tgoop.com/ahzan2018/14509
Last Update:
ندبه نخوه للزهراء عليها السلام
===========
ياريت الزچيه
تحضر بلمنيه
تحضر شدتي هناك
وتگلي انه وياك
وتأمن عليه
ياريت الزچيه
===========
ردت وياي تحضر بلگبر كون
وبيديها الشريفه تغمض العيون
ماعندي عمل ياناس تدرون
بس اخدم لهلها
دمعت عيني اهلها
ترش گبري اميه
ياريت الزچيه
🕳🕳🕳🕳
لو غمضت عيني تحضر وياي
تأمني وتساعدني اعلى بلواي
تره ذنوبي يزهره صارن هواي
ماعندي وسيله
غيرچ يلجليله
تضل عينچ عليه
ياريت الزچيه
🕳🕳🕳🕳
كون وياي اريدچ يوم الحساب
وتعينيني مولاتي ب الاجواب
احلفچ بلذبيح وذاك المصاب
حضريني يزهره
الخادم خلص عمره
وكلشي مابديه
ياريت الزچيه
🕳🕳🕳🕳
اريد وياي مولاتي تحضرين
لو سألوني ابدالي التردين
ماعندي عمل بس حب الحسين
اكتب وقره لحسين
رصيدي دمعة العين
ولو هاذا شويه
ياريت الزچيه
🕳🕳🕳🕳
اعمالي صفر ونتي الشفيعه
خادمتچ تراني يلوديعه
تره عمري گضه وخلّص ربيعه
العمر جاز وتعده
تره خلصت المده
خلصت هاي هيه
ياريت الزچيه
===========
خادمة ال البيت الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد 👇
https://www.tgoop.com/ahzan2018
BY قناة الحجية أم علي البصرة🏴أحزان وافراح العترة الطاهرة
Share with your friend now:
tgoop.com/ahzan2018/14509