/ahmed_alziwar17/12850
Last Update:
#قصائد_ شهادة فاطمه الزهراء
#مؤسسة_منبريات_للخطابه_الحسينيه
🏴🏴🏴🏴🏴
#عظم_الله_لكم_الاجر😭😭
__
♡♡♡♡♡♡♡♡♡♡♡♡♡♡••••♡♡♡
قصيده ثقيله للسيده الزهراء عليها السلام
===========
ودعتها . دمعه دمعه
من الحنان انطفت شمعه
ليلي اليمر مانام
خلافچ ييمه ايتام
ودعتها .... ودعتها
===========
شالت وعافتني للهم والليالي
وياها يوم الغربت ضايع دلالي
صعب يجرح بلگلب فگد الغوالي
من الظلوع اتون شفتها وتاه بالي
روحي ذابت من شفتها
ترتحل ماحسبتها
الطم ودگ علهام
خلافچ ييمه ايتام
ودعتها ... ودعتها
💔💔💔💔💔
صعب يوم ام الوصل مابيه حيله
حملي لو يوگع يشفجه من يشيله
وسفه راحت للگبر امي الجليله
واليفارگ والده ايضيع دليله
الوالده من فارگتها
سنين عمري ضيعتها
ليچ الگلب محتام
خلافچ ييمه ايتام
ودعتها ودعتها
💔💔💔💔💔
يمه يوم الرحتي انه افگدت كلشي
بس دمع ضل ايتلاله فوگ رمشي
وره نعشچ بلحزن ضليت امشي
ريت مو نعشچ مشه ياريته نعشي
ريت ليه انه المنيه
يلي رحتي من اديه
والهم عليه اكوام
خلافچ ييمه ايتام
ودعتها ودعتها
💔💔💔💔💔
رحتي مني من وكت يايمه وسفه
يمه يم طبع الحلو والايد ترفه
بياحضن ماگلتي بنتي وين تغفه
يمه بردانه وريد ابحضنچ ادفه
روحي خلافچ نحيله
والدمع من دم نسيله
عمري صبح اوهام
خلافچ ييمه ايتام
ودعتها ودعتها
💔💔💔💔💔
يوم رحتي للگبر ضليت اعاني
يمه بسهامه الدهر صد ورماني
دهري حيرني بهلي وحرت بزماني
على عيوني الزمن ساطرني وعماني
بلگبر امي عفتها
دمعه من عيني ذرفتها
طيفچ صفه احلام
خلافچ ييمه ايتام
ودعتها ودعتها
===========
خادمة ال البيت الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
***
مؤسسة منبريات للقصائد النسائيه
https://www.tgoop.com/ahmed_alziwar17
رابط الكروب 👇
https://www.tgoop.com/+tVfRCNCfpmJlMGRi
BY 8.مؤسسة منبريون للنساء🧿
Share with your friend now:
tgoop.com/ahmed_alziwar17/12850