tgoop.com/ailyihg/11893
Last Update:
((( لطميه للأم )))
ضعنه من بعد الحنينه
والزمان اشسوه بيـنه
———————————-
صار سلوانه البجي
عكبج هواي الحجي
يالحنينه…..يالحنينه
————————————————
يمـه تـدرين بـدلالج عايـش ويـاي
من مشيتي ثـكل حـملي وزاد بلـواي
افراكچ و وحشت مكانج توجع اهواي
ظلمة يايمه صبحت يم حسن دنياي
آه ياطبـت الـنزل
زيدة حـملي ثـكل
يالحنينه….،،،،.يالحنينه
————————————————
من اطب بيتج وشوفه موحش البيت
احضن اهـدومج ييمه وحـيل نـاديت
حاظره يمي يايـمه وتـارسـه البـيت
عشت لحضات بخيالي وفجئه فزيت
الفركه ندهتني بالألم
تكـلي يالمـاعنـدج أم
يالحنينه…،،،،،..يالحنينه
————————————————
يمه ندهتني الحقيقه وكلبي مجروح
اغفه بيج واصحه يمه مرافكه النوح
رحتي وتلاشت امالي وحلمي مذبوح
موحشه دنـياي شـالت سـلوة الروح
شالت وحط الحزن
موحش البيت ويون
يالحنينه…،،ـ،..يالحنينه
————————————————
آه يايمه بغيابج ضلـعي مكسور
والضلع ثـاني ضهدني بيوم عاشور
ويلي ياكسري الجبير الماهو مجبور
من زغـر فاركت هلي وقلبي مقـهور
كسرة حسين وحسن
يمه بضـلوعي يـون
يالحنينه…،،،،،..يالحنينه
"""""""""""""""""""""""""""
تمت بعون الله
https://www.tgoop.com/ailyihg
BY قنـاة دمعـــة الــــــزهراء آلَشُآعٌرهّ ڪـــلثوم الســــاعــدي
Share with your friend now:
tgoop.com/ailyihg/11893