tgoop.com/aliQ0Q/1229
Last Update:
الى المولى المقدس الشهيد
محمد محمد صادق الصدر ق
عالعهد باقين ما ننسه الوصـــيه
ما نعوف الجمعه ونبيّع القـضيه
اي وحگ موسوعتك
ما نبطّل جمــــــعتك
يا صدرنه ويا زعيم المرجــعيه
ــــــــــــــــــــــــــــــــــــــــــــــــــ
عالعهد باقين ما ننكث عـــــــــهدنه
للمنيه وياك ما نــخلف وعــــــــدنه
نحضر الجمعه ونصلي احنه و ولدنه
لو الف هدّام يـــــــــرجع ما يــــردنه
لا نخاف ولا نهـــاب
بسمك انذل الصعاب
هذا منـــهجنه لحد يوم المنيـه
ما نعوف الجمعه ونبيّع القـضيه
ــــــــــــــــــــــــــــــــــــــــــــــــــ
الجمعه من بحر المظالم طلعتنه
بظلم الاْستعباد جِنه وحــررتنـه
للعقيده اعلام صرنه وخـرجتنه
والله عالحق ما نساوم علمتنه
نبقى للحق ثائرين
نبقى ضد المفسدين
ما نجامل نقسم بضلع الـــزجيه
ما نعوف الجمعه ونبيّع القـضيه
ــــــــــــــــــــــــــــــــــــــــــــــــــ
امحبتك بالروح ضلت يا ولينه
نلهج بطاريك دوم وما نـسينه
انته حي وما متت ليهسه بينه
مــنك ادروس الحياة اتعلمينه
انته سلطان وحكيم
طيّب وگلبك رحيم
عالم ووارث علــوم الحــيدريه
ما نعوف الجمعه ونبيّع القـضيه
ــــــــــــــــــــــــــــــــــــــــــــــــــ
انته عزنه وانته هيبتنه وفخرنه
واجب اعلينه نضحيلك عمــرنه
ما يهمنه لسولف ويحجي بضهرنه
نبقى حد الموت نهتف يا صـدرنه
بالحياة وبالمـــــــماة
اسمك ايذل الــطغات
يرعب الشمّات واتباع ال اميه
ما نعوف الجمعه ونبيّع القـضيه
ــــــــــــــــــــــــــــــــــــــــــــــــــ
من تمر ذكراك يا سيد عـــــــلينه
ممشى نتعنه وشمع نشعل بــدينه
لگبرك انصارك تجي تنوح وحزينه
من بعـــــد عيناك كلنه اتيـــتمينه
يا قتيل ويا خضيب
يا جرحنه لما يطيب
حگنه نبجي اعليك كل صبح ومسيه
ما نعوف الجمعه ونبيّع القـضيه
ــــــــــــــــــــــــــــــــــــــــــــــــــ
علي كاظم المنصوري
BY الشاعر علي كاظم المنصوري
Share with your friend now:
tgoop.com/aliQ0Q/1229