tgoop.com/ahmedalbasrawi/1586
Last Update:
منهاج محرم الحرام لعام 1446 هـ
قصيدة للمشاية
عوز وفكرت... حتى اگضي المعاناة
أبيعن قررت...عـاليـمــشــون رايـات
ورغـم مـا مـشـتـريـهـن چـنـت بالـدين
صحت بس اوصلت باِثـواب الحسـين
عـاليـمــشــون رايـات
العـوز هـواي شـل حــالي
ارد لـلبــيــت واطــفـــالي
ألـگـاهـــم يــتـانونـي
ارد مـا بـيـدي إلـهـم شـي
وحتى امـدنگ من امشي
وسكته وتدمع عيوني
وگلت خير الله هاي السنه المشايه
ادور رزقـي ابـيـع هنـاكه چـم رايه
واول ما وصـلـت اطـفـالـي ويـايه
بثواب حسين طلعت منه الحچايه
واطفالي وعلي.. فرحـتهـم بالعـيون
إلتـفـتـو إلـي..وشبگوني ويشكرون
وصــاحــو انــت والـلـه الـوالـــد الـزين
صحت بس اوصلت باِثـواب الحسـين
عـاليـمــشــون رايـات
ــــــــــــــــــــ١ـــــــــــــــــــــ
گـضت رايـاتنـه إگـعـدنه
اشنوزع كلشي ما عـدنه
واطفالي ينظرولي
نزعت شماغي وافتحته
گـالـو شـنـهـي سـالفـتـه
گتلهم اسـمعـولي
شكو هنانه طفل يمشي إركضوله
وبشـمـاغـي تعـنـو افـيـاي سووله
وعلي يحرسك يبعد الروح گلوله
واذا تعـبان امـشو اوياه وتچـوله
وفرحـو بالأمـر... وركضو سوى وحفاي
لكل طفل اليمر... أَنـظــر ســوو افـيـاي
ورحـت لـلي سـأل لــيـش بكـلمـتـين
صحت بس اوصلت باِثواب الحسين
عاليمشون رايات
ــــــــــــــــــــ٢ـــــــــــــــــــــ
بـعــد فــتـــره وإلـي رَدو
ومهضومين احس گعدو
ومن گتلهم اشبيهم
گـالـو والدمـع يـسـچـب
يـا بـويـه إجـه المغـرب
بعد إلمـن نفيـيـهم
ما عندك يبويه اي شي نوزعلهم
هنانه الخنگـه والمدري شأگللهم
انه الما عندي حتى اگدر اوكلهم
للتوزيع شأگـدر حتـى اجيـبلهم
وگـتـلـهــم نِـرِد...وباچر نرجع اردود
وبالـ هَم منمرد...اشنوزع لمن انعود
الرايـات وگـضـن يـا أبـو الحـسـنـيـن
صحت بس اوصلت باِثواب الحسين
عاليمشون رايات
ــــــــــــــــــــ٣ـــــــــــــــــــــ
وصــلــت لـبـيـتـنـه بـهـمـي
ومـشــايـه اوجــدت يـمـي
وصحت حي الله بالزاير
فــــارغ بـيـتـي بـس ادري
وسالت أهلي بدمع يجري
وگـالـو زادهـم حـاضـر
يـا حـاضـر وفـارغ بيـتـي خليـته
گـالو شــاب اجـانـه وانت وديـته
بتجـاره اليـوم ابـوكم گال لاگيته
اويه حسين اليتاجر حلوه تاليته
وآنـه شـقـدمـت...لكـن هوَّ ابـو الخير
شكثر روحي لِمِت...چنت اتعنه للغير
ولـلـــزوار رحــت ودمـعــي بـالـعـيـن
صحت بس اوصلت باِثواب الحسين
عاليمشون رايات
ــــــــــــــــــــ٤ـــــــــــــــــــــ
بعد ما مـش عـذر عـندي
يـــلا اتـهـيئـو يـا ولــدي
موكب خيرنه ايكفّي
وراي انطوني بالخدمـه
شِـنــقـــدم لابـو اليـمـه
وقَدَر ذره إله انوَّفي
اكـبـار اصـغـــار نـوگــف بـالشـمــس لَـمَـه
والــزايــــر رزق يــعــبـــــرنـــه لا زحـــمـه
واذا ما يرضى اقل شي مسحو لو جدمه
تــراب الـزايــر اعـلــه وجـوهـكــم نـعـمـه
مَتمـسـه سقر...العليه من عدهـم اتراب
خدمتهم فخر...العـنـد حـسـين أحبـاب
وبـدربــه وعــلــي كــل هـاي السـنـين
صحت بس اوصلت باِثواب الحسين
عاليمشون رايات
ــــــــــــــــــــ٥ـــــــــــــــــــــ
نسألكم الدعاء والفاتحة لوالديَّ
احمد البصراوي العبادي
BY الشاعر أحمد البصراوي العبادي
Share with your friend now:
tgoop.com/ahmedalbasrawi/1586