tgoop.com/aliQ0Q/1435
Last Update:
♥️الى صاحب الزمان (عج) ♥️
فرحانه الانس والجن سويه
بصّيارك ياليــــث الجعفريه
ــــــــــــــــــــــــــــــــــــــــــــــــــ
خبر ميلادك الليـــــله وردنه 📩
فرحنه وشلنه بيدينه وردنه 🌹
ننتظرك يبو صالـــــح وردنه 🤝
تعـــجل،بالفرج يبن الزجــيه
بصيارك ياليــــــث الجعفريه
ــــــــــــــــــــــــــــــــــــــــــــــــــ
روحي انته ونبض گلبي ووّريده 🫀
وغيرك ما احب واحـــد وريده 🫂
ياهو المثـــــلك انضرله وريده 👀 🫲
تغرف خير. وتقــدّم اليه
بصيارك ياليث الجعفريه
ــــــــــــــــــــــــــــــــــــــــــــــــــ
مزار اصبح اليه اسمـك وقبله 🕋
واخطّنّه على اجروحي وأقبله 💋
بالذر حبك اتواجـــــــد وقبله ⏪
قبل لا انولـد مـزروع بــيـه
بصيارك ياليــــث الجعفريه
ــــــــــــــــــــــــــــــــــــــــــــــــــ
صوب المنتظر گلبـــي اوجها ✈️
وشمعه بمولده روحي اوجّها ❤️🔥
الگمر من نور جف ايده ووجها 👤
اخـذ نوّره ويضّووّي اعله البريه
بصيارك ياليــــــــث الجـــعفريه
ــــــــــــــــــــــــــــــــــــــــــــــــــ
بخيآلي اصفن يبو صالح ورسمك ✍️
وهيّم بصورة اعيونـــك ورسمك 🔲
دخيلك سيدي ولايـــــــذ ورسمك 🛡️
اريد اديم نعمتــكم علــــــيه
بصيارك ياليـــــث الرافضيه
ــــــــــــــــــــــــــــــــــــــــــــــــــ
كلمن غايته وفـــــــكره ورأيه 🗣️
ما همني الحجي عفته ورايه 🚶
شلــت بـيدي علم عالي ورايه 🏳️
واجيت بمحفلك اللقي التحيه
بصيارك ياليــــــــث الجعفريه
✍️ علي كاظم المنصوري
BY الشاعر علي كاظم المنصوري
Share with your friend now:
tgoop.com/aliQ0Q/1435