tgoop.com/aliQ0Q/1199
Last Update:
🌹مولد الاقمار المحمديه 🌹
يا هلا بشهر الفرح واخـــــباره
هل علينه وجايب احلا ابشاره
ــــــــــــــــــــــــــــــــــــــــــــــــــ
اول ابشاره يزفها اعـــــلينه
مولد حسين السبط والــينه
بهالولادة افرحنه وانسريـنه
هذا ابن خير العمل / بسمه دين الله اكتمل
الله للدين اجتباه وختـــــــاره
يا هلا بشهر الفرح واخـــــباره
ــــــــــــــــــــــــــــــــــــــــــــــــــ
يا شهر شعبان يا اجمل شهر
رابع ايامك اجه وجايب خبر
مولد الوفّاي عبــــاس الگمـر
يا هلا براعي الشيم / هذا شيال العلم
باجر ايخلي الكــــفر محتاره
يا هلا بشهر الفرح واخـــــباره
ــــــــــــــــــــــــــــــــــــــــــــــــــ
ينجلي ابشعبان كل هم الـــــفؤاد
والفرح ينتشر ويعم كل بـــــــلاد
خــــامس ايامه انولد زين الــعباد
رابع العصمه انولد / يبقى خالد للابد
علمه باقي وما تجف انهـــــــاره
يا هلا بشهر الــــفرح واخـــباره
ــــــــــــــــــــــــــــــــــــــــــــــــــ
البهجه تبقى وتستمر اعيادي
لمولد الاكبر شبيه الهـــــادي
تاسع بشعبان بســــمه انادي
يا هلا وميت هلا / فرحت اگلوب الملأ
بزغت وشعّت علينه انـــــواره
يا هلا بشهر الفرح واخـباره
ــــــــــــــــــــــــــــــــــــــــــــــــــ
١٥ شعبان مـــــنتظرينه
تكمل الفرحه وتتم اعلينه
آبو صالح ينولد مهـــدينه
ينولد هذا الشهر / حجة الله المنتظر
معجزه وبس الله يدري اسـراره
يا هلا بشهر الفرح واخـــــــباره
علي كاظم المنصوري
BY الشاعر علي كاظم المنصوري
Share with your friend now:
tgoop.com/aliQ0Q/1199