tgoop.com/ahmed_alziwar17/12889
Last Update:
#قصائد_ شهادة فاطمه الزهراء
#مؤسسة_منبريات_للخطابه_الحسينيه
🏴🏴🏴🏴🏴
#عظم_الله_لكم_الاجر😭😭
__
♡♡♡♡♡♡♡♡♡♡♡♡♡♡••••♡♡♡
قصيده ثقيله للزهراء عليها السلام
تقرأ بعدة اطوار
===========
يمه زينب لا تنوحين .....
يمه زينب بطلي الونين ....
يمه سَكتي الحسين وحسين ...
يمه زينب لا تنوحين
===========
دمعتچ تلچم اجروحي يلحنينه
يمه مكتوب الجره والصار بينه
صبري يبنيتي على اليجري علينه
گلبي ماينطيني اشوفنچ حزينه
ياصبرنه يعذب الحال
ياصبرنه يهدم اجبال
ياصبرنه وعملة البين
يمه زينب لاتنوحين
🥀🥀🥀🥀
شوفي صدري ظلوع منه مكسره
لاتنوحين وتهيجين الجره
وانه نار احشاي يمه موجره
وشوفي احزاني بگلبي مسطره
يادموعچ عذبتني
يادموعچ هيجتني
يادموعچ من تونين
يمه زينب لاتنوحين
🥀🥀🥀🥀
يمه دمعچ زيّد بگلبي الألم
هيّج احزاني وجرح ظلعي انلچم
شوفي عيني علوجه چف انرسم
حتى محسن يمه منهم ماسلم
يا ألمنه من الاصحاب
يا ألمنه ودفعت الباب
يا ألمنه وسطرة العين
يمه زينب لاتنوحين
🥀🥀🥀🥀
يمه زينب بسچ عيونچ عمن
عينچ اعلى اخوانچ حسين وحسن
ونتي صرتي ليهم الأم والوطن
تحملي وياهم اهات الزمن
ياعذابي من زماني
ياعذابي مرمراني
ياعذابي ونتي تدرين
يمه زينب لاتنوحين
🥀🥀🥀🥀
يمه خلي دموعچ لطف كربلا
من يروح حسين ويه العايله
هناك تلگين المصايب والبله
ودمعتچ تبقى على الخد سايله
ياسبايا وبلبراري
ياسبايا ويلحواري
ياسبايا ويلملاعين
يمه زينب لاتنوحين
===========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
مؤسسة منبريات للقصائد النسائيه
https://www.tgoop.com/ahmed_alziwar17
رابط الكروب 👇
https://www.tgoop.com/+tVfRCNCfpmJlMGRi
BY 8.مؤسسة منبريون للنساء🧿
Share with your friend now:
tgoop.com/ahmed_alziwar17/12889