tgoop.com/ahzan2018/14512
Last Update:
نخوه ل سفرة السيده الزهراء عليها السلام
تقرأ بطور الثقيله والمربعه
===========
السفره گابلتها وصبت العين
صحت مالومه جيتچ يم الحسين
اجيتچ بلگلب نار
بجاه الساده الاطهار
اعرفنچ كريمه وماتقصرين
السفره گابلتها وصبت العين
===========
اجيت لسفرتچ وانه حزينه
يهد اجبال ياهم العلينه
ندبناچ بگلب صافي وبچينه
صحت دخيلچ اليوم
جيت بگلب مهموم
يابنت النبي بجاه الميامين
السفره گابلتها وصبت العين
🍛🍛🍛🍛🍛
احلفچ بلنشامه الچنهم اقمار
تره حزن العليه ابد ماصار
گلبي من المصايب مشتعل نار
بردي الگلب والروح
كثيره بيه الجروح
احلفچ بلعزيزه ام البنين
السفره گابلتها وصبت العين
🍛🍛🍛🍛🍛
سفرتچ گابلتها وعيني تجري
والزهره الزچيه زين تدري
بحالي والجرالي ويه دهري
دهري عاند وياي
عينيني اعلى بلواي
بحالي يازچيه زين تدرين
السفره گابلتها وصبت العين
🍛🍛🍛🍛🍛
گعدت اگبالها وصبت عيوني
اريد امراد وبأيدي انطوني
يزهره بيچ ماخابت اضنوني
ياما گضيتي حاجات
ونتي ام الكرامات
والگاصد سفرتچ ماتخيبين
السفره گابلتها وصبت العين
🍛🍛🍛🍛🍛
ماخاب الگصدها ادري بيها
كل ما طيح انه بضيچ اعتنيها
اجيت وحملي ذبيته عليها
حملي كسر ضهري
وخان وياي دهري
ثكيل الحمل ونتي الي تعينين
السفره گابلتها وصبت العين
🍛🍛🍛🍛🍛
اجيت انه السفرتچ گابلتها
والدمعه على السفره اذرفتها
والحاجه بعباتچ علگتها
وطلبنه مراد منچ
ومتخيبينه اضنچ
حاجات شكثر للناس تنطين
السفره گابلتها وصبت العين
===========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد 👇
https://www.tgoop.com/ahzan2018
BY قناة الحجية أم علي البصرة🏴أحزان وافراح العترة الطاهرة
Share with your friend now:
tgoop.com/ahzan2018/14512