tgoop.com/ahmed_alziwar2/61973
Last Update:
#قصائد_استشهاد_فاطمة_الزهراء(ع)
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
. ألْبَسْ سواد ----- أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
باسمج اتسمينه..الخدمتج وفقينه
الخدمتج وفقينه
يام الاحسين..ياام الاحسين
...
الليله ننخاج واجيناج يباب الرحمه
من تقبلين علينه تزيد النعمه
طبع الانسان يحب حيل وصول القمه
واحنه والله يزهراء نريد الخدمه
بهالدرب ثبتينه..الخدمتج وفقينه
الخدمتج وفقينه
يام الاحسين..ياام الاحسين
...
الله سواج اميره على املاكه
حبج النور بقه ايدور ضوه بافلاكه
خيرج وهاذ عطائج صعب ادراكه
تبقه الاجيال تجدد زمانج ذاكه
وبالضلع ذكرينه..الخدمتج وفقينه
الخدمتج وفقينه
ياام الاحسين..ياام الاحسين
..
بالعزائات كمالات تطور بينه
المنبر ايذيع خطابات عِبر ينطينه
اجمل ادروس مقالات تره اتوعينه
نحفظ اشياء عن الدين صدك تحيينه
مجلسج يهدينه..الخدمتج وفقينه
الخدمتج وفقينه
ياام الاحسين..ياام الاحسين
...
فاطميون اسمنه القيام الساعه
وبيت الاحزان بالاكلوب تضل اوجاعه
مهدويون نقدم السمع والطاعه
احسينج احنه يزهراء نضل اتباعه
ابجاه الامسلبينه..الخدمتج وفقينه
الخدمتج وفقينه
يام الاحسين يام الاحسين
...
ابصبرج وبالجراحات رعبتي الجاني
صحتي ياناس أميرة نبيكم اني
بت محمد كأني محمد ثاني
اثمنطعش عام ولاكن جبيره احزاني
ياشرف ماضينه.. الخدمتج وفقينه
الخدمتج وفقينه
ياام الاحسين ياام الاحسين
...
باجر ايكون بالاعيون ضريحج آيه
واحنه كل عام بالاعلام نجي مشايه
لازم اهناك عله الباب نسوي اقرايه
وابوفاضل بله اجفوف يشيل الرايه
من يجي مهدينه..ابخدمتج وفقينه
الخدمتج وفقينه
ياام الاحسين..ياام الاحسين
..
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
كروب تلبية الطلبات
https://www.tgoop.com/+EYMpn6BKE-IxYmZi
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/61973