tgoop.com/aliQ0Q/1366
Create:
Last Update:
Last Update:
نعي لسان حال الفاگد اب
الله يحفظ ابائنا الأحياء ويرحم الاموات منهم
اناطر جيتك وغفه اعله طاريك
وعاين عالدرب وگليبي مالـوم
اصبّر بالكَلب لو صبّر الروح
يمته اترد عليّ وتزيح الهموم
اتاني من الصبح للعصر ورجاك
من يوم الشلت من عدنه لليوم
نايم بالگبر ومخلي العيال
يبويه وداعتك موش الك هالنوم
فز من الگبر يالشوفتك عيد
يبو طبع الحلو من نومتك گوم
اخذت العگل تدري بمشيتك هاي
و نصين الگلب يالغالي مجسوم
منّ انضر يبويه ايشيّب الراس
على عگالك معلگ ويه الهدوم
ما حسبت تمشي وعني اتغيب
حسبالي تضل وياي للدوم
علي كاظم المنصوري
BY الشاعر علي كاظم المنصوري
Share with your friend now:
tgoop.com/aliQ0Q/1366