tgoop.com/ahmed_alziwar2/67068
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
بعد اعيوني يمــه اشلونج جنـــج احسن
ياعافيتـــــي ليش اعيونج من دم يبجن
دكليلـــي اشيألمج أنه حسين اليكلمج
ليش اعيونج من دم يبجن
****
مجروح والنوح مسفوح على اخدودي ييمه
بـــلواي وياي دنياي احس بعيوني ظلمه
يبعد اروحيتي يالزهــــــــره يايمه الزجيه
سبع فدوات الج روحـــي نذر هاي المسيه
انهدم كلبي ذبل عمــري والي ادور المنيه
دحاجيني خلص كلشي رجف جدمي واديه
جنج هسه صحتج زينه بلكـــت طبتي
لأجلج يمه فدوه انفاسي وناذر صحتي
نزل بالدمعه دمج أنه حسين اليكلمج
ليش اعيونج من دم يبجن
****
شوفيه وطمنيه وخليه يجن كلبي الجرحني
مصيوب مرعوب متعوب كلف همــي الذبحني
نحل حيلي يالحبيبه وانه شــــــوفج عليله
الم ونج جرح كلبي وغدت روحي نحيله
لون علتج لون كسرج لون لو صح بديله
ابدلنه بكســـر ضلعي وجراحاتي الثجيله
اهواي المده طول كسرج يمته اتكومي
يمه الزهره اشــــهر مرن عايف نومي
فده اندار اعله اسمج أنه حسين اليكلمج
ليش اعيونج من دم يبجن
****
كل عين لحسين كل حين تصدلـــج يالحنينه
اتكومين تمشين تغــدين يرد فيــــــج علينه
اشوفنج يبعد اهلــــــي ترد بيج العوافي
مثل اول يوردتنه ترد ضـحكه بشفافي
بأذن الله المرض يبره بامر منه يشافي
ولاطبعج هجــر بينه ولاكلبــج يجافي
هــــا يحنينه منتظــــرينج كــــل اعيالج
كومي البيتج ياخيمـــــتنه تبجي اطفالج
دعا الربي يسلمج أنه حسين اليكلمج
ليش اعيونج من دم يبجن
****
مهموم مالجوم مهظوم تسولفلــــــي عيونج
مآسات آهات دمعات حجي بدمعة جفونج
تحضنيني وتضميني طبك كلبـــي اعله كلبج
احس غربه وسفر كرب يسولفلي اعله دربج
ألم هجرج وصل روحــــــج يداهمه ويطلبج
نعش موتج نزل كَلــــــــــــج تودعين اليحبج
ايدج ترجف تحضن صدري واتودعيني
ضمــــيتيني حـــيل الحضنج واتشـــميني
يالحبيبه اشيهظمج أنه حسين اليكلمج
ليش اعيونج من دم يبجن
****
نيران واحزان واشجان بعد شلي بحياتي
جمرات لوعات حسرات اناطر بس مماتي
لون رحتي رحل كلشي بــــعد خيم حزنه
على افراكج اون وانعـه بدمـــع يم المحنه
انهدم بيتي بعد عينـــج يخيمـــــــتنه وطنه
انكسر ظهري مشه الغالي بعد مامنه ضنه
لوهاجـــــرتي لوغمضــتي اتموت امالي
اتموت الفرحه وابقه بغربه مدري اشحالي
اموتن وانه يمج أنه حسين اليكلمج
ليش اعيونج من دم يبجن
****
ابو علي الركابي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67068