tgoop.com/alhseen313/2456
Last Update:
7محرم
نعي مولاي قمر العشيرة ع
مولاتي زينب اتگول
حسين الظهر خـويه ماله محني
وانه المجبـلهم ابدن ما لمحـنـي
طلع فخر الـهواشــم مـلا محني
أگــولـــن مـا فـزع عـبـاس الـيـه
مولاي قمر بني هاشم ع وهو يقاتل كأني به يستمع إلى صوت أتى من صوب المدينة ايگله
عـبـاس يـبنـي لا تـعـوفـه
وچفوفك افديها الچفوفه
وصل سلامي من تشوفه
گله الحنينه اتسلم اعلـيك
ماعافت ابدن يوم طاريك
وصتني ماعوفك وحاميك
حنيما وقع العباس ع صاح أخي ياحسين أدركني يأتي الحسين يجلس بجنبه شيگله
ظهري كسرته لمن طحت ظهري كسرته
وسفه شمرته خويه اللوه وسفه شمرته
خويه اجيتك وارد احاچيك
مـا قـصريت اويـاي ادريـك
لو سألت عليك شكل لام عون انه لو سألت عليك
رجع مولاي الحسين ع طب الخيمة ابو فاضل وگّع عامود الخيمة شافته ام عون اتگله
وشلون شيله شالوا هلي وشلون شيله
موخوش ليله يوم المشوا موخوش ليله
مهدود حيـله الفارگ اخو مهدود حيله
عـبـاس بـلّـه منيـن اجيبه
وراويه حال اخته الغريبه
نهيبه لو غرب احزامك نهيبه
الـگـرب لـلعلـگمي مـاظـل خـو ويـنـه
العده بچف الگمر صاحوا خــويــنــه
بـيـوم الشده ابـو فـاظـل خَــوِيــنــه
نــنـدبـــه ومـا يـــرد چــفــنــه خــلـــيــه
وسف دم گمر هاشـم سال منه
وعلي اسهام النوايب سـالِـمـنه
وفـي العـباس چـفـه سلمه النه
رغـم مـا طفّت اعـيـونـه المـنيـه
============================
#الشاعر_الميرزا_محمد_الساعدي
BY المصيبة الراتبة💔ياحسين💔
Share with your friend now:
tgoop.com/alhseen313/2456