مِبْحر
والشراع اظنون
والضفّة ابكبر عينك
يمغرور إبعفى العشرين
لابد ما يمر خطّار
يشرب گهوة إسنينك ..

عبد الوهاب الحمداني

روحي ولا تگـلها شبيج ..وانت الماي
مگطوعة مثل خيط السمج روحي
حلاوة ليل محروگة حرك روحي
وعتبها هواي ما يخلص عتب روحي
ولا مريت ولا نشديت ولا حنيت
گالولي عليك هواي
ياثلج اللي ما وجيت

عودان العمر گضن كلهن گضن وياك
يافي النبع واطعم عطش صبير ولا فرگاك
تعال بحلم واحسبها الك جيه واگولن جيت
ودخول السنة من الگاك يا ثلج اللي ما وجيت
ولا التفتيت ولا واعديت ولا استخطيت
ولا طارش جذب وديت
ولا مرة شلت عينك تعرف البيت
ولا مريت ولا نشديت ولا حنيت
گالولي عليك هواي يا ثلج اللي ما وجيت
عمر وتعدى الثلاثين لا يافلان
عمر وتعدى وتعديت لا يافلان
واغمض عود اجيسك يا ترف
تاخذني زخت لوم
واگلك ليش وازيت العمر يا فلان
يا فلان العمر يا اشگر ولك يا فلان
ورحت براي وجيت براي
وحسبالي سنة وسنتين وثلاثة
واشوفك ذاك اللي بگلبي
واذوقك ماي
وگالولي عليك هواي

مظفر النواب

نصيحة اسمعوها بصوت طالب القره غولي

كبران بيـّه العـگد
كبران بيـّه الدهـر
كبران بيـّه الليل ،
و الحيرة ، گامة عطش تصعد بروحي سما
لو ع الگلب مريت
ولو جاس دمي العشگ ، زغران أرد للبيت !

علي الشباني

روحي أعله روحك تنسحن
حن وانا احن

مظفر النواب

مرسومهَ بـ جلدنه ذيچ الانيـــاب
الجرح لو طاب هم يترك نياشين

كاظم أسماعيل

يارفت دليلي ورجفة اجفوني
من يحجي الگلب وياك وانه أسكت

شاكر السماوي

هذن مرن عليه وفايتات هواي
الويهن صبر ويخساً يلوني
جبت عمري سفينة مكابل وية الموج
ما شفت المراسي بيوم لفني

رحيم المالكي

هذا عمـري مكالب اويه الضيم
ما مــر الضحج مـرة اعله سني .

عريان السيد خلف

اجيتـك ّعـود اداوي بـشوفتك جــّرحي َ.!

غني محـسن

لطيفك صلّت جفوني ويمر ذكرك نهر
يجمع سواجي الروح ،
ها غمج العطش بالروح


لـ عزيز السماوي💭🧡

تحنّن ، دوس فوگ الروح
واحسبها عليّ منه


مظفر النواب

كبرت انهَ وزغر كلشي ..
الدرب والشوگ
والدنيــا
وضمير الناس

ما مشتاگلك
بس ودّي أشوفك
حتّى تشوفني وتبچي

وأعوفك

لــ عبد الكريم القصاب