tgoop.com/alhassnay/6462
Last Update:
يدفان العقيله
يـدفـان العـقـيلـه .. الـتراب بـهـيده هـيلـه
لا تـلچــم مـتـنـها .. الغريـبه يعـله ونـها
الـتراب ابهـيده هـيلـه
……………………………
حـيـره ويالغـريبـه منـيـن ابــدي
يريتك مو لحدها احفـرت لحدي
مصيبتـها العـقيله تشيب العيون
مـيتـه وضل متـنـها جرحه يـدي
الجروح بنـص المـتون .. تـنـبـع مـثل العـيـون
اخاف ابهيل التراب .. تطگ اجروحها ام عون
على هـونـك علـيها .. غـمـيجـه اجروح بـيها
حـذر صير بدفنـها .. الغريبه يعـلـه ونـها
التراب ابهـيده هـيله
……………………………
العقيله البالغـرب خلـص عمـرها
بـهـيـده بـهـيـده نـزلـها بـگـبـرها
وسيعه اجروح بيها من الاسياط
چـان بـقـوتــه يطـگـها الأسـرها
فـتح بمـتونها اجروح .. وزراگ البيها ميروح
العقيله بسفرة الشام .. الدرب تگضيه بالنوح
الضرب كـاسر ضلعـها .. شكـثر صبت دمعـها
الدمع جرح جفـنـها .. الغـريبه يعـلـه ونـها
التراب ابـهـيده هـيلـه
……………………………
الگـبر وسعـه يـدفـان الغـريبه
ولا تـلچـمـها وتـهـيج المصيبه
اديـها مورمـه من جــر الحبال
ومچـويـات رجـلـين الحـبـيبه
بديـها باقـيـه اثــار .. مـن العـات والجــار
وبرجليها الجروح .. بكـثر ماسحگت النار
حـبـال اللوعـتـهـا .. واخــيام الچـوتـهـا
لهسه تنوح منـها .. الغريبه يعلـه ونـها
التراب ابهـيـده هـيله
……………………………
مـاتـت والسـبـي مـبـيـن علـيـها
ومصايب كـربله مرسومه بـيـها
برمـوش العـقيله طالـع الشـيب
قـهر شاطت لمن حرگـو عبـيـها
من شوغات الخيام .. صارت جـلـد وعـظام
شافـت تـاكـل النـار .. عـبي ونسوان وايتام
من سـلبـو خـدرها .. مـاتـت مـن قـهـرها
وضلت من حزنها .. الغريبه يعـله ونـها
التراب ابهيده هيله
……………………………
مع كـل الاسف تدفنـهه سكـته
محد يلفي ليـها ايصب دمعـته
راح الچان خيمـتـها وحمـه الها
البجـالــه تـضل امـدللـه اخـتـه
تدفن سكـته بالليل ؟ .. الزينب مامش اعـويل
اخـوها حسين ذبحوه .. ومسحگ صار للخيل
يحـضر ياهـو لـيـها .. بالطـف ضل ولـيـها
بعيد حسين عنـها ..الغريبه يـعلـه ونـها
التراب ابهـيده هيلـه
……………………………
بلايـه اخـوان ضلت ياهـظمـها
الغريـبه بكـربلـه ذبحــو زلـمـها
ويوم البيه وگـع كافلها عباس
ماتت وي ذبـح حـامي خـيمـها
فوگ الشاطي من طاح .. من عدها الخدر راح
ومشـت مسبـيه للشـام .. من شالـوه عالرمـاح
من مـات الكـفـلـهـا .. گــرب لـيــها اجـلــهـا
والـكافـل ضعـنـهـا .. الغريبه يعـله ونـهـا
التراب ابـهـيده هيلـه
الشاعر عقيل الحسناوي..
BY الشاعر عقيل الحسناوي
Share with your friend now:
tgoop.com/alhassnay/6462