الشاعر الحمزة المغربي

اليوم الساعة العاشرة صباحًا واحنا بنصتبح
فجأة يدق رقم غريب على تلفون البيت
وكالعادة جوبت عليه أنا:-
ألووه ألوووه وهو ساكت ولا كلمة!!
وفجأة سمعت صوت طفلة تقول:- يا بابا أنا موقّفة؛؟ وفي لحظة عرفت أنها #كوثر بنتي اللي عمرها ٧ سنوات ، قلت موقفة ليش قالت مدري!؟
وقفّلَت ، أنا صُعقت ولبست بسرعة البرق ونزلت القسم وقلت لهم بنتي موقفة عندكم ليش توقفوا طفلة استحوا قالوا والله ما وقفنا طفلة قلت لهم اتصلت بي من رقم غريب وقالت موقفة تأكدوا
قالوا بانتصل للعمليات وسألوا قالوا العمليات مابش عندنا هذا الإسم ولا بنوقف أطفال وقع للعسكري ما تيسر من الشتم لوما دمّع وقفّل وهو بهرر فوقي وقال اعجبك؟!
قلت اصبر اتصلت على البيت قلت اتصلوا على نفس الرقم وابسروا البنت وين موقفة ما لقيتها بالقسم ولا إدارة الأمن !؟ قالوا هي بالمدرسة ، وأنا قلت صح هي بتدرس في صف أول واعتذرت من الرجال ونزلت على طول المدرسة ودخلت مهرول على طول والبواب مسكني قال وين عتسير قلت له أسير ابسر البنت حقي ما قد فعلت من نثرة لوما تتوقف قال هاه هي اتصلت بكم وقالت موقفة قلت أيوة قال خلاص ادخل الإدارة المالية !!؟ دخلت وجدت المالية حق المدرسة بين أقول لها ايش الخبر قالت أنت ولي أمر من ؟! قلت كوثر وزين العابدين قالت عليكم قسط للمدرسة!؟ قلت طيب هذا القسط الأخير وأنا مسدد كل الأقساط وعاد الترم الثاني في نصه ليش توقفوا البنت وتفجعونا هذه الفجيعة كلها !؟
قالت خلاص عفوا أهم شي يجي يوم ٢٥ وقد سددت القسط..
طيب والفجيعة والقسم وادارة الأمن وأنا وكيف ..
صراحة مدرسة ممتازة وقد كنت فكرت اكتب لهم أنشودة بعدما لمست اهتمامهم بالطالب من جميع الجوانب لكن بعد نثرة اليوم وهذه الحرب النفسية التي حصلت ما عادنا كاتب شي وما مليح إلّا وحمى ...!!

#التعليم_رسالة_سامية
#وليس_حرب_نفسية

www.tgoop.com/alhamzaalmaghrabi/5616

695 viewsJan 12 at 19:51

اليوم الساعة العاشرة صباحًا واحنا بنصتبح
فجأة يدق رقم غريب على تلفون البيت
وكالعادة جوبت عليه أنا:-
ألووه ألوووه وهو ساكت ولا كلمة!!
وفجأة سمعت صوت طفلة تقول:- يا بابا أنا موقّفة؛؟ وفي لحظة عرفت أنها #كوثر بنتي اللي عمرها ٧ سنوات ، قلت موقفة ليش قالت مدري!؟
وقفّلَت ، أنا صُعقت ولبست بسرعة البرق ونزلت القسم وقلت لهم بنتي موقفة عندكم ليش توقفوا طفلة استحوا قالوا والله ما وقفنا طفلة قلت لهم اتصلت بي من رقم غريب وقالت موقفة تأكدوا
قالوا بانتصل للعمليات وسألوا قالوا العمليات مابش عندنا هذا الإسم ولا بنوقف أطفال وقع للعسكري ما تيسر من الشتم لوما دمّع وقفّل وهو بهرر فوقي وقال اعجبك؟!
قلت اصبر اتصلت على البيت قلت اتصلوا على نفس الرقم وابسروا البنت وين موقفة ما لقيتها بالقسم ولا إدارة الأمن !؟ قالوا هي بالمدرسة ، وأنا قلت صح هي بتدرس في صف أول واعتذرت من الرجال ونزلت على طول المدرسة ودخلت مهرول على طول والبواب مسكني قال وين عتسير قلت له أسير ابسر البنت حقي ما قد فعلت من نثرة لوما تتوقف قال هاه هي اتصلت بكم وقالت موقفة قلت أيوة قال خلاص ادخل الإدارة المالية !!؟ دخلت وجدت المالية حق المدرسة بين أقول لها ايش الخبر قالت أنت ولي أمر من ؟! قلت كوثر وزين العابدين قالت عليكم قسط للمدرسة!؟ قلت طيب هذا القسط الأخير وأنا مسدد كل الأقساط وعاد الترم الثاني في نصه ليش توقفوا البنت وتفجعونا هذه الفجيعة كلها !؟
قالت خلاص عفوا أهم شي يجي يوم ٢٥ وقد سددت القسط..
طيب والفجيعة والقسم وادارة الأمن وأنا وكيف ..
صراحة مدرسة ممتازة وقد كنت فكرت اكتب لهم أنشودة بعدما لمست اهتمامهم بالطالب من جميع الجوانب لكن بعد نثرة اليوم وهذه الحرب النفسية التي حصلت ما عادنا كاتب شي وما مليح إلّا وحمى ...!!

#التعليم_رسالة_سامية
#وليس_حرب_نفسية

BY الشاعر الحمزة المغربي