tgoop.com/alehssaneducources/546
Last Update:
بسم الله الرحمن الرحيم
مبادرة الإحسان الخيرية
*مشروع الحقيبة الرمضانية الموسم الثالث*
السلام عليكم ورحمه الله
طابت اوقاتكم بكل خير
طبعا المبادرة دي هي من صميم قنوات الإحسان الطبية فاتمنى من الجميع المشاركة في الاجر
زي ما عارفين رمضــان قرب ربنا يبلغنا ليو كلنا بعافية وسلامة ويقدرنا على صيام نهاره وقيام ليله ❤️
زي ما عارفين في اسر متعففة في رمضان بكونو شايلين هم الافطار وكيف يقدر يوفر لاولادو فطور رمضان مع غلاء الاسعار والتقلب الحاصل في البلد دي والعيشة البقت صعبة (ربنا يهونها على الجميع ان شاء الله)
عشان كدة نحن في مبادرة الإحسان الخيرية في كل سنة بنعمل مشروع الحقيبة الرمضانية عشان نمد يد العون للاسر دي ولو بالقليل ونخفف عليهم المعاناة عسى ولعل ربنا يخفف علينا من اهوال يوم القيامة.
بحمد الله المبادرة نجحت في عمل المشروع دا لموسمين ودا الموسم الثالث عايزنو يكون افضل وعدد الاسر يزيد اكتر ...
فجيناكم بمشروع الحقيبة الرمضانية الموسم الثالث....
طبعا في الموسم دا مستهدفين 50 اسرة بعدد 50 حقيبة رمضانية ان شاء الله
سعر الخقيبة الواحدة 30000 جنيه سوداني
التكلفة الكلية للمشروع 1500000 جنيه سوداني
مكونات الحقيبة:
سكر - زيت - بصل - بلح - عدسية - كركدي
ولو القروش كانت اكبر من المخطط ليها ح نزيد الاصناف والكميات وتكون حاجة كافية جدا للاسر ❤️
واملنا في ربنا كبير ثم بعديهو فيكم وفي الخيرين ....
ولا تنسوا قول النبي صلى الله عليه وسلم ( لأن امشي في حاجة اخي خير لي من ان اعتكف في مسجدي هذا شهرا ) او كما قال
(ان الله في عون العبد ما دام العبد في عون اخيه)
بنستقبل الدعم العيني :
بصل، زيت، عدسية وسكر
كل ما عليك اتصل لينا ونحن بنجيك في محلك بنستلم منك او لو عايز توصل لينا نحن في قرية ود العيس شرق مدينة سنجة ولاية سنار
ارقام التواصل :
0127238773
0901115444
*ارقام التبرعات:*
*حساب بنك الخرطوم*
2493650
باسم المنزر محمد جادين _ فرع سنار
*حساب بنك فيصل*
51300813
*ارقام تحويل الرصيد*
0901115444
0114776471
BY الإحسان للكورسـات التدرييـة
Share with your friend now:
tgoop.com/alehssaneducources/546